Matthew 1:12 - Hawa Naga Bible 2001

¹² Babelon nuex thuq wvnc tvkoc Israel miqsaz htenc lvp shvlx wvnc tueq yix maq, Jehoiachin rueq Shealtiel lvp tueq, Shealtiel saz kuex Zerubabel,

ASII LAKDAP Bible (BSI)

¹² Kiimaq Bebilon mung na munglu shumwi wawantaq kra pat wa jai miishe atitiim thun mang ka arthun arshe: Jehoiachin se ka Shealtiel; kiimaq Shealtiel se ka Jerubabel;

Muklom

¹² Babylon náng sol kat jio, Jehoiachin Shealtiel wa angta; Shealtoel Zerubbabel wa angta;

Matthew 1:12 Referencias Cruzadas

2 HOKHVMX 24:14

Nebukhadnezar rueq Yerusalem ghaq wuinz lotlaz, hokhvmx hoc wawc vyungx vlaungx lotlaz, vshunc vshvlc jix miq lotlaz, romshauk lotlaz kuex miq 10,000 lvp wvnc tueq. Piq rueq vthenc vtuiuz yauk shuimc jix lotlaz ngoc juing jek waz bix tauk vlomx thuq shvlx wvnc tueq, Yuda mungx nuex kuex htemc rvmc hvlc miqsaz dvyx shex taq shec tueq.

2 HOKHVMX 25:27

Ewilmerodak kuex Babelon hokhvmx muex yaungx wvnc tueq raungwawc nuex, piq rueq Yuda Hokhvmx Jehoiachin kuex khoktep wawc tvdung vtueq piq menjenc thuinz tvkhic tueq. Kvruex kuex Jehoiachin khoktep nuex shuiuz gay wawc 37, lex 12, raungx 27 nuex vkhoc yaungx wvnc tueq.

1 KAÜWA WERAÜ 3:17

Vruex hez kuex Babelon miqsaz rueq lvp thuq wvnc tueq Hokhvmx Jehoiachin suiuz vsaz hez rvtueq. Jehoiachin rueq vsaz miqwaz mvshix lvp tueq: Shealtiel,

EJRA 3:2

Jehozadak saz Yoshua, piq kungjix shomc waz bix, Shealtiel saz Zerubabel rulc vdvmz piq taungnyuing sanox htenc rueq Israel Tishox shomrawx kuex tvhungx yek vtueq, Tishox miq waz Moshe Tvrac luik nuex wuiyq shec tueq rulc rv-ngvlc, shomc nawk kuy juing htenc kuex jauk shomc kuy tvkoc shomrawx kuex tvhungx tueq.

EJRA 5:2

Kvkaq Shealtiel saz Zerubabel nuiyc Jehozadak saz Yoshua rueq tsuingnueyc bomjungc kuex tay vtueq, Yerusalem wawc Shomc Yuimx kuex guirx phaungc wvnc yek koq tueq, shomc waz nueyc rueq muinz tsuingnueyc muex romc kuq naungx tueq.

NEHEMIA 12:1

Shealtiel saz Zerubabel nuiyc Shomc Wayungx Yoshua rulc vdvmz mungtan maq vyurc gay wawc yek waungc jix shomc waz bix nuiyc Lewi miqsaz muingc wvlc kuex vkhoc rvtueq: Seraia, Yeremia, Ezra, Amaria, Malluk, Hattusha, Shekania, Rehum, Meremot, Eddo, Ginnethoi, Abija, Mijamin, Maadia, Bilga, Shemaia, Joiarib, Jedaia, Sallu, Amok, Hilkia nuiyc Jedaia. Kvruex hez kuex Yoshua pat nuex tsuinghez yix phvnc jix shomc waz bix muex walaungx bix rvtueq. Vruex hez kuex kejux tvtsvmc shic htenc shic ngoyc tuex nuex shunshvlc jix hez rvtueq: Jeshua, Binnui, Kadmiel, Sherebia, Yuda nuiyc Mattania.

