Mark 16:1 - ASII LAKDAP Bible (BSI)

¹ Asii Niitiitsak ranaiq ka thum jai she, Magdala hiqti nyung Meriq, Jakob ma anyung Meriq, kiimaq Salomi tsangtsam raq, maiq maa na nyat chang ahom wiq phan tsai kra, Jesuq ma na nyat kai ma nguta tiije ri raüta thüto.

Hawa Naga Bible 2001

¹ Vguilc Raungnuiyq maq nvp yix nuex, Magdalene Mary, Yaku nyuiuz Mary nuiyc Salome kuex Yesu maungx nuex nyvt kay muex vhomc tix ruiyx kaz tueq.

Muklom

¹ Sabbath saal thun jio, Mary Magdalene etho James nu Mary etho Salome aa atim angam ri eq màng o jik rangma kata.

Mark 16:1 Referencias Cruzadas

RAPHA HIQWA LAK 50:2

Raütiishe Joseph raq awe maa ka namki makchang miitu tsiq maq lo ronglaq nguta aming kuqto.

2 KAÜWA WERAÜ 16:14

Kiimaq amaa ka Dawit Chela na apaiq raq apaiq maakho long raq na watje tiije thütaq kiijaq lapto. Tsangshiq raq süse tapan nai homseng tel maq amaa ka alapkai ma jutjü raüta lapto. Kiimaq wa jonghea chaq raüta apaiq maa ka joto.

Mark 14:3

Jesuq ka Bethani hiq na rampun tsi wa aheaki we Simon jam na riito. Jesuq ka kiijaq dungsea rea bala na, maiq nyung ashi ka kiijaq wato. Apaiq raq athii tsinhea phan, kiimaq rahea phan homseng tsai ka alabastar tsabum na lam wan raüta wato. Apaiq raq homseng tsai tsabum ka tiibun tlü raüta, Jesuq khupo na nyatto.

Mark 14:8

Apaiq raq jamlai wa tang tlaq, kra kloto; apaiq raq i khum na ara homseng maq nyat kuqtaq arka, tlu na i ma ara alap miitu, tiije kuqto.

Mark 15:40

Kiimaq, Jechakre wiijamti min asi riito. Tsangshiq riika alu maq chap raüta liito. Kra tsangshiq phong kiiwiika arthun ara riito. Makdala hiqti nyung Meriq, kiimaq anolinti we Jakob nai Joseph ma anyung Meriq. Kiimaq Salomi ri riito.

Mark 15:42

Kra ranaiq, rajiko niishe, Arimithia chelati Joseph ka Jerusalem na saü wato. Apaiq ka Jehudinok Rung Jong wa wela ashi riito. Kiimaq apaiq ka Shiikeawe Mungtan saüho kra kheshat maq sii we ashi riito. Kra ranaiq ka Poi Tiije wan ranaiq akhing. (Kriika Asii Niitiitsak ranaiq maq naiqkhu ranaiq). Kriikha maq, Joseph ka hai mak maq, Pilat phana waraüta, Jesuq ma kra jaüto.

Mark 15:47

Kra akhing na Magdala hiqti nyung Meriq nai Joseph ma anyung Meriq raq, Jesuq malap saiqsamtaq kriika liishat riito. Kiimaq ama ka ümbano laptaq, kriimin chhi shat riito.

Mark 16:2

Chepat ranap niishe, ranap chu maq rashe dong na, tsangtsam ka malap chang longsha kiina kito.

Mark 16:8

Krai mren, tsangtsam ka makho maq tlatchhat jutrangto. Tsangtsam ka achapa, kiimaq ahai lam maq jangto. Tsangtsam ka ahai kha maq, kra tsütsa ka maiq ahinti ju miimin chong mak dea riito.

Luke 23:54

Kra ka hukutbat ranaiq. Kiimaq kra akhing ka Asii Niitiitsak ranaiq phaho she riito.

Luke 23:56

Raütiishe, tsangshiq ka jam niishe jang wanto. Kiimaq maiq ma na nyat kai miitu, süse tapan nai homseng win ka tiije rit thüto. Thungri na chongtlaq kra phanphan, Asii Niitiitsak ranaiq ka apii haito.

Luke 24:1

Chepat ranap, ranap chu maq, jechakre ka tsangshiq raq atiije süse tapan ikhiinok nai homseng ka lamho raüta ma lapkho na kito.

John 19:25

Kra akhing na, Jesuq pumsongkham tho na chapshatti maiq asi riito. Tsangshiq ka Jesuq ma anyung, anyung ma ano asai kriiri, Kleopas tanyung Meriq ri, kiimaq Magdalani hiqti Meriq ri riito.

John 19:31

Kiitiikaq Jehudinok welabi raq Pilat jaq wa pumsongkham na atübaiq wetiim hok kriika, atiingoq bukkai chang, raüta amaa ka pumsongkham wa atiisat diibaiq chang nguta aming jaüto. Tsangshiq raq kra aming jaü wataq kriika, kra ranaiq ka liipan Rabiingi ranaiq riito. Kiimaq, tsangshiq raq Asii Niitiitsak ranaiq na, maiq maa ka pumsongkham na tiipaq shat ka thüro mak phan. Akhek ka kra watlaq Asii Niitiitsak ranaiq kriika, akhek atiitsang asii ranaiq riito. Kriikha maq, kra aming ka jaüto.