Mark 2:5 - ASII LAKDAP Bible (BSI)

⁵ Tsangshiq kamtsantsii jong kra chhi raüta, Jesuq raq ahan ama arki atsiti we ma, “I se le, ümngarai thun ka diibaiqto she,” nguta bomdamto.

Hawa Naga Bible 2001

⁵ Yesu rueq tsuingshiq kvmluimx thuinz mtanc lac httax yaq nguinx kuex khiz vtueq, “Isaz lex, mmvrax dawc kuq gay vphaungx shex,” ngoz tueq gvnmaungx waz muex ngoz kuq tueq.

Muklom

⁵ Ning kam tha siin eq Jesu aa ethi jakmàng jaamàng wa thima batta, “Isa, ba ngarey tha utol sey ta.”

Mark 2:5 Referencias Cruzadas

RAPHA HIQWA LAK 22:12

“No dü na jaq naq miiqkiq. Kiimaq apaiq dü na naq tiimitsikiq,” nguta apaiq raq nguto. “Ümchaü ngi raq sapkang she, ümniiraq Shiikeawe ka shreng tlaü. Kiimaq Shiikeawe aming ka langtlaü. Jamkhano ngukla ümniiraq ümse sekhuq laq laq se ka khun nü maü maq ngi ma kuqlaü.”

Tvtsvmc 103:3

Apaiq raq ingarai thun wiita diibaiqto kiimaq ithatsi thun kunkun tiiheatlo.

ISAIA 38:17

Itsi chamchao ka hansang miishe mija wan. Ümniiraq ngi ka phanrap haisi chang wa tiichhii laü; Ümniiraq ingarai thun wiita diikuqlaü.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

Matthew 9:2

Kiijaq maiq wiijamti raq akhum ama arki we ka changdü na tiiweshat maq Jesuq phana pi wanto. Jesuq raq tsangshiq kamtsantsii ka chhi raüta atsiti we nangnga, “I se loi, ümtsaiji ka tiijong laq! Ümngarai ka diikuqto she,” nguta bomdamto.

Matthew 9:22

Jesuq raq ajai nü na liisaq raüta, “I se loi ümtsaiji ka tiijong laq! Ümkam tsantsii thütlaü kra lümaq heaki laüshe,” nguta apaiq rai bomdamto. Krai mren apaiq thatsi kiimin tiidoqra heasaq heakito.

Matthew 9:5

Riita, ‘Ümngarai diikuqto she’ nguta ngo sha aje, sha, ‘Tiidolaq, chaplaq, laüta khumlaq’ nguta thaü kriiwa aje?

Mark 2:6

Kra tairaüta, kiijaq ngadamti Thungtri shrinketi wiijamti raq, tsangshiq tsan mong na,

Mark 5:34

Kiijiishe, Jesuq raq, “I se le! ümniiraq ngi ma kamwan laü kha maq, hea wan laü. Ahea, Ümchaü ka hansang miishe siwakiq. Ümthatsi ka heakito she” nguta chongkuqto.

Luke 5:20

Jesuq raq tsangshiq kamtsantsii jong kra chhi raüta, atsiti we kiima, “Phuno we le, ümngarai ka diibaiqto she!” nguta nguto.

Luke 8:48

Kiijiishe, Jesuq raq, “I se lei, ümkam tsantsii maq heaki laü. Khu asang miishe siwan laq!” nguta apaiq ma chongkuqto.

John 2:25

Maiqse tsan mong na, jamlai phan wa rüm tlaq, kriika apaiq ma maiq raq chongke rea ngo min raa mak. Apaiq raq tsangshiq tarü tsantsii na, jamlai wa sitlaq kriika sapshat.

John 5:14

Kra jai miishe, Jesuq raq apaiq ka Shomjam na hali humto. Raüta, “Tai laq! Ümthatsi ka heakito she. Ngarai anye ka naq tang nongkiq she. Tangnong haü la, ümniima arthaq niimin chamchao jonghea misaü kiiphaü,” nguta apaiq ma akha tsii chongkuqto.

Acts 11:23

Barnabas ka Antiok na saüto. Kiimaq Shiikeawe raq tsangshiq ma pinthum achu shiiman kuq tlaq kra chhito. Kra chhi raüta, apaiq ka kai khoqriiqto. Kiimaq apaiq raq tsangshiq ma tsan nai tsii wiita kiinong kuq lanta tsapsaü kapse maq, Tatiwe ma kamwan ruq maq shongnga ronglaq nguta tsaido jido bomtsi chongkuqto.

Acts 14:9

Apaiq kiimin kiijaq nga raüta, Paul raq traho bom chongkuqtlaq kra tsangrakrak hea maq tiitsang taito. Kriiwe ka Paul raq chhito. Kiimaq apaiq raq Shiikeawe bomtsi ma kamtlo ngutiishe apaiq tho ka heto. Krai mren, apaiq tsi kiimin miheaki nguta sap raütiishe, apaiq raq atsiti we ka tiqtiq liito.

Acts 5:31

Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.

1 Corinthians 11:30

Akha jiqphiq lanta, namshiq phong wa maiq pahea hüjom hanjom miili sitlan. Kiimaq atsi asi sitlan. Kiimaq maiq wiijamti ka atsai riiwanto.

2 Corinthians 2:10

Riita, ümtiikiiwa namshiq raq, shut tiiwe mra ka diikuq tlan, ngi riimin apaiq mra ka diikuq tiikang. Ngi raq maiq weshi ra mra ka diike wan chang raki raü jiika, namshiq miitu kriiwe mra ka Jesuq Khristo man na diikuq tiikang.

Ephesians 2:8

Riita, ara chongtiikai arai mren, Shiikeawe raq namshiq tiichhii kuqtaq kriika, apaiq kaphap mangchan wokhong maq, namshiq raq kamtsantsii thü lan kha maq, tiichhii kuqto. Arka namshiq raq jaqsham ahea phan sham lanta, tiichhiike ka riimak. Shatmaq arka, apaiq raq, namshiq ma phe maq akuq, kongphiq. Krai mren, juwe riimin maiqmii dea kechu maiqse nguta tiisom ra chang lam ka ahü.

Colossians 3:13

Weshi raq weshi rai, phanrap na, riinin riinin lantiishe sirong laq. Kiimaq ümtiikiiwa, namshiq liipan na, weshi ra raq kongti ma, atiibottaq chang bom la sikiiphanla, mra ka riidii riidii lanta sirong laq. Tatiwe raq namshiq mra roqkuqto she, kiikhiisii hali, namshiq nai namshiq liipan niimin, maiqmii mra ka riidii riidii lanta siraa tlo.

James 5:15

Ara kam raüta achu jaükuq tlaq ariiraq atsi ka ahea mirki. Tatiwe raq apaiq athatsi ka mitiihea kuq. Kiimaq apaiq raq ngarai thun tangtaq kriimin adii mirkuq.