Mark 13:11 - ASII LAKDAP Bible (BSI)

¹¹ Kiimaq ümtiikiiwa namshiq ka, maiq raq lap raüta, rung na tiichap wantlaq, kra akhing na, namshiq raq maiq bom ka jamkhii tre chang wa miraq nguta, kongkhu na naq chapa rongkiq. Rung maq maiqse raq namshiq ma bom wai tlaq kra akhing na, Asii Wenyi raq tsangshiq bom ka jamkhii tre chang wa kra namshiq ma achong mirkuq. Kra phanphan namshiq raq tsangshiq bom ka mitre han.

Hawa Naga Bible 2001

¹¹ Nuimshiq kuex lvp vtueq phoc waz rungx nuex kuq gay ruiux yuq, yvmx khoc jungc juing wuez ngoz tueq nauk rvwvl kaz; kvruex vkhing httuiuc wvnc tuex nuex nuimshiq tvjungc yaq kvkhoc jungx shuinz. Yvmx khoc lac ngoz ruiux lec nuimshiq rueq jungx shuinx kvjaz kuex nuimshiq kvjaz rvmuq, Vsawc Siyac kvjaz htenc rvtueq.

Muklom

¹¹ Etho nim sha lo eq khaphung náng solkat phin jo, nim aa chamlang ta batni ta jakho nak tathin inn; rangham thu pha jo, nim aa cham ta bat ching sha nim tin o bat na. Chammatakoi nim aa chamlang ta batma ta inn, ira nim raaq ang moq Asang Tsija wang hun bat na.

Mark 13:11 Referencias Cruzadas

2 SAMUEL 23:2

Tatiwe wenyi raq ngi ka rom raüta chongtlo; apaiq bomchong ka inübok na.

ISAIA 50:4

Ajong Thaq Na Ajong Pinthum Tatiwe raq jamlai chong chang wa kra ngi ma shrin kuqto, kra ningkhan ngi raq ahun aniiti ma ningkun shoqkuqlot tiikang. Wranaptek apaiq raq itsan tiichhiitlo; apaiq raq ngi ma jamlai phan shrinkero wa kra tai miitu.

Matthew 10:17

Honkamshat rong laq. Namshiq ka maiq raq shumraü kharü maq mikha. Raüta rung na mitiichap wan. Kiimaq tsangshiq raq namshiq ka sinagok thun maq sintsang maq mitsat.

Mark 13:12

Maiqse raq maiqmii phu ano kra atsea baiq miitu atlap mirkuq. Awetiim raq asetiim ka milap kuq. Asetiim raq awetiim ka mingeng. Raüta, milap kuq. Raüta, atsea mirbaiq.

Mark 13:9

“Arkha maq, namshiq ka honkamshat maq shongnga rong laq. Namshiq ka maiq raq alap miwan kiiphan. Raüta, rung na mihit wan. Namshiq ka sinagok maq atea miraq. Namshiq ka mung welabi nai hokhambi man na, i mang miitu rung na mitiichap. Tsangshiq rung phong na, namshiq raq Tsütsa Ahea kra michong kuq han.

Luke 21:12

Riita, arthun mra ara mipin wan shaq na, namshiq ka maiq raq alu aban miraq. Raüta, mitiichamchao. Namshiq ka sinagok thun na mitiichap. Raüta, namshiq kha ka mipho. Kiimaq phaqtek mong na mishaq. Namshiq ka hokhambi nai welabi man na, i mang chong ara miitu mitiichap.

John 3:27

Kiijiishe, Johan raq tsangshiq bom ka treto, “Shiikeawe raq jamlai wa, apaiq rii she nguta, maiqse ma maiqmii kharü na phankuq wantaq, kriili apaiq rii miraq. Kiiwa chan raütiika, juwe riimin lap lot mak.

Acts 2:4

Krai mren she, tsangshiq tarü ka, Asii Wenyi raq ama she rom wanto. Kiimaq, tsangshiq ka Asii Wenyi raq ama rom wantaq krai mren, maiq pongnok pongta phan bom miishe bomtrang hoto.

Acts 3:13

Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.

Acts 4:31

Krai mren, tsangshiq raq ara achu jaü lot ri, tsangshiq riitam ngachang ba ka hiqjong mu raq bai tlaq ikha, atiikhai riiban li she tiimeto. Kiimaq tsangshiq tarü ka, Asii Wenyi raq ama chhaq rom wanto. Krai mren, tsangshiq raq Shiikeawe bomtsi ka khangriri hea, haihii songhü miishe chongkuq wanto.

Acts 6:10

Shatmaq, Asii Wenyi raq Stephen ma taksu phaqchi ka aheng keje kha maq, apaiq bomchong ka tsangshiq raq poshi min khiilot mak riito.

Acts 6:15

Kra tai raüta, kiijaq Rung na ngongthun wantibi maiq ümchuwa sitaq kra raq, Stephen theaphi na tiqtiq liito. Kiimaq, tsangshiq raq apaiq theaohi ka rase theaphi ikha chhito.

Acts 7:55

Shatmaq, Stephen ka Asii Wenyi raq ama rom wanto. Krai mren, apaiq raq ra nü na liito. Raüta, Shiikeawe khushü ngao chhainyii liliim kra chhito. Kiimaq Jesuq Khristo ka Shiikeawe ma jaqtsi nü na achap raü chhito.

1 Corinthians 2:13

Riita ara chongtiikai krai mren, naishiq raq