Mark 16:1 - Hawa Naga Bible 2001

¹ Vguilc Raungnuiyq maq nvp yix nuex, Magdalene Mary, Yaku nyuiuz Mary nuiyc Salome kuex Yesu maungx nuex nyvt kay muex vhomc tix ruiyx kaz tueq.

ASII LAKDAP Bible (BSI)

¹ Asii Niitiitsak ranaiq ka thum jai she, Magdala hiqti nyung Meriq, Jakob ma anyung Meriq, kiimaq Salomi tsangtsam raq, maiq maa na nyat chang ahom wiq phan tsai kra, Jesuq ma na nyat kai ma nguta tiije ri raüta thüto.

Muklom

¹ Sabbath saal thun jio, Mary Magdalene etho James nu Mary etho Salome aa atim angam ri eq màng o jik rangma kata.

Mark 16:1 Referencias Cruzadas

RAPHA HIQWA LAK 50:2

Kvruex yimaq phumz shuimc jix hez muex vwaz maungx kvyuq phumz maq nyvt tvkoc nvr tueq.

2 KAÜWA WERAÜ 16:14

Dawid Ghaqyungx nuex piq tvkoc vtvhungx lung luip khurx nuex luip tueq. Tsuinghez rueq piq luip tvkoc piq maungx kvyuq vhomc vtumc phvnx htenc nuiyc vpuiz tix htenc maq yut yez tvhungx vtueq, thuinbac yonzyex tvraung nuex wvrkez moalx yunghvlc tvhungx tueq.

Mark 14:3

Yesu kuex Bethany ghaq wawc vshungx kop yoalx waz Simon yuimx nuex httuiuc kaz tueq. Yesu dungc svy ngaungc yaq nuex, yalxjuik nyuiuz shiz rueq vhtawz tsanc hvlc vhomc waq murra tix muik shauk mvrc laz vhtawc lungluiz sheshac vshiz shuimx iruiux nyuip waung tueq. Piq rueq kvruex tvhop wung vtueq Yesu khux nuex shvy kuq tueq.

Mark 14:8

Piq rueq shuimx lot shuex khvnc kuex shuimx tueq shex, piq rueq vhomc tix ngvy htauk nuex shvy vtueq luip gay muex kungkhux tvyoalc tvy yauk shuimc shuimx kuq phuex.

Mark 15:40

Yalxjuik rulx wvyvmc rueq muinz vyal maq lawc wuez tueq. Tsuinghez kuex Magdalene Mary, vnox Yaku nuiyc Yosep nyuiuz Mary nuiyc Salome rvtueq.

Mark 15:42

Kvruex kaq raungyac wvnc koq tueq, Arimathea ghaq jix Yosep ngoz yaq waz kuex httuiuc kaz tueq. Piq kuex mungx Suingdaungx Muingdaungx nuex lomx yaq, miq rueq tvtsanc nganc nuiyc wvmuingc jungc miq vshiz rvtueq, Tishox mungtan wawc rac yaq kuex thuinz tvluimc jix waz rvtueq.

Mark 15:47

Magdalene Mary nuiyc Yosep nyuiuz Mary rueq maungx vhtawc taq baung kuex khiz yaq rvtueq.

Mark 16:2

Taungjix raungnuiyq raungnvp jauz maq, shalx dung wvnc yaq nuex, tsuinghez kuex luip ruiuz khux kvyuq kaz tueq.

Mark 16:8

Kvkaq tsuinghez kuex vkawc vyawc nuiyc rvwvlc tvmaung vtueq luip kvmaq dung ruiux yuz wvnc wuez tueq. Tsuinghez kuex vhiz vyaz kawc yawc ningkhvnc nuex ukhaq muex muinz yvmx muinz jungx muq rvtueq. [

Luke 23:54

Kvruex raungnuiyq kuex jepat raungx bv-ngac raungnuiyq ningkhvnc nuex Vguilc Raungnuiyq httuiuc wvnc muex vyoalx dvyx shex rvtueq.

Luke 23:56

Kvruex yimaq tsuingshiq yuimx nuex yek wvnc wuez vtueq, vhomc tix nuiyc murra vhomc tix kuex tvyoalc taq tueq. Tsuingshiq kuex Tvrac httax yaq rulc rv-ngvlc Vguilc Raungnuiyq nuex nyec tvkuiyq guilc tueq.

Luke 24:1

Taungjix raungnuiyq raungnvp samaq yalxjuik rulx tsuingshiq rueq vtvyoalc taq vhomc tix kuex lvmz laq vtueq, luip ruiuz khux nuex kaz wuez tueq.

John 19:25

Kvkaq vnyuiuz nuiyc vnyuiuz muex vnox muinz, Klopa taungnyuiuz Mary nuiyc Magdalene Mary muinz Yesu yauk juinc bulx hep nuex jvp tueq.

John 19:31

Yuda miqsaz vrangx vpangx vhttax jix hez rueq yauk juinc bulx nuex vbut gay hez yaz kuex tv-ngawk wungc tvkoc Pilat yauk wawc vkhangx thoz kaz tueq. Tsuingshiq rueq kvkhoc thoz kaz tueq kuex, kvruex raungnuiyq kuex vtvkuiux raz jepat raungx Bv-ngac raungnuiyq rvtueq nuiyc raungnvp kvyix kuex Vguilc Raungnuiyq ningkhvnc nuex yauk juinc bulx nuex vmaungx kvpauk muq tvkoc muinz, Vguilc Raungnuiyq kuex vsawc raungc hvlc raungnuiyq ningkhvnc nuex muinz rvtueq.