Matthew 12:18 - Hawa Naga Bible 2001

¹⁸ “Ngaz rueq vthvl taq, ngvy nvrc waz, ngaz rueq lungwawx vshaungx nuiyc raungc raq vshaungx waz kuex lawc shuinz. Ngvy Siyac kuex vpiq htauk nuex ngaz rueq tvhttuiuc kuq shaungx, Ngaz rueq muingphox shaungx lvmx kuex vpiq rueq miqphvnx lotlaz muex tvtay kuq shuex.

ASII LAKDAP Bible (BSI)

¹⁸ “Arwe ahata I jaqshise, ngi raq atsea wan ha. Apaiq ka ngi raq kai tlungwii tiikang, kiimaq ngi ka apaiq ma pinthum khoqriiq tiikang. Ngi raq apaiq ma i Wenyi mithü kuq ha. Kiimaq ngi raq kiq tiidea tiikang kra, apaiq raq Pongnok phan tlotli ma, ngi raq tingting jaqsham tiikang kra michong phan kuq wan.

Muklom

¹⁸ “Ira i sanga, nga piq raa tal táng, nga piq ma tinmat ang, piq tungkang o nga sungrang ang; I Asang Tsija sha nga piq ma konáng, etho piq aa Gentile miqtang ma i jaqhal khaphung raaq batna.

Matthew 12:18 Referencias Cruzadas

Tvtsvmc 89:19

Laukshiz romzyac tvkhic vshiz nuex mnoz muex tvmtuing nvrc waz vhvlx htenc muex mnoz rueq jungx toq kuex, “Muingjungc vhttax shvrvyx waz muex ngaz rueq romc kuq tauk; miq htenc phungc wawc vshiz kuex ngaz rueq vthvl vtueq mnoz hoc daungraungc kuex lekuq gay tauk.

ISAIA 11:2

Piq rueq miqmac miqsaz htenc kuex guimz lawc tvkoc, Yehowa siyac rueq piq muex taksux tharc, phaqjic nuiyc vthenc vtuiuz kuex kuq shuex. Piq rueq Yehowa thuinroc kuex tuiuz vtueq vpiq muex tvtsanc nganc shuex,

ISAIA 42:1

Yehowa rueq, “Vruex waz kuex ngaz rueq hungc vkuq, ngvy nvrc waz, ngaz rueq vthvl waz, ngaz rueq raungc raq vshaungx waz rvtueq. Ngaz rueq vpiq kuex ngvy Siyac maq tvmvrc tauk, vpiq rueq miqphvnx ruip rawx kox nuex tvrac vlvmz kuex lvmz kuq laq shuex.

ISAIA 52:13

Yehowa rueq, “Ngvy nvrc waz rueq piq yauk shuimc kuex taungx wvnc shuex; piq kuex johvlc tvtsanc nganc rvhumc wvnc tuex.

ISAIA 53:11

Vpiq rullungx kuilc daz rvhumc yaq wawc vkokez juing lvp wvnc yek shuex; vpiq rvhumc wvnc tuex kuilc daz kuex khuec guez yaungx kaz muq lvmz vpiq rueq tuiuz yaq. Ngaz vkvmx juing nvrc waz rvtueq, miq paunghvlc murx kuex gurx ningkhvnc nuex tsuingshiq mvrax kuex ngaz rueq dawc kuq shaungx.

ISAIA 62:2

Yerusalem lex, mnoz rueq taungx wvnc shuiux kuex miqphvnx htenc rueq khiz wuez shuex! Tsuingshiq hokhvmx bix lotlaz rueq mnoz ngauz vngax kuex khiz wuez shuex. Mnoz muex Yehowa vpiq pumz maq vmuingc kuq, Muingc nyalx kuex lvp shuiux.

JEREMIA 16:19

Yehowa lex, mnoz kuex ngvy tvkhup wungx vtueq hungc vlaungc kuy jix rvtoq; kuilc daz rvhumc vkhing nuex mnoz rueq ngaz muex romc kuq phux. Ghaq tvsuip wawc miqphvnx htenc kuex mnoz kox nuex kaz vtueq, “Nuiyshiq jix vwaz tamx kuex phara yac yuimx htenc maq lvy vtueq vganc yvmx muinz vguez, kvruex htenc kuex vjux vguez nuiyc khuec guez dvyx rvtueq.

JEKERIA 3:8

Kvkhoc rvtueq Shomc Wayungx Yoshua lex, tay shuiuz; piq kungjix shomc waz bix lex, tay shuinz; nuimshiq kuex max kox tvkoc vhvlx tvtsuingc mal yaungx vtuinx: ngaz rueq ngvy nvrc waz, Vphak Vnoz ngoz tueq gvlc rvhumc yaq waz kuex tvkhic phaungx!

Matthew 12:17

Ekvkhoc bomc htuing kuq tueq lvmx kuex Tishox rueq shvmmax Esaia muex vjungx kuq kvjaz kuex tvhungx tvkoc rvtueq:

Matthew 17:5

Piq rueq kvkhoc jungx yaq baunglaung phelez hvlc phuemx daungshiz rueq tsuinghez kuex buingc wvnc tueq, phuemx mungx maq, “Vruex waz kuex ngaz rueq raungc raq hvlc Saz rvtueq, vpiq kuex ngaz rueq lungwawx vshaungx, vpiq kvjaz tay wuez shuinz,” ngoz tueq.

