Mark 2:2 - ASII LAKDAP Bible (BSI)

² Krai mren, maiq ka kongta hushhu miishe, ama ala she, apaiq phana kirai wanto. Kilam chong na dongdii min maiq siisaq, tuptup she marai wanto. Jesuq ka tsangshiq ma tsütsa ahea traho bom chongke rea riito.

Hawa Naga Bible 2001

² Kvkhoc rvtueq miq paunghvlc vpiq kox nuex rvtuimx kaz wuez vtueq, kaluix daungx maq muinz vlvy mvy muq rvtueq. Yesu rueq tsuingshiq muex bomjungc jungphvnx yaq nuex,

Muklom

² Daqhan miqtang ethináng thu eq thajoq ta, ethirangma utong ang ma chaak moq angta etho kalung tho ushey sey angta. Jesu aa ning thima Shkewa raaq phan kota.

Mark 2:2 Referencias Cruzadas

Tvtsvmc 40:9

Ümsenginok kunli thungtlaq kiijaq, Tatiwe lei, ümniiraq naishiq chhiiwan laü tsütsa ahea kra chongkang. Ümniiraq asap haü ngi raq kra tsütsa chongke ka tsaqmang phan.

Matthew 5:2

Kiimaq apaiq raq tsangshiq ma akhiishe phanchan kuq phahoto:

Mark 1:14

Johan ka phaqtek na ashaq wi niishe, Jesuq ka Gelili wang na wa raüta, Shiikeawe Tsütsa Ahea ka akha chongkuqto,

Mark 1:33

Kra chela wa maiq thun kunli ka, kra jam rinkea na tiibo wanto.

Mark 1:37

Kiimaq apaiq rai riihum raüta, “Nanok tarü ümnaq ritti siisaq,” nguta apaiq ma chongto.

Mark 1:45

Shatmiitiq, apaiq ka wawan raüta, atsi tiihea kuqtaq tsütsa kra, barap binrii niishe tsaki wanto. Apaiq raq barap na, rin ra wan kha maq, Jesuq ka chela na, nokwe makki na, khumki lot mak she riito. Arkha maq Jesuq ka, maiq akaiq kaiq ba hiqshong niili she khum wanto. Kra taü maq dongdii min, mungmaiqse ka Gelili wang barap se wa, apaiq phana riitsap riikhat wato.

Mark 2:1

Ranaiq nai tsam jai miishe, Jesuq ka Kaparniam hiq na jang wan nongto. Kiimaq apaiq ka jam na asi nguta tsütsa ka barap na phoito.

Mark 2:13

Jesuq ka Gelili Thamchum kii binjü nü na hali jang wan nongto. Mungmaiqse ka akong ada apaiq bom taikai nguta, apaiq phana kito. Kiimaq apaiq raq tsangshiq ma traho bomtsi chongkuqto.

Mark 6:34

Jesuq ka lai maq satki raüta, mungmaiqse pahea riiphong rai tlaq kra chhito. Apaiq raq tsangshiq ka arümti ahü skuse kong ikha chhi raüta, tsangshiq miitu atsan mong na, kai mangchan tsito. Kra ningkhan, apaiq raq tsangshiq ma phanrap tengteng bomtsi kra shrinkuqto.

Luke 12:1

Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Luke 5:17

Ranaiqshi akhing na, Jesuq ka traho bom chongke rea riito. Kiijaq maiq wiijamti Phorisinok nai Thungtri shrinketibi min asi riito. Tsangshiq ka Gelili wang chelatek wa kiimaq Judia wang wa, kiimaq Jerusalem wa awarai riito. Maiq atsi asiti kra tiiheake miitu, Tatiwe ningkun ka Jesuq khum na asho awo asi riito.

Luke 8:1

Kra jai maq heashi siraüta, Jesuq ka khumshkhum maq, chela thun nai hiqshong thun kiina wawanto. Raüta, Shiikeawe Mungtan Tsütsa Ahea kra chongkuq wanto. Apaiq rai ajaqshisetiim roqshi ri anai kiimin wadamto.

Luke 8:11

“Riita, manphan liichum ka ara: Tsamlai ka Shiikeawe bomtsi.

Acts 11:19

Stephen tsat baiqtaq akhing chamchao lak na kamasham maiqsetiim tiipin jintaq lak wa, maiq wiijamti ka Phonesia wang na, Saipras mung na, kiimaq Antiok chela thun na, Tati Jesuq tsütsa ka Jehudinok phan miili chongkuq wan wan wawanto.

Acts 14:25

Kra wang na Parga chela na nokmaiqse ma tsütsa ka chongkuqto. Raüta Atalia chela niishe kihoto.

Acts 16:6

Kiimaq Asii Wenyi raq Asia wang niika trahoke wa naq wa rongkiq nguta tiiwin kha maq, tsangshiq ka Phrigia hong nai Galatia wang heawea binjü lam maq wawanto.

Acts 8:25

Tsangnai raq nokmaiqse ma Jesuq Khristo miitu hakhi kuq lot raüta nai Tatiwe Tsütsa ahea kra chongkuq lot raütiishe, Petar nai Johan ka Jerusalem na hali jangho nongto. Tsangnai ka ajangho lam maq, Samaria wang na maiqhiq shong pahea na Tsütsa Ahea kra chongkuq wanto.

Romans 10:8

Asii bomtsi niika, “Shiikeawe raq achongkuq tsütsa bomtsi ka, ümtho niishe. Ümniiraq ümnübok maq bomtlaü kra. Kiimaq ümmong jii na asi she,” nguta chong tlo. Arka naishiq raq chong kuq tiikai akamsea chang, Shiikeawe tsütsa ahea ara nangnga ngutlo.

2 Timothy 4:2

Ümniiriika, maiqse angu ma trahoke wan kli shiichaq wan ruq riilaq. Kholam kholiiq, chiiriim laüta, akhing hongtaq lo, hong mak lo jiimin, chongkuq wanruq maq shiichaq laq. Ara chongkuq tlaü kra lümaq, maiqse tsan ka tiinin lili mirlaq. Tsangshiq raq tsii chhi wanli chang, bomtsi ka atsin maq trantsii son laüta, chong kuqlaq. Kiimaq tsangshiq tsaiji ka dokuq laq. Ara trahoke jaqsham arka, phanrap na nin wan ruq maq, chongkuq laq.