Mark 2:5 - Hawa Naga Bible 2001

⁵ Yesu rueq tsuingshiq kvmluimx thuinz mtanc lac httax yaq nguinx kuex khiz vtueq, “Isaz lex, mmvrax dawc kuq gay vphaungx shex,” ngoz tueq gvnmaungx waz muex ngoz kuq tueq.

ASII LAKDAP Bible (BSI)

⁵ Tsangshiq kamtsantsii jong kra chhi raüta, Jesuq raq ahan ama arki atsiti we ma, “I se le, ümngarai thun ka diibaiqto she,” nguta bomdamto.

Muklom

⁵ Ning kam tha siin eq Jesu aa ethi jakmàng jaamàng wa thima batta, “Isa, ba ngarey tha utol sey ta.”

Mark 2:5 Referencias Cruzadas

RAPHA HIQWA LAK 22:12

Raungkamx waz rueq, “Nox kvruex nauk tuingc kaz, piq kuex yvmx muinz nauk ruez kaz. Msaz washiz lauklauk kuex vpiq muex kuy tvkoc mnoz rueq tvlvlc muq rvtoq ningkhvnc nuex, Tishox muex mnoz hiyaz tvtsanc nganc vtueq tay phvnx vshuiux kuex majuiuc ngaz rueq tuiuz tauk shex,” ngoz tueq jungx tueq.

Tvtsvmc 103:3

Vpiq rueq ngvy mvrax htenc lotlaz kuex dawc kuq gay ruiux ngvy thuiuz vsac htenc muinz tvhvlc kuq phuex.

ISAIA 38:17

Ngvy thuiuz vsac kuex hvlx kaz taungx. Mnoz rueq ngvy rullungx kuex kvhiz juing lotlaz wawc palc wvnc phux; Mnoz rueq ngvy mvrax htenc lotlaz dawc kuq phux.

ISAIA 53:11

Vpiq rullungx kuilc daz rvhumc yaq wawc vkokez juing lvp wvnc yek shuex; vpiq rvhumc wvnc tuex kuilc daz kuex khuec guez yaungx kaz muq lvmz vpiq rueq tuiuz yaq. Ngaz vkvmx juing nvrc waz rvtueq, miq paunghvlc murx kuex gurx ningkhvnc nuex tsuingshiq mvrax kuex ngaz rueq dawc kuq shaungx.

Matthew 9:2

Kvkaq miq wvyvmc rueq chuing nuex woalc yaq gvnmaungx miq washiz kuex vpiq kox nuex pix laq tueq. Yesu rueq tsuingshiq nuex kvmluimx thuinz mtanc lac httax yaq nguinx kuex khiz vtueq, “Isaz lex, khvmc thuinz httax kuiuz! Mmvrax dawc gay rvhumc doc shex,” ngoz tueq jungx kuq tueq.

Matthew 9:22

Yesu rueq kvroz lawc ruiux piq kuex khiz vtueq, “Isaz yalxjuik saz lex, thuinz nauk tvruinc kaz! Mkvmx luimx thuinz rueq mnoz tvhvlc gay kv-phux,” ngoz kuq tueq. Kvkaq dvyx kvruex nyuiuz kuex hvlx kaz tueq.

Matthew 9:5

‘Mmvrax dawc kuq gay vphaungx’ rvmuq ngoz ruiux ‘Kvtenc vtueq khuemx wvnc kuiuz,’ ngoz tueq jungc lac yoalx yaq nguinx?

Mark 2:6

Kvruex yuq ngaungc yaq Tvrac tvluingc waz hez wvyvmc rueq,

Mark 5:34

Kvkaq Yesu rueq, “Isaz yalxjuik saz lex, mnoz kvmluimx thuinz maq mnoz hvlx kaz toq. Gvnhttuingc maq waung wvnc kuiuz, mnoz vthuiuz vsac sawc ruiyruiyc mhvlc kaz kueq,” ngoz kuq tueq.

