Mark 13:22 - ASII LAKDAP Bible (BSI)

²² Ara jamkhano chongtiikang ngukla, kra akhing na, arot akiq Khristobi nai arot akiq shammibi ka pahea midong wan. Raüta, tsangshiq raq awang chang nai taklot mai chang jaqsham pahea miklo wan. Raüta, tsangshiq raq lot raü jiila, Shiikeawe raq atsea wan asengi phong maiqse sitlaq kiiwiimin milao lii wan.

Hawa Naga Bible 2001

²² Yvmx khoc lac ngoz ruiux lec vrot vkaq Mesia nuiyc vrot shvmmax bix dung wvnc wuez tuex. Tsuingshiq kuex Tishox rueq vthvl miqsaz muex doc muinz lvmx tvmawz lot ruiux tvmawc lot laz juing ngoz tueq, romzyac htenc nuiyc vwangc juing yauk shuimc htenc shuimx wuez shuex.

Muklom

²² Chammatakoi, alik Khristo etho alik rangsamal tang thu eq patja jaksom lot somlo eq takhi na etho jin som eq ajo, Shkewa utal chol miqtang sha tho dipkup eq na!

Mark 13:22 Referencias Cruzadas

Matthew 24:24

Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.

Matthew 7:15

“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

Mark 13:21

“Arkha maq, kra akhing na, maiq ashi ra raq namshiq ma, ‘Liilaq, Khristo ka arshe ahata!’, lo ‘Liilaq, apaiq ka i niikiijaq kata!’ nguta chong raü jiimin, namshiq raq naq lamkam rongkiq.

Mark 13:23

Arkha maq, namshiq ka honkamshat maq shongnga ronglaq! Ngi raq namshiq ma kra akhing misaü shaq na chongkuq tiipha ara tai rong laq.”

Mark 13:6

Maiq pahea, i mang shaphaq raüta misaüho kiiphan. Kiimaq tsangshiq raq, ‘Ngi ahata Khristo!’ nguta mitiitsaki kiiphan. Raüta, tsangshiq raq maiqse pahea, lamjiq nü na mishun sheaho.

John 4:48

Jesuq raq apaiq ma nguto, “Namshiq raq awang chang jaqsham chhi man wiiwii ka, kam man phan.”

TRI CHONGKE 13:1

“Shammiwe lo rawa ma liichum chongketi riilo, awang chang jaqsham mitiichhiha riimakla amao chang jaqsham mitiichhi kuqha nguta kiq mokham ke min miraq.

2 Timothy 2:19

Shatmaq, Shiikeawe raq ashong khamlawe kaü ka jurmin tiimeshiki lot mak she. Ara khamlawe kaü na akha bomtsi waiq thüje she: “Tatiwe raq asengibi ka sapshat! Jurwa apaiq ka Tatiwe sengi she nguta sitlaq, kriiti raq ngarai lam phan raa mak she,” nguta waiq tlo.

1 John 2:18

I setiim lei, phangthum akhing ka saü wanto she! Phangthum wan akhing niika Khristo ma Wesang We kaü kriishe misaüho nguta namshiq ma man niiphü chongke wan je she riito. Krai mren, ümchaü Khristo ma wesang ralii were pahea she dongrai wan tlo chhi tiikai. Riita ara chhi tiikai arai mren, nashiq raq phangthum wan akhing ka saü wanto she dea nguta sap tiikai.

1 John 2:19

Riita ara chongtiikai Khristo ma wesang raliibi thun arka, apha miiphü nashiq rai tushi niika sidam mak dongdii. Kriikha maq, tsangshiq ka na tu mong wa pong na tiichiiq raüta pong lamphan na kihoto. Tsangshiq ka nashiq ngam napti dongdii ngu raü ka, nashiq rai adam na riitushat maq misi dam wa. Nashiq tushi wa tsangshiq ka pong na tiichiiq raüta kihotaq kra, tsangshiq ka nashiq rai tushi na sidamti ka riimak dea nguta tiisap shat mirlaq nguta ngo maq pong na khüphiiq niishe tiichiiq raüta kihoto.

1 John 2:26

Namshiq ka lamjiq nü na laolii hohai jiilei nguta tankhanti maiq ka asi. Namshiq ka tsangshiq thiikho na dea man chang miitu, ngi raq ara waiq tiikang.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.

Revelation 17:8

Kra ngamthaiq kaü ka man na atra riito. Shatmaq, ümchaü ka amaa she. Apaiq ka wulum mung wa saü wan nam nam she. Kra saüwa raüla, ngamkaü ka atsea she mirbaiq. Mangjong hiq na maiqse diim tlaq kiiwa, ümriiti mang wa atra lakdap na, ra nai hiq miphan sang wan shaq niiphü dongdii waiq thü hü, kriiti thun tarü raq, ara ngamthaiq kaü sham na lii raüta, kai awang mirwan. Kriika man na atra riito. Shatmaq, ümchaü ka atra riimak she. Shatmaq, ngamthaiq kaü ka thongshi ri hali atra misam wa nong.