JEREMIA 22:24

Yehowa rueq Yuda Hokhvmx Jehoiakim saz Hokhvmx Jehoiachin muex jungx tueq, “Ngaz kuex vsuing vtvraungx Tishox rvtauk, mnoz kuex ngvy yauk keq kox wawc tvsik yauktop rvtoq yuq muinz, ngaz rueq mnoz kuex put vtueq tuip gay phaungx,

JEREMIA 22:28

Ngaz rueq, “Vruex Hokhvmx Jehoiachin kuex uraq muinz roc muq tuip gay tueq tuik bunx ikhoc yaungx wvnc toq nyix? Yvmx rvtueq lac piq rulc vdvmz vsaz hez kuex tsuinghez rueq tuiuz muq mungtan nuex thuq wvnc rvhumc tvnx?” ngoz tueq ngoz tauk.

JEREMIA 22:30

“Vruex waz kuex piq sahez tvmawz gay ningkhvnc nuex muinz, mkaq muinz taungx muq waz yaungc ningkhvnc nuex muinz vphoc rvhumc yaq. Vpiq nuex Dawid hoc tvhttoarc tvkoc Yuda mungx kuex guimx jix vpiq suiuz vsaz htenc kuex httax tuex rvmuq shex. Ngaz, Yehowa rueq jungx vshaungx.”

HAGAI 1:1

Persia honoc Dariu yaungx tueq wawc nuiyc rac yapix lex tvruk vphaungc raungnuiyq Yehowa rueq shvmmax Hagai maq raz tueq kvjaz jungx tueq. Bomjungc kuex Shealtiel saz Yuda mungx walaungx Zerubabel nuiyc Jehozadak saz Shomc Wayungx Yoshua tvkoc rvtueq.

HAGAI 1:12

Kvruex yimaq Zerubabel, Yoshua nuiyc Babelon mungx nuex vthuq laq wawc vyek waung miq htenc lotlaz rueq Yehowa tsuingshiq Tishox rueq tsuingshiq muex vshuimc vkay juing nvr tueq kuex shuimx kaz wuez tueq. Tsuingshiq kuex hiyaz vtueq Yehowa kamx waz shvmmax Hagai kvjaz kuex phvnx wuez tueq.

HAGAI 1:14

Yehowa rueq miq pumz tek vtueq Shomc Yuimx yauk shuimc tvkoc Yuda mungx walaungx Zerubabel; Shomc Wayungx Yoshua nuiyc vthuq vruez laq wawc vyek waung miq lotlaz muex tvsvmz wuez tueq. Tsuingshiq rueq Tvphaungc Tvsuip Yehowa tsuingshiq Tishox Shomc Yuimx kuex,

HAGAI 2:2

Vpiq rueq Yuda mungx walaungx Zerubabel muex muinz, Shomc Wayungx Yoshua muex muinz, miq htenc muex muinz jungc kuy tvkoc Hagai muex nvr tueq.

HAGAI 2:23

Kvruex raungnuiyq ngaz kuex ngvy nvrc waz Zerubabel mnoz kuex ngaz rueq shvlx laq vtueq, ngvy muingc maq guimz lawc tvkoc mnoz muex lekuq shaungx. Mnoz kuex ngaz rueq vthvl miq vshiz rvtoq.” Tvphaungc Tvsuip Yehowa rueq jungx tueq.

Matthew 1:11

Josia kuex Babelon mungx nuex thuq wvnc tueq kvkaq, Jehoiachin nuiyc vphuz vnox hez humc tueq,

Matthew 1:13

Zerubabel saz kuex Abiud, Abiud saz kuex Eliakim, Eliakim saz kuex Azor,

Matthew 1:17

Abraham pat maq Dawid pat nuex httuiuc laz pat rokshiz rac pat bvlic. Dawid pat maq Israel miqsaz Babelon mungx nuex thuq wvnc tueq nuex httuiuc laz pat rokshiz rac pat bvlic. Babelon nuex thuq wvnc tueq pat maq Mesia jawx kaz tueq nuex httuiuc laz pat rokshiz rac pat bvlic rvtueq.

Luke 3:27

Yoda saz, Yoda kuex Yoanan saz, Yoanan kuex Resa saz, Resa kuex Zerubabel saz, Zerubabel kuex Shealtiel saz, Shealtiel kuex Neri saz,