Luke 5:20

Yesu rueq tsuingshiq kvmluimx thuinz httax yaq kuex khiz vtueq gvnmaungx waz muex, “Miq waz lex, mmvrax htenc kuex dawc kuq gay vphaungx,” ngoz tueq.

Luke 8:48

Yesu rueq, “Isaz lex, mkvmx luimx thuinz rueq mnoz kuex hvlx kaz toq thuinz hvlc hvlc maq waung wvnc kuiuz,” ngoz tueq jungx kuq tueq.

John 2:25

Vpiq rueq tsuingshiq thuinz vmungx nuex tvmaung yaq kuex tuiuz yaq ningkhvnc nuex, vpiq muex miqsaz lvmz kuex uraq muinz jungc kuy rac muq.

John 5:14

Kvruex yimaq Yesu rueq Shomc Yuimx mungx nuex kvruex waz kuex khiz vtueq, “Tay shuiuz, majuiuc mnoz vhvlx shex; kungkhux wawc htauk nuex muinz vjvnc mnoz nuex yaungx wvnc muq mruez kueq, mvrax nauk shuimx kaz shex,” ngoz tueq jungx kuq tueq.

Acts 11:23

Piq httuiuc kaz tueq nuex miq htenc muex Tishox rueq yvmx khoc lac ruimrix kuq yaq nguinx kuex khiz vtueq, piq kuex vkoz vkez maq Taungjix nuex thuinz vmungx lotlaz maq tvmtuing httax tvkoc lotlaz muex honc tvsvmz jungx kuq tueq.

Acts 14:9

Piq muinz kvyuq ngaungc vtueq Polu rueq jungphvnx yaq kvjaz kuex tay tvtsuingc tueq. Polu rueq piq kuex lawc tvtsuingc koq tueq, vthuiuz vsac hvlc laz tanc khvnc piq kvmluimx thuinz httax yaq kuex tuiuz vtueq,

Acts 5:31

Israel miqsaz htenc kuex thuinz layc wvnc vtueq miqmac mvrax wawc dungc wvnc tvkoc Tishox rueq kvruex Taungjix kuex vpiq yaukkeq kox nuex tvhttax ruiux, lvmx shvlc jix waz nuiyc palc daungc Taungjix muex tvyaungc tueq.

1 Corinthians 11:30

Kvkhoc rvtueq nuimshiq phungc kvyuq hungc vlaungc vnulx nuiyc vthuiuz vsac jix htenc paunghvlc httax yaq, vthueyc vmvy wvnc jix htenc muinz httax yaq.

2 Corinthians 2:10

Nuimshiq rueq miq vshiz shiz muex mvrax dawc kuq ruiux yuq, ngaz rueq muinz dawc kuq shaungx. Yvmx khoc lac ngoz ruiux lec ngaz rueq phvnx shishiz dawc kuq ruiux yuq, ngaz rueq dawc kuq shaungx lvmx kuex Christu khaungkac nuex piq mvrax dawc kuy rvtueq.

Ephesians 2:8

Nuimshiq kvmluimx wvnc ningkhvnc nuex Tishox kejux maq palc daungc wvnc rvhumc tuit, nuimshiq rueq hunglaungx shuimx kaz vshuinx yauk shuimc maq vlvp wvnc rvmuq; Tishox rueq vkuq yauk noalc ningkhvnc nuex ukhaq muinz kvsomc parc juing lvmx vguez.

Colossians 3:13

Nuimshiq vdvmz dvmz mvrax rv-nyvnc juing httax ruiux yuq, nanx thuinz maq mvrax rvdawc wuez kuinz, Taungjix rueq nuimshiq muex mvrax dawc kuq kv-phuinx kvkhoc nuimshiq muinz vdvmz dvmz mvrax rvdawc wuez kuinz.

James 5:15

Kvmluimx thuinz maq vjux thoz ruiux yuq vthuiuz jix waz kuex hvlx wvnc tuex, Taungjix rueq piq kuex tvhvlc kuq ruiux, piq yaq wvnc tueq mvrax htenc muinz dawc kuq gay shuex.