Mark 3:7 - ASII LAKDAP Bible (BSI)

⁷ Jesuq nai ajaqshisetiim ka maiq akaiq kaiq, Gelili Thamchum kii nü niishe wawanto. Shatmaq, mungmaiqse muklung raq, apaiq jai ka phan wanto. Tsangshiq ka Gelili wang wa, Judia wang wa,

Hawa Naga Bible 2001

⁷ Yesu nuiyc vpiq sangac bix kuex Galile Jumx kawx nuex kvhttot kaz tueq, Galile mungx nuiyc Yuda mungx wawc miq vkung vdaungx phungc shiz vpiq yix phvnx naungx tueq,

Muklom

⁷ Jesu nia ujiphantey tang Galilee shitim konáng kata, etho ning ji tha daqhan miqtang eq phanta. Galilee wang, Judea wang,

Mark 3:7 Referencias Cruzadas

Matthew 10:23

Namshiq ka chela ashi maq tiicham chao kiiphan jiila, chela ashi na juho lili ronglaq. Ngi chongpha. Namshiq raq traho bom chongke ka Israil mung chela thun lotli na michong kuq lot han shaq niili Maiq Se kriishe misaüho.”

Matthew 12:15

Jesuq raq apaiq tsea miitu matkii she süriitlo nguta tai raüta, apaiq ka kriiba wa ahin niishe tiido wawanto. Kiimaq nokmaiqse kong phong pahea raq apaiq jai ka phan wanto. Apaiq raq tsangshiq phong wa maiq atsi asiti thun ümchuwa sitaq kra wiita kunkun tiihea kuqto.

Matthew 12:16

Kiimaq apaiq raq tsangshiq ma apaiq tsütsa ka maiq ahinti ma naq tiitai rongkiq nguta aming kuqto.

Matthew 4:25

Nokmaiqse kong phong ka pahea pahea, Gelili wang wa, Chela Roqshi thun wa, kiimaq Jerusalem wa, Judia wang wa, kiimaq Jordan rai maq shedong nü wang wa aki rai thun kriiraq, Jesuq jai ka phan shiiphan maq khum wan damto.

Mark 1:39

Krai mren, apaiq ka Gelili wang hamli na khum raüta, sinagok thun na tsütsa ahea kra chongkuqto. Kiimaq tha ka maiq khum wa jobaiqto.

Mark 1:45

Shatmiitiq, apaiq ka wawan raüta, atsi tiihea kuqtaq tsütsa kra, barap binrii niishe tsaki wanto. Apaiq raq barap na, rin ra wan kha maq, Jesuq ka chela na, nokwe makki na, khumki lot mak she riito. Arkha maq Jesuq ka, maiq akaiq kaiq ba hiqshong niili she khum wanto. Kra taü maq dongdii min, mungmaiqse ka Gelili wang barap se wa, apaiq phana riitsap riikhat wato.

Mark 3:20

Raütiishe, Jesuq ka jam na wawanto. Kiitiikii min, maiq ka pahea riiphong wan kha maq, Jesuq nai ajaqshisetiim riika dung min phaqsiq lap mak riito.

Mark 4:1

Kiimahali Jesuq raq Gelili Thamchum kii maq trahokuq nongto. Mungmaiqse ka apaiq tro na pahea thungto. Kriikha maq, apaiq ka lai ashi na ngato. Lai ka kham mong na kiimaq mungmaiqse ka takii na thungto.

Luke 23:5

Shatmaq, tsangshiq raq kra thaq na achaq awaq miishe, “Apaiq raq trahokuqtlaq kra lümaq, Judia wang tlotli na mungshuk tatso wa she tiinyai chaqto. Apaiq raq ara traho bomchong kewan arka, Gelili wang maq phaho raüta, ümchaü sanha, ajiishe saühoto,” nguta khoti kha nyan bomtsi kriika tiitsin wan wan she riito.

Luke 6:12

Kiitincho ji, ranaiq shi, Jesuq ka hiqlam ashi na, achu jaüwa wawanto. Kiimaq apaiq ka rawa minru Shiikeawe jaq wa achu jaüto.

Luke 6:17

Jesuq ka hiqlam maq, akiimwetiim rai satki raüta, hiq thung ba na, ajaqshisetiim pahea rai chapto. Maiq mungnyung mungse, Judia wang tlotli wa, kiimaq Jerusalem wa, kiimaq Tajar nai Sidon hong na khamjong kii na atei chela thun wa awa rai thun ka kiijaq thungto.

John 7:41

Jesuq raq ara traho bomtsi chongkuqtaq ara tai raüta, maiq wiijamti raq, “Arwe arka Khristo dea ahata!” nguta riibomto. Shatmaq, tsangshiq phong wa maiq wiijamti riika, “Khristo ka Gelili hiq shong wiika poki mak miraq!

John 7:52

Kra tai raütiishe, tsangshiq raq, “O, ngo mai ri ahea kata. Ümniikiimin la Gelili hiqshongti sii dea riimak sha? Asii Bomtsi ka samhea phat laüta liiwan liina. Laüta, Gelili hiqshong wiika Shiikeawe shammi ka dong mak nguta bom chongtlaq kra misap haü,” nguta apaiq bom ka treto.

Acts 17:10

Kra rajili she, ranyaqto angu niishe, phunainotiim raq Paul nai Silas ka Berea chela niishe sheathü kito. Riita tsangshiq ka Berea na saü wan raüta, sinagok na kito.

Acts 17:14

Kra thohe raütiishe, phunainotiim raq Paul ka khamjong raikii na tiishea thükito. Shatmaq, Silas nai Timothi ka Berea niili khingkito.

JOSHUA 20:7

Krai mren, Jordan rai maq shenyap nü binjü na Gelili wang wa Kedesh chela kra tseato. Arka ku akin tonglong mung na Naphtali wang na riito. Kiimahali ku akin tonglong Ephraim mung kiiwa Shekhem chela kra tseato. Kiimahali ku akin tonglong mung na Juda wang wa Hebron chela kriimin tseato.

JOSHUA 21:32

Kiimahali Naphtali phan rii hiqshong binjü wiika, tsangshiq raq chela atsam lapto: Gelili wang wa Kedesh, kra chela tro binjü wa nyamse rümchang nyiimlung wakram kiimin romshaq (arka chiimjin chang chela phong wa ashi), kiimaq Hammoth Dor, kiimaq Kartan chela thun ka, kriithun tro binjü wa nyamse rümchang nyiimlung wakram kriimin romshaq raüta kuqto.