Matthew 1:12 - ASII LAKDAP Bible (BSI)

¹² Kiimaq Bebilon mung na munglu shumwi wawantaq kra pat wa jai miishe atitiim thun mang ka arthun arshe: Jehoiachin se ka Shealtiel; kiimaq Shealtiel se ka Jerubabel;

Hawa Naga Bible 2001

¹² Babelon nuex thuq wvnc tvkoc Israel miqsaz htenc lvp shvlx wvnc tueq yix maq, Jehoiachin rueq Shealtiel lvp tueq, Shealtiel saz kuex Zerubabel,

Muklom

¹² Babylon náng sol kat jio, Jehoiachin Shealtiel wa angta; Shealtoel Zerubbabel wa angta;

Matthew 1:12 Referencias Cruzadas

2 HOKHVMX 24:14

Kiimaq Nebukadnejar raq Jerusalemti mungmaiqse thun, hokhamwe jamti hokhamsetiim maiqwere thun, kiimaq mungtubi thun, tsangshiq tlotli ka maiq hing roqshi ka munglu shumwikong ma tsuq wanto. Kiimaq apaiq raq maiq jaqsham smabi thun, tiiqwebi thun kiimin romshaq na, wiita Bebilon mung na tiiwabaiqto. Raüta Juda mung niika mungmaiqse phong wa miitsan pinthumtibi kriili she tiichong baiqthüto.

2 HOKHVMX 25:27

Ewilmerodakh ka Bebilon mung na hokham ma shongtaq kra rawiili, apaiq raq Juda mung Hokhamwe Jehoiachin ma mangchan tsantsii tiichhi kuqto. Raüta apaiq raq Jehoiachin ka phaqtek wa atiidong she riito. Ara apaiq phaqtek mong wa tiidongtaq arka Jehoiachin ka munglu shumwi ma Bebilon mung na shea wan li maq, wiiroqtsam ri wiimiishi she angu rawii, jipi lüroqshi ri lünai angu na, kra jipi lüwa raroqnai ri ramiishi ranaiq na apaiq ka phaqtek mong wa tiidongto.

1 KAÜWA WERAÜ 3:17

Hokhamwe Jehoiachin saüsetiim weraü manphan ka arthun ara. Apaiq ka Bebilon mung na munglu shumwi ma tsuq wanto. Jehoiachin setiim ka maiqwe sere wemiishi. Tsangshiq mang ka arthun ara: Shealtiel,

EJRA 3:2

Kra raütiishe, Jehojadak se Joshua, kiimaq apaiq kongtitiim ramwebi, kiimaq Shealtiel se Jerubabel raq, apaiq ma tatisenobi thun kra sheaho raüta, Israilnok Shiikeawe shomnoq chang berong-wacha arunbaiq rat kra tiihea hai wan nongto. Arka Shiikeawe raq apaiq jaqshise Mosheq ma Thungtri kuqtaq kra phan phan Shiikeawe ma wa na chaq raüta aluke wan nong miitushe tiihea haito.

EJRA 5:2

Riita ara Shiikeawe tsütsa chongkuq wantlaq arka Shealtiel se Jerubabel nai Jehojadak se Joshua raq tai wan raüta tsangnai raq mungmaiqse ka shea raüta, Jerusalem wa Shomjam kra tiihea hai wan nongto. Kiimaq ara Shiikeawe shammi wenai riimin tsangshiq khrum kuqto.

NEHEMIA 12:1

Riita, ramwebi nai Lewinok munglu wansha asiwa wa Jerusalem na, Shealtiel se Jerubabel nai Ramwe Ajong Pinthumwe Joshua rai ajanghotibi mangwea raüpot ka ara:

JEREMIA 22:24

Tatiwe raq Juda mung Hokhamwe Jehoiakim se Hokhamwe Jehoiachin ma nguto, “Ngi ka tengteng atra Shiikeawe kha maq, ümniika arangho ijaqtop jaqtsi nü na apaha li nguraü min, ngi raq ümniika ijaqshi wa achhut mirbaiqha.

