Mark 2:1 - ASII LAKDAP Bible (BSI)

¹ Ranaiq nai tsam jai miishe, Jesuq ka Kaparniam hiq na jang wan nongto. Kiimaq apaiq ka jam na asi nguta tsütsa ka barap na phoito.

Hawa Naga Bible 2001

¹ Vshauk puq httaz yix maq, Yesu kuex Kapernaum ghaq nuex kaz yek tueq, vpiq yuimx nuex httax yaq thaungc kuex miq htenc rueq tay tueq.

Muklom

¹ Saalshey ni jio, Jesu Capernaum náng wey wel ta, etho thaji miqtang they Jesu him náng thuta ta usam eq ta.

Mark 2:1 Referencias Cruzadas

Matthew 4:13

Apaiq ka Najareth hiq na simak she riito. Shatmaq, Jebulun nai Naphtali weraü sichang hong na Gelili Thamkii tho na Kaparniam chela na wawan raütiishe siwato.

Matthew 9:1

Jesuq ka lai na ngawato. Raüta konü thamreko na apaiq sichang chela na jang wan nongto.

Mark 1:45

Shatmiitiq, apaiq ka wawan raüta, atsi tiihea kuqtaq tsütsa kra, barap binrii niishe tsaki wanto. Apaiq raq barap na, rin ra wan kha maq, Jesuq ka chela na, nokwe makki na, khumki lot mak she riito. Arkha maq Jesuq ka, maiq akaiq kaiq ba hiqshong niili she khum wanto. Kra taü maq dongdii min, mungmaiqse ka Gelili wang barap se wa, apaiq phana riitsap riikhat wato.

Mark 2:2

Krai mren, maiq ka kongta hushhu miishe, ama ala she, apaiq phana kirai wanto. Kilam chong na dongdii min maiq siisaq, tuptup she marai wanto. Jesuq ka tsangshiq ma tsütsa ahea traho bom chongke rea riito.

Mark 3:20

Raütiishe, Jesuq ka jam na wawanto. Kiitiikii min, maiq ka pahea riiphong wan kha maq, Jesuq nai ajaqshisetiim riika dung min phaqsiq lap mak riito.

Mark 7:17

Apaiq raq mungmaiqse ka baiqthü raüta, jam mong na wawan jai she, ajaqshisetiim raq apaiq ma kra liichum ka tru chongkuq laq nguta waito.

Mark 7:24

Kra miishe Jesuq ka tiido wanto. Raüta, Tajar chela tho binjü niishe wawanto. Apaiq ka maiq jam ashi na dü wato. Kiimaq apaiq ka kiijaq asi nguta maiq ahinti ma tho tiihe romak riito. Shatmaq, apaiq ka tiipaü lot mak.

Mark 9:28

Jesuq ka jam mong na wawan jai she, tsangshiq laqlaq na, ajaqshisetiim raq, “Naishiq raq tha ka jamkhii riito jobaiq lot mai riikai?” nguta apaiq ma waito.

Luke 4:23

Kiijiishe apaiq raq, “Ngi raq sapshat, namshiq raq, ngi ka ara bomtsi armaq mikhettot han, ‘Taktot we, ümthatsi ka kongkhu tiihea liishaq,’ nguta mishipoq han. Kiimaq, namshiq raq, ngi nangnga, Kaparniam na awang chang jaqsham wankang kra, ara i hiqshong ajiimin sham nonglaq nguta mingu han.”

Luke 5:18

Maiq wiijamti raq, maiq weshi, ahan ama arki we kra, damsii na pihoto. Kiimaq tsangshiq raq apaiq ka jam mong na pi wan raüta, Jesuq khaki na tiibum wa nguta wato.

John 4:47

Apaiq raq Jesuq ka Judia wang maq Gelili wang niishe saü wato nguta tsütsa ka tai raüta, apaiq ka Jesuq phana kito. Raüta, ase Kaparniam na atsi, tsihea kra tiihea kuq wa kiq nguta heakito.

Acts 2:6

Tsangshiq raq kra trang ka tai raüta, maiq kong pahea kiijaq riitam wanto. Tsangshiq tarü ka tsanchhii hunhun riito, Jamkhano ngukla tsangshiq loweatek raq kamasham maiqsetiim ka, tsangshiq maiqmiimii nok bom maq bom trang taito.