Mark 8:6 - Muklom

⁶ Piq aa ethina tongtey thaji miqtang thima utong angma batta. Ethi jio piq aa lo sanat banlo tha som eq Shkewa ma kechu ajong kota, etho banlo tha pin eq thaji miqtang ma phal kotma ujiphantey tang thima kota; etho ujiphantey tang aa irimal hun somlo ta.

ASII LAKDAP Bible (BSI)

⁶ Kiijiishe, apaiq raq, “Tarü anga ronglaq,” nguta mungmaiqse ka tiingato. Raüta, apaiq raq winsii thop miishi ka, ajaq na do raüta, Shiikeawe ma kechu tumto. Raüta, winsii ka tiiphanto. Kiimaq ajaqshisetiim ma, winsii ka mungmaiqse ma pheakuq ronglaq nguta kuqto. Krai mren, ajaqshisetiim raq, winsii ka mungmaiqse ma pheakuqto.

Hawa Naga Bible 2001

⁶ Kvkhoc rvtueq nuk miqsaz htenc kuex ghaq nuex ngaungc tvkoc nvr tueq. Kvkaq vpiq rueq wanx phux mvshix kuex lvmz vtueq ruimx ruiux, tv-phuinz tv-phux raz tueq nuk miqsaz htenc muex phvlx kuy tvkoc vpiq sangac hez muex kuq tueq; kvrulc rv-ngvlc sangac bix rueq shuimx tueq.

Mark 8:6 Referencias Cruzadas

Matthew 26:26

Ning aa rong phaksat chey atho Jesu aa banlo tha somta, etho kechu ajong kot eq pin ta, etho ujiphantey tang thima kot eq batta, “Iri som inn, ira ihanngam.”

Mark 8:20

Etho Jesu aa pitta, “Nga sanat banlo wang hayat bali miqtang ma taphaksa tang tho udak thi nim aa chamtan khong o tashey tin?” Ning aa thawel batta, “Sanat.”

Mark 8:5

Jesu aa pitta, “Nim jakna chamtan banlo aa?” Ning aa batta, “Lo sanat banlo.”

Mark 8:7

Ning jakna aming ngaqsa amaan sa angta; Jesu aa Shkewa ma ethi rangma tho kechu ajong kota, etho ujiphantey tang thima kot eq iri tang ri tho phal kot inn ta batta.

Luke 12:37

Tangteywa thu ajo sanga tang athing kap khi atho eshi sanga tang ma sunmaan! Nga asing batphang, tangteywa rangkho samkhong sha chok eq usanga tang ma til satma tatong na, etho urelnáng ka eq chukdap kotna.

Luke 24:30

Piq ning jamoq phaksat ma tong atho, piq aa banlo tha somta etho sunmaan ta raaq ta; etho piq aa banlo tha pin eq ning ma phal kotta.

John 2:5

Unu aa sanga tang thima batta, “Piq aa nim ma chamlang ta batphin, eshi somlo inn.”

John 6:23

Adak waqwan tang Tiberias wang eshi haq rel shináng thuta, Teyhungwa ma kechu ajong kot jio ning aa banlo tha phaksat sha eshina angta.

Romans 14:6

Barey chamtey saal sha rangka aa, ning aa Teyhungwa rangma irimal somlo aa. Barey ngam phaksat aa, ning aa Teyhungwa rangma esha phaksat aa, chammatakoi ning aa Shkewa ma kechu ajong kot aa; etho barey ngam phaksat moq, ning aa Teyhungwa rangma phaksat moq etho Shkewa ma kechu ajong kot aa.

Colossians 3:17

Raaq wang tia jaksom wang chamlang somlo inn jo tho thaji shi Teyhungwa Jesu miing wang somlo inn, etho piq tungkang o Shkewa ma Kechu ajong kot inn.