JEREMIA 22:28

Kiijiishe ngi raq ngukang, “Riita Hokhamwe Jehoiachin ka hamlii kolo bunki raüjaq rum na tiijobaiqtlaq ikha, maiq jurmin romak she ikhiidea sha? Arningkhan she dea sha apaiq nai asetiim ka pongmung na tsangshiq raq chhiha mak nai sap mak mung na munglu shumwi ma tsuq wan ta?”

JEREMIA 22:30

“Arwe arka tiidearok shra baiqto, asetiim ka apaiq raq asham chhimak she miraq, apaiq pum songti maiq ka ahüshe miraq. Apaiq saüsetiim Juda mung pengti, Dawit changkhü songti ka ahüshe miraq. Arka Ngi, Tatiwe raq toqtan tiikang.”

HAGAI 1:1

Hokham Ajong Derias raq Persia mung ka lang wan li maq wiishi ri jipi lütrok she angu na, jipi lütrok kriiwa jiha ranaiqshi ranaiq na, Tatiwe raq Shammiwe Hagai lümaq bomtsi tiichongkito. Kra riisham bomchong kriika Juda mung langti Wanghuptiwe, Shealtiel se Jerubabel nai Ramwe Ajongwe Jehojadak se Joshua kriima atiichongki bomtsi.

HAGAI 1:12

Kra bomchong kra tai raüta, Shealtiel se Jerubabel kiimaq Jehujadak se ramwe jong Joshua, kiimaq mungmaiqse tlotli, Bebilon mung na shumwi asiwa ajang wanti thun raq, tsangshiq Tati Shiikeawe raq jamlai wa chongtaq kriishe langto. Tsangshiq ka tsanghai she sito. Krai mren, Tatiwe shammi Hagai raq bom chongtaq kra phan phan she Tatiwe aming ka lang wanto.

HAGAI 1:14

Krai mren, Tatiwe raq mungmaiqse tsantsii ka tiichhii kuqto. Kiimaq tlotli ka shairang rang she chapto. Raüta Shomjam ka tiihea haito. Juda mung pengti Wanghuptiwe Jerubabel, Ramwe Ajongwe Joshua, kiimaq shumwi asiwa jangwantiiti thun mungmaiqse kunli chap rang she shai wanto. Tsangshiq raq Tati Shiikeawe Ningkun Ajong Pinthum Shomjam tiihea hai wan jaqsham kriishe phato.

HAGAI 2:2

Apaiq raq Hagai nangnga, Juda mung pengti Wanghuptiwe Jerubabel nai Ramwe Ajongwe Joshua, kiimaq mungmaiqse ma bom ka akha tiichongto:

HAGAI 2:23

Kra ranaiq akhing na, o ijaqshise Jerubabel lei, ngi raq ümniika imang na mung rüm wan miitu tuwe jong miishe mishong wan ha. Ümniika ngi raq ijaqshise ma tsea wan kang she.” Arka TatiNingkun Ajong Pinthumwe raq ngutlo.

Matthew 1:11

Kiimaq Josia se ka Jehoiachin nai anotiim; tsangshiq ka Bebilon mung na munglu shumwi tsuq wantaq pat wa.

Matthew 1:13

Kiimaq Jerubabel se ka Abiud; kiimaq Abiud se ka Eliakim; kiimaq Eliakim se ka Ajor;

Matthew 1:17

Krai mren, Abraham pat maq pha raüta Dawit pat na saüli maiqpat ka pat roqshi ri patblai. Kiimaq Dawit pat maq pha raüta Bebilon mung na munglu shumwi sitaq pat na saüli maiqpat ka patroqshi ri patblai. Kiimaq Bebilon na munglu shumwi siwataq pat maq pha raüta Messia rawüchhi akhing na saüli maiqpat ka pat roqshi ri patblai riito.

Luke 3:27

Joda ka Joanam se. Joanam ka Rhesa se. Rhesa ka Jerubbabel se. Jerubbabel ka Shealtiel se. Shealtiel ka Neri se.