Mark 3:7 - Hawa Naga Bible 2001

⁷ Yesu nuiyc vpiq sangac bix kuex Galile Jumx kawx nuex kvhttot kaz tueq, Galile mungx nuiyc Yuda mungx wawc miq vkung vdaungx phungc shiz vpiq yix phvnx naungx tueq,

ASII LAKDAP Bible (BSI)

⁷ Jesuq nai ajaqshisetiim ka maiq akaiq kaiq, Gelili Thamchum kii nü niishe wawanto. Shatmaq, mungmaiqse muklung raq, apaiq jai ka phan wanto. Tsangshiq ka Gelili wang wa, Judia wang wa,

Muklom

⁷ Jesu nia ujiphantey tang Galilee shitim konáng kata, etho ning ji tha daqhan miqtang eq phanta. Galilee wang, Judea wang,

Mark 3:7 Referencias Cruzadas

Matthew 10:23

Miqghaq ghaqshiz maq nuimhez kuex wvlc guez waqguez guirguenz ruiux yuq, vganc nuex kvyenc wvnc kuinz. Nuimhez muex ngaz rueq vsuing jungx kuq ix, Israel miqghaq htenc lotlaz nuex nuimhez rueq shuimc juing yauk shuimc max lot shauk nuex dvyx Miq Saz vruex httuiuc kaz tuex.

Matthew 12:15

Kvkhoc dvnc yaq kuex Yesu rueq tuiuz vtueq, vganc nuex kvyenc woz wvnc tueq; miq paunghvlc rueq vpiq yix phvnx naungx wuez tueq. Vpiq rueq vthuiuz vsac jix lotlaz kuex tvhvlc kuq tueq.

Matthew 12:16

Yuq muinz vpiq lvmx kuex miq muex jungphvnx muq tvkoc tsuinghez muex bomc htuing kuq tueq.

Matthew 4:25

Kvkhoc rvtueq Galile mungx nuiyc Dekapoli mungx, Yerusalem nuiyc Yuda mungx, Yodan ruilx kvkox ral wawc miq htenc vkung vdaungx vpiq yix nuex phvnx naungx tueq.

Mark 1:39

Kvmaq hulawx Galile tvroz lotlaz nuex vjux thoz juing baung htenc nuex vpiq rueq jungphvnx kuq kaz vtueq htaungc htenc yurc gay tueq.

Mark 1:45

Yuq muinz kvruex waz kuex kaz wvnc vtueq kvruex thaungc kuex baung ruip saz nuex tvparc narc jungc gay ningkhvnc nuex Yesu kuex miqghaq mungx nuex kvkhic raungraung nyuip waung lot muq. Miqghaq mungx nuex nyuip waungc tvraung miq vkuiyq baung nuex dvyx httax tueq, baung ruip saz wawc miq htenc vpiq kox nuex kaz wuez tueq.

Mark 3:20

Kvruex yimaq Yesu kuex yuimx nuex waung tueq. Nuk miqsaz vkung vdaungx rvtuimx kay ningkhvnc nuex Yesu nuiyc vpiq sangac hez kuex dungc svy vkhing doc muinz lvp muq.

Mark 4:1

Kvmaq Yesu rueq Galile Jumx hep maq tvluing phaungc wvnc tueq. Vpiq kox nuex rvtuimx kay jix nuk miqsaz paunghvlc ningkhvnc nuex vpiq kuex jumx wawc lix vshiz htauk kvyuq ngaungc tueq. Lix kuex taungkawx wawc phuinz shiz tvhttot vtueq, nuk miqsaz htenc kuex yuix kawx taung raungx nuex rvtuimx ngaungc tueq.

Luke 23:5

Yuq muinz tsuingshiq kuex kvjaz tvyungc vtueq, “Vruex waz kuex Galile mungx maq phaungc vtueq majuiuc vyuq nuex httuiuc laz, Yuda mungx wvmungx tuimx nuex vpiq rueq tvluing jungphvnx vtueq, mungx miqsaz htenc kuex tvrvmulc tsvrc laz juing jungphvnx yaq,” ngoz tueq ramc wuez tueq.

Luke 6:12

Kvruex baunglaung Yesu kuex vjux thoz tvkoc kanx nuex duiz wvnc vtueq wvrx taungx Tishox kox wawc vjux thoz tueq.

Luke 6:17

Yesu kuex kamx waz hez rulc roc nuex kanx maq svt kaz vtueq ghaq htungx nuex httuiuc kaz tueq, kvruex yuq vpiq sangac bix phungc shiz kvdvyx muinz rvmuq, Yuda mungx nuiyc Yerusalem ghaq wawc muinz, svmuktvrax yuix kawx wawc Tire nuiyc Sidon wawc vkaz miq muinz paunghvlc vhttax rvtueq.

John 7:41

Wvyvmc rueq, “Vpiq kuex Mesia doc rvtueq!” ngoz tueq. Yuq muinz vbez rueq, “Mesia kuex Galile mungx wawc httuiuc kaz tuex rvmuq!

John 7:52

Tsuingshiq rueq, “Mnoz muinz Galile mungx jix haz? Rumvrc luik nuex lawc shuiux, Galile mungx wawc mruex jix shvmmax muinz dung muq kuex mnoz rueq khiz shuiux,” ngoz tueq tvralc tueq.

Acts 17:10

Raungyac wvnc koq tueq kvmluimx jix htenc rueq Polu nuiyc Sila kuex Berea nuex tvkaz gay tueq. Kvruex ghaq kvyuq httuiuc vtueq tsuinghez kuex vjux thoz yuimx nuex kaz tueq.

Acts 17:14

Kvkaq vlox nuex dvyx kvmluimx jix htenc rueq Polu kuex svmuktvrax kawx nuex tvkaz gay tueq; Sila nuiyc Timothy kuex Berea ghaq nuex dvyx kvjungx kaz tueq.

JOSHUA 20:7

Kvkhoc rvtueq tsuinghez rueq Yodan ruilx maq shalx nyuip kox Naphtali kuz ghaq Galile hong wawc Kadesh nuex muinz; Ephraim kuz ghaq wawc Shekhem nuex muinz; Yuda kuz ghaq wawc Hebron htenc kuex httauk taq tueq.

JOSHUA 21:32

Naphtali ghaq vraungx wawc ghaqyungx vthuimx rac suiux vmanx remc juing ghaq htenc tauk, Galile mungx wawc Kadesh (kvwungx juing ghaqyungx vshiz shiz), Hammot Dor nuiyc suiux vmanx remc juing ghaq htenc rvtueq.