Mark 1:11

Kvkaq raungx maq bomc poshiz jungx tueq, “Mnoz kuex ngaz rueq lungwawx vphaungx Isaz shauk rvtoq, mnoz kuex ngaz rueq raungc raq vphaungx,” ngoz tueq.

Mark 9:7

Kvkaq phuemx daungx shiz rueq tsuinghez kuex puingc wvnc vtueq, phuemx mungx maq kvjak tueq kuex, “Vruex waz kuex ngaz rueq lungwawx vshaungx Isaz rvtueq, vpiq kvjaz tay shuinz!” ngoz tueq.

Luke 23:35

Nuk miqsaz htenc rueq jvp vtueq lawc yaq nuex Yuda walaungx bix rueq tvlilawx yaq lvmx maq: “Miq vganc jix kuex palc lot yaq; mkhoc shoc maq Tishox rueq vthvl taq waz Mesia ngoz ruiux kuex vpiq pumz vpiq mkvpalc wvnc kueq,” ngoz tueq.

Luke 3:22

Vsawc Siyac kuex hituiuc saz ikhoc vpiq htauk nuex svt kaz tueq. Raungmungx maq, “Mnoz kuex ngaz rueq lungwawx vphaungx Isaz rvtoq. Mnoz kuex ngaz rueq raungc raq vphaungx,” ngoz tueq raungx maq kvjaz dung tueq.

Luke 4:18

“Taungjix Siyac kuex ngvy htauk nuex svt kaz ruex; htemc saz jix muex thuix thaungx vhvlx jungc kuy tvkoc vpiq rueq ngaz muex vpuiz tix maq nyvt kuq phuex. Khvrc buinc rvhumc jix htenc tvdung wvnc shuex lvmz nuiyc, muik mawz jix htenc rueq muik khiz wvnc shuex lvmz jungphvnc kuy tvkoc muinz; tuinghtuing rvhumc jix htenc palc wvnc shuex lvmz muinz;

Luke 9:35

Phuemx mungx maq, “Vruex waz kuex Isaz rvtueq, vpiq kuex ngaz rueq vthvlc tvy wuez shex, vpiq kvjaz kuex tay wuez shuinz!” ngoz tueq kvjak tueq.

John 3:34

Tishox rueq vtvkaz waz rueq Tishox bomjungc kuex jungphvnx kuq yaq, yvmx khoc lac ngoz ruiux lec Tishox vpiq rueq vtvkaz waz muex Siyac kuex mvrc laz kuq tueq.

Acts 10:38

Nazaret waz Yesu kuex Tishox kox wawc Vsawc Siyac nuiyc luimc vkawc yvmx khoc lac lvp wvnc tvnx lvmz muinz nuimshiq rueq tuiuz vshuinx, Tishox kuex vpiq rulc roc nuex httaz ningkhvnc nuex vpiq kuex baung ruip saz nuex kvroz khuemx vtueq, miq htenc muex menjenc kuq ruiux, htaungc rueq tvkuilc daz yaq htenc kuex tvhvlc kuq tueq.

Acts 11:18

Kvruex kvjaz kuex tay vtueq tsuingshiq rueq mvrax tvgurc kvjaz kuex jungphvnx muq shex, “Tishox rueq Pungnuk miqsaz muex muinz thuinz kvlayc vtueq, rullungx tvraungx lvp wvnc juing vkhangx kuq tueq nyix!” ngoz tueq jungx ruiux Tishox muex tvtsvmc kvmc tueq.

Acts 14:27

Tsuingnueyc kuex Antiok nuex httuiuc waung vtueq phungc miqsaz htenc kuex tvtuimx ruiux, tsuingnueyc muex Tishox rueq shuimx kuq wvnc tueq phvnx ruip saz htenc muinz, Pungnuk miqsaz kvmluimx wvnc tvkoc Taungjix rueq lvmx daz kuq tueq lvmz htenc muinz tvtay jungx kuq tueq.

Ephesians 1:6

Vpiq rueq lungwawc hvlc vsaz maq raz tueq vhtawz vrawz thoz muq maq naungshiq muex kuq phuex ngauz vngax httax yaq vpiq kejux ningkhvnc nuex Tishox muex tvtsvmc wuez ix!

Colossians 1:1

Tishox thuinroc rulc rv-ngvlc Christu Yesu kamx waz ngaz Polu nuiyc naungshiq phunox waz Timothy nvnueyc kox maq,

Colossians 1:13

Vpiq rueq naungshiq kuex raungx nyauk mungx wawc palc tvdung wvnc vtueq, vpiq rueq lungwawc yaq Vsaz mungtan kvyuq tv-nyuip shvlx wvnc phuex.

1 Peter 2:4

Taungjix kox nuex waung wuez luit, vpiq kuex miq htenc rueq khuec guez ngoz tueq vtvdux gay vtvraungx lung rvtueq, yuq muinz Tishox rueq vthvl taq vhtawz vhttax lung muex yaungx wvnc tueq.

2 Peter 1:17

Vpiq muex Vwaz Tishox kox wawc tvtsanc nganc nuiyc ngauz vngax kuq tueq nuex Johvlc Ngauz vngax mungx wawc vpiq kox nuex httuiuc tueq tvruingc kuex, “Vruex waz kuex ngaz rueq lungwawx vshaungx Saz rvtueq!” ngoz tueq jungx tueq nuex nuiyshiq muinz kvyuq vpiq rulc vdvmz vhttax rvtiq.