Mark 16:15 - ASII LAKDAP Bible (BSI)

¹⁵ Apaiq raq tsangshiq ma aming ka akha kuqto, “Namshiq ka mangjong tlotli na kironglaq. Lanta, Tsütsa Ahea kra mangjong maiqse tlotli ma chongkuq kirongkiq.

Hawa Naga Bible 2001

¹⁵ Kvkaq vpiq rueq tsuinghez muex, “Nuimhez kuex mungkawx tvlot laz nuex khuemx kaz vtueq miqphvnx ruip rawx muex shuenruenc bomjungc jungx kuq shuinz.

Muklom

¹⁵ Piq aa ning ma batta, “Thaji mingkang náng ka inn etho thaji miqtang ma tungtang aqhal phanchan inn.

Mark 16:15 Referencias Cruzadas

Tvtsvmc 22:27

Mangjong maiqse kunli raq Tatiwe ka tsan na mitiitsang. Mangjong hiqraikhü na siti barapseti apaiq wokhong na minyap wan; Maiqphan tlotli raq apaiq mishomnoq wan.

Tvtsvmc 96:3

Chiiriim lanta apaiq khushü jong ka maiq mung thun na chong ronglaq, apaiq raq ningkun henghea maq jaq shamtaq thun kra maiq phan tlotli ma chong ronglaq.

Tvtsvmc 98:3

Apaiq raq Israilnok ma kiqkham kuqtaq kra tiihongtoshe apum ma tiijatlii raüta kiimaq tiipitmakphan lungwiitsii maq tiihongto.

ISAIA 45:22

“Ngi phana warong ra ümchaü, lantea tiichhiiphaqtlo rong laq, mangjong maiqse tlotli raq! Ngi arlishe Shiikeawe ka.

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

ISAIA 52:10

Tatiwe raq apaiq asii ningkun kra milang, apaiq raq asenginok mitiichhii wan, kiimaq mangjong tlotli riishe kra jaqsham ka michhi wan.

Matthew 28:19

Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq.

Mark 13:10

Kiimaq, phangthum ranaiq kra misaü shaq na, Tsütsa Ahea arka mangjong maiqse wiita ma mitiitai kuq wan. Kra jai miishetiq phangthum ranaiq akhing kra misaü.

John 15:16

Namshiq raq i puk na nyap wan miitu, ngi ka ritwan man dea. Shatmaq, ngi raq namshiq ka tsea tsiiq wan kang. Lata, namshiq ka shong wan kang. Arka namshiq rilung jaqsham na, pattup thenkimak chang phan, atsi ango pahea mitsi ngo laq nguta, ngi raq namshiq ka shong wan kang. Krai mren, i mang na namshiq raq ajaü jaü kra, i We raq namshiq ma mikuq.

John 20:21

Jesuq raq tsangshiq ma thongshi ri hali tsangshiq tsaiji doke, “Namshiq ka hansang maq sirong laq. I We raq ngi ka jamkho mangjong hiq na tiikitaq, kiikhiisii hali, ngi riimin namshiq ka mangjong hiq tiiki nong tiikang,” nguta tsangshiq rai bomdamto.

Acts 1:2

apaiq ka ramungtan na, Shiikeawe raq shea wantaq akhing ranaiq na saüli liipan na, apaiq raq ümtinkhan wa jaqsham wantaq kra, nai traho bom chongkuq wantaq jaqsham manphan thun kra, waiq kang. Apaiq ka ramungtan na mishea wan shaq na, Asii Wenyi ningkun maq, apaiq raq akiimwetiim ma nguta tsea wantaq thun kiima tsii ka aheawiq maq chongkuqto.

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Romans 10:18

Riita, bom ka akha hali wainong i na: Riita, tsangshiq raq tsütsa ahea kriika tai wan lap mak dea sha riita? Atai kla achan ana tai wan ngo li kha. Taimak dea ka riimak. Asii bomtsi na akha nguta chongtlo: “Tsangshiq traho bom chongke riinya raq, mangjong tlotli nyam wanto; Tsangshiq bomtsi ka mangjong hiq angu na, shokrap norii wiita na nyam wanto!”

Romans 16:26

Riita, ümchaü, shammibi raq waiqthütaq kra lümaq tengteng bomtsi ka wiitarü man na, linkuq wanto she. Kiimaq pattup pat-sa Shiikeawe aming maq, maiq mung thun wiita na tiitai kuq wanto she. Kriika tlotli mikam wanlaq nguta, kiimaq apaiq aming ka milang wan laq nguta kuqto.

Ephesians 2:17

Riita, ara chongtiikai krai mren, Khristo ka saükito. Raüta, apaiq raq Tsütsa Ahea, khusang maq siwan lamlu kra, maiqse angu tarü ma chongkuqto. Namshiq Pongnok phan maiqse, namshiq Shiikeawe pha wa luhea na sitlan phan miimin la, kiimaq Jehudinok phan, apaiq Shiikeawe tho na shongngati phan miimin la, ara chongkuqto she.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.

1 John 4:14

Shiikeawe raq Ase ka phiijawa tiichhiikai miitu mangjong hiq na tiikito nguta asap i. Kriika nashiq maiqmii mak maq chhi wan kai she. Krai mren, nanok miimin chongkuq tiikai.

Revelation 14:6

Kiijiishe, ngi raq rase ashi chhi nong kang. Apaiq ka ratsan ramong nyang na abisea riito. Apaiq ka pattup pat-sa Tsütsa Ahea mangjong maiqse tlotli ma tiitaiketi. Apaiq raq kra tsütsa ka maiq kaüwa weraü tek ma, maiq aphan tek ma, maiq abom pongbom bomtlaq tek ma, kiimaq maiq amung amung tek ma tiitaike kai nguta kitlo.