Mark 16:14 - ASII LAKDAP Bible (BSI)

¹⁴ Atiisup niishe, Jesuq ka ajaqshisetiim roqshi ri weshi pha na, tsangshiq dungsea rea liipan na dongkito. Tsangshiq raq apaiq ka ama wa atra she dong wanto nguta kammak kha na, kiimaq nanok raq apaiq ka atra chhi kai nguta tsütsa chongkuqtaq kriima kammak maq, tsangshiq tsan ka wanshakshak li tiitsin wan kha na, apaiq raq tsangshiq ka ason rea riito.

Hawa Naga Bible 2001

¹⁴ Lotlaz vtvsuip nuex shex, Yesu kuex sangac bix rokshiz rac washiz tsuinghez dungc vsaq nuex kvkhic kaz tueq. Vpiq thueyc vtueq yuing kvtenc wvnc tueq lvmz khic jix hez kvjaz kvmac kvmx muq, thuinz tsanc hvlc ningkhvnc nuex tsuinghez kuex svl tueq.

Muklom

¹⁴ Ethi jio, wasi washey ujiphantey phaksat phaksa atho Jesu thuta. Ning aa han moq ta Jesu ning ma khata chammatakoi piq wey jey khita ta miq dak tang aa bat atho ning aa hanmoq angta.

Mark 16:14 Referencias Cruzadas

WEAWEA 14:11

Kiijiishe Tatiwe raq Mosheq ma nguto, “Arnok raq Ngi ka ümtincho na saüli wa mishishe baiq wan? Tsangshiq raq Ngi ma kamtsan tsii thümak maq ümtincho na saüli wa milan phan wan? Ngi raq tsangshiq liipan na ümtinkhan wa awang chang jaqsham kuq wan kang jumin kammak ka jaro?

Matthew 11:20

Jesuq raq awang chang jaqsham apako ka chela wiijam niili sham wanto. Shatmaq kra chelati thun raq tsangshiq ngarai ka tiidii wan mak dea riito. Kriikha miishe Jesuq raq kra chela thun ka ason riiwanto.

Matthew 17:20

Kiijiishe, “Namshiq kamtsantsii ka akom kha maq,” nguta Jesuq raq tsangshiq bom ka treto. “Ngi raq chongtiikang arka tengteng. Namshiq kamtsantsii ka jücha rai tinse li siraü jiimin, kam lanta ara hiqlam arnang nga, ‘Arba arwa tiikoq wanlaq, laüta ahin niishe kii wan laq’ nguta thaühan jiila, ngohea dea mitiikoq wan. Namshiq raq phanrap miklo lot han!”

Matthew 28:17

Kiijaq tsangshiq raq Jesuq ka chhito. Raüta tsangshiq tsan mong niika apaiq ka Jesuq dea sham nguta kamto chhaq ka kam mak dea li jiimin, tsangshiq raq apaiq ka shomnoq wanto.

Mark 7:18

Kiijiishe Jesuq raq tsangshiq ma, “Namtsam armin, mungmaiqse thaq na setsii ka riiman nya? Namtsam riimin tak man sha? Maiqse khum ka anü maq thii tlaq kra riika, tiishe shi mak.

Luke 24:11

Shatmaq, kiimwebi raq jechakre bomchong kriika hiqtili ikhiili tiimato. Kiimaq tsangshiq riika kamwan mak dea riito.

Luke 24:25

Kiijiishe, Jesuq raq tsangnai ma chongto, “O angi we nai le! Shammibi raq achongthü bomtsi kiima kamwan tsii man nya! Atinkhan langlang dea tiinan shan rai tlan nya!

John 20:25

Kriikha maq, “Naishiq raq Tatiwe ka chhi kai!” nguta akongtibi raq apaiq ma chongto. Kra tai raüta, “Ngi raq i mak maq, ajaq na khili miphan kiijaq i jaqshi maq chhum mang wiiwii, kiimaq asiimpii miphan na, i jaq maq sham mang wiiwii, ngi ka kamlot mang,” nguta Thomas raq tsangshiq bom ka treto.

John 20:26

Kra jai miishe, chepat shi tin siraüta hali, ajaqshisetiim ka jam ashi na, tapmong na riitam ngato. Kiijaq tsangshiq rai Thomas min asi riito. Kilü thun kriika wiita shaqje siisaq. Shatmaq, Jesuq ka tsangshiq phana dongchhaq li saükito. Raüta, tsangshiq phong na chapto. Raüta, “Namshiq ka hansang maq sirong laq,” nguta tsangshiq rai bomdamto.

John 20:27

Tsangshiq rai kra bom raütiishe, Jesuq raq Thomas ma nguto, “Riita, ümchaü min, ümjaq shi maq arjaq chhum liina. Kiimaq, i jaq phi miphan ara lii liina. Laüta, ümjaq shi maq, i siimpii na amiphan sitlaq arjaq ümjaq maq sham liina. Ümchaü min kam maü li riishatshat ka naq si kiq she. Ümchaü sanha kam liishe!”

John 21:1

Arjai maq hali, Jesuq ka ajaqshisetiim rai, Tiberias Thamchum kii maq jangshi hali riihumki nongto. Apaiq raq tsangshiq rai ka akha riihumto.

John 21:14

Riita, ara chongtiikai, Jesuq raq ajaqshisetiim rai riihumkitaq arka, apaiq ka amaa wa dong wan li maq, laktsam ngoja riihumkai bom she riito.

Acts 1:3

Apaiq ka amaa wa dong wan jai min, raroqblai na saüli akiimwetiim rai jang pahea, tsangshiq tsan na tiitsangdada maq, asham ka tiichhi kuq wan lili raüta, tsangshiq rai riihumto. Kiimaq, tsangshiq raq, apaiq rai sham riichhito. Krai mren, apaiq ka atra dea nguta, tsangshiq ka tsan sangli chhaq miishe sito. Kiimaq, apaiq raq tsangshiq ma, Shiikeawe Mungtan ka saüho tlo she nguta chongkuqto.

1 Corinthians 15:5

Raüta, apaiq ka Petar phana riihumkito. Kra jai maq apaiq ka kiimwebi roqshi ri wenai krai riihum kito.

Revelation 3:19

Ngi raq lungwii tiikangti ka atiitsii ma, ason atsea riitiikang. Arkha maq chong tiipha. Ümchaü min, namshiq ka ngarai lam wa jang wan tlo ronglaq.