Mark 13:22 - Muklom

²² Chammatakoi, alik Khristo etho alik rangsamal tang thu eq patja jaksom lot somlo eq takhi na etho jin som eq ajo, Shkewa utal chol miqtang sha tho dipkup eq na!

ASII LAKDAP Bible (BSI)

²² Ara jamkhano chongtiikang ngukla, kra akhing na, arot akiq Khristobi nai arot akiq shammibi ka pahea midong wan. Raüta, tsangshiq raq awang chang nai taklot mai chang jaqsham pahea miklo wan. Raüta, tsangshiq raq lot raü jiila, Shiikeawe raq atsea wan asengi phong maiqse sitlaq kiiwiimin milao lii wan.

Hawa Naga Bible 2001

²² Yvmx khoc lac ngoz ruiux lec vrot vkaq Mesia nuiyc vrot shvmmax bix dung wvnc wuez tuex. Tsuingshiq kuex Tishox rueq vthvl miqsaz muex doc muinz lvmx tvmawz lot ruiux tvmawc lot laz juing ngoz tueq, romzyac htenc nuiyc vwangc juing yauk shuimc htenc shuimx wuez shuex.

Mark 13:22 Referencias Cruzadas

Matthew 24:24

Chammatakoi alik Khristo tang etho alik rangsamal tang tunshat na etho ahan patja jaksom takhina, jin som eq ajo utal miqtang shima tho alik tha tahan na.

Matthew 7:15

“Alik rangsamal tang wang rangtun eq tong inn. Ning kelwut sa tang mal takhi eq nim relnáng thupha na, etha otho ning tin mong sha jashit inkaku tang mal hun.

Mark 13:21

“Ethi thok tho, chamtey tey nangma batna, ‘Siin u, Khristo iri na’ tia ‘Piq eshina’. Etharin ning raaq nak han pey ka inn.

Mark 13:23

Rangtun eq tong inn! Iritang thaji ang jakho hun nga nim ma thaji batko taphang.”

Mark 13:6

Daqhan miqtang aa imiing o thu eq batna, ‘Nga raa piq!’ Etho daqhan miqtang ma dipkup na.

John 4:48

Jesu aa piq ma batta, “Nim aa umaal nia patja jaksom khi min nángduk baluk otho hanmin angnin.”

2 Timothy 2:19

Etharin Shkewa thóng abang sha jin thamot moq; etho eshina irimal thawit aa: “Teyhungwa piq miqtang sha using eq aa” etho “Utang eq Teyhungwa miing wungbat aa, piq sha jashit jaksom wang cham lun chey aa.”

1 John 2:18

I tinmat sa tang, ira uthom rangham! Nim aa tat tin mal Khristo ralwa thupha na etho thanga Khristo ralwa tang daqhan sey thu tapha. Etho ira uthom rangham ta iri wang hiqtang aa kap sam ni.

1 John 2:19

Iri miqtang raa hiqtang jaktung wang thalat ta, etharin ning hiqtang ráng ang moq angta; ning raa hiqtang ráng angta jo ning hiqtang jamoq tong wang ta. Etharin ning aa hiqtang shingchak taphi ro tasam aa, ning raa hiqtang wang ang moq.

1 John 2:26

Nim ma dipkup eq jashit lam solkat ma tathintey tang tung aa raaq nga nim ma thaji raa wit phang.

Revelation 13:8

Mingkang phanghun jakho wang duk Kelwut sa bara tikwat eq ta, eshi Kelwut sa rollung likdap na utang tang miing thawit moq mingkang na tongtey eshi thaji miqtang shey jatngam sha shumnuk na.

Revelation 17:8

Bari jatngam raa nang aa khitu, ira phang tha angta etharin thanga ang moq etho abyss wang thalat eq kapha na etho tashit eq ma kana. Mingkang phanghun wey moq jakho wang rollung likdap na miing thawit moqtey miqtang bara mingkang na tong ta, ning aa jatngam sha khi eq patja angna chammatakoi ira angta, etharin thanga ang moq etho esha uthok ang phana.”