Mark 8:6 - ASII LAKDAP Bible (BSI)

⁶ Kiijiishe, apaiq raq, “Tarü anga ronglaq,” nguta mungmaiqse ka tiingato. Raüta, apaiq raq winsii thop miishi ka, ajaq na do raüta, Shiikeawe ma kechu tumto. Raüta, winsii ka tiiphanto. Kiimaq ajaqshisetiim ma, winsii ka mungmaiqse ma pheakuq ronglaq nguta kuqto. Krai mren, ajaqshisetiim raq, winsii ka mungmaiqse ma pheakuqto.

Hawa Naga Bible 2001

⁶ Kvkhoc rvtueq nuk miqsaz htenc kuex ghaq nuex ngaungc tvkoc nvr tueq. Kvkaq vpiq rueq wanx phux mvshix kuex lvmz vtueq ruimx ruiux, tv-phuinz tv-phux raz tueq nuk miqsaz htenc muex phvlx kuy tvkoc vpiq sangac hez muex kuq tueq; kvrulc rv-ngvlc sangac bix rueq shuimx tueq.

Muklom

⁶ Piq aa ethina tongtey thaji miqtang thima utong angma batta. Ethi jio piq aa lo sanat banlo tha som eq Shkewa ma kechu ajong kota, etho banlo tha pin eq thaji miqtang ma phal kotma ujiphantey tang thima kota; etho ujiphantey tang aa irimal hun somlo ta.

Mark 8:6 Referencias Cruzadas

Matthew 26:26

Tsangshiq ka phaqsea rea na, Jesuq raq winsii phushi ajaq na tsunto. Raüta kechutum achu jaüto. Raüta kra tiiphanto. Kiimaq kra ajaqshisetiim ma kuqto, “Ara jaü ronglaq, lanta phaq ronglaq,” nguta apaiq raq nguto. “Arka i ngamphu.”

Mark 8:20

“Kiimaq ngi raq, maiq hingblai ma winsii phu miishi tiiphan kuq kang irha? Seabung bun archom han raq tamlii ümchuwa mataq ira?” nguta Jesuq raq tsangshiq ma waito. “Tamlii miishi mali riito,” nguta tsangshiq raq treto.

Mark 8:5

Kiijiishe Jesuq raq, “Namtsam jaq na ümchaü winsii thop ümchuwa asi?” nguta tsangshiq ma waito. “Thop miishi asi,” nguta tsangshiq raq treto.

Mark 8:7

Tsangshiq jaq na ngiq shin phusetiim min asi riito. Jesuq raq kra miitu min, Shiikeawe ma kechu tumto. Raüta, ajaqshisetiim ma kriimin mungmaiqse ma pheakuq ronglaq nguta kuqto.

Luke 12:37

Kopan jonghea miraq, ajaqshisetiim phong wa ümriiti wa tsangtijong we ka jangki tlaq akhing na, apaiq ka asam, kiimaq tiijeshat miloho! Ngi chongpha. Apaiq raq asamtong ka chhut raüta, tsangshiq ka atiinga miraq. Raüta, apaiq raq tsangshiq ma aheawiq maq tü adung thun kra mitiiphaqsiq.

Luke 24:30

Apaiq ka tsangnai rai dungsea dam ngutiishe ngato. Raüta, winsii phu ka ajaq na shamto. Raüta, aram riito. Raütiishe, apaiq raq winsii phu ka tiiphan raüta, tsangnai ma kuqto.

John 2:5

Kiijiishe, “Apaiq raq namshiq ma jamlai bom wa chong jiiq, kra phanphan sham rong laq,” nguta Jesuq nyung raq jaqshamtibi ma chong kuqto.

John 6:23

Kiijiishe, Tiberias hiq nü wa asaüki lai wiijam ka, Tatiwe raq achu jaü raüta, nokmaiqse phong ma winsii tiiphaq siqtaq hiq tho thamchum kii niishe saükito.

Romans 14:6

Jurwa jipi wea stiq skhaq raüta sitlaq, kriika Tatiwe ma shreng raüta thü wan tlo. Kiimaq jurwa phanrap aphaq asea nguli pen mak maq, phaqsiq tlaq, kriimin Tatiwe mang na phaqsiq tlo. Ara jamkhano chongtiikang ngukla, tü adung phaqsiq tlaq, kra miitu Shiikeawe ma kechutum ramram raüta phaqsiq tlo. Kiimaq hali, jurwa kamliikam phaqsiq mak, wiijam ka apen raüta phaqsiq tlaq, kriimin Tati shreng raüta, phaqsiq tlo. Kra phaqsiqtlaq kra miitu, apaiq raq Shiikeawe ma kechutum ramram raüta sii hali phaqsiqtlo.

Colossians 3:17

Ümchaü sanha, namshiq raq, na We Shiikeawe ma kechutum tlan na, abom na kiimaq phanrap jaqsham tlan na, Jesuq Khristo mang niili she sham rong laq.