Matthew 11:14 - ASII LAKDAP Bible (BSI)

¹⁴ Kiimaq namshiq raq tsangshiq traho bomchong ma kamwan tlan jiika, Johan kata tsangshiq raq shammi we Elija miki nguta tiithai chongkuq thü tiiwe kra.

Hawa Naga Bible 2001

¹⁴ Tsuingshiq bomjungc kuex nuimshiq rueq tay vtueq kvmx wuez ruiux yuq, vruex Yohan kuex httuiuc kaz yaq waz ngoz tueq tvluz nuex jungx wvnc tueq Elia kuex rvtueq.

Muklom

¹⁴ Etho nim aa ning raaq han inn jo, nim aa ban inn rangsamal Elijah tha John raa hun.

Matthew 11:14 Referencias Cruzadas

EJEKIEL 2:5

Kra ikiqkhii sruti raq ümbom ka taijiiq sha taimak wa riijiiq, li jiimin tsangshiq raq tsangshiq phana shammi weshi ka tiikitodea nguta misap.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

MALAKI 4:5

“Shatmaq, liirong laq, kra Tatiwe ranaiq jonghea kiimaq phiiptsi chang ranaiq kra misaüho shaq na, ngi raq namshiq phana shammiwe Elija mitiikiliha.

Matthew 11:13

Johan pat na saüli Shiikeawe shammibi nai Mosheq Thungtri raq Shiikeawe Mungtan miitu chongkuq wanto.

Luke 1:17

Apaiq ka Tatiwe ma sinkhu na miki. Shammi Elija ikha apaiq ka kamasham na, achaq awaq miraq. Apaiq raq tapin aki, siwe sise ka ashram mirkuq wan. Apaiq raq lamjiq na akihotibi maiqse thun kra, tingting lamphan na hali mitrap ru shea wan nong. Apaiq raq Shiikeawe sengi ka Shiikeawe puk na nyap wan miitu, tsangshiq tsantsii kra mitiinin ja wan.”

John 16:12

“Ngi raq namshiq ma pahea dea bom chongke chang asi shaqli. Shatmaq, ümchaü ka namshiq ma liichum tsin hea tak lot man mirhan.

1 Corinthians 3:2

Ngi raq namshiq ka nyakpü miili pü wan kang. Dung chungkaq miika dung lot mang dea. Ara jamkhano chongtiikang ngukla, namshiq ka dung atsin ka phaqsiq lot man shaqli riilan. Kiimaq ümchaü niitaq dongdii min, namshiq ka dung chungkaq ka phaqsiq tsü man shaqli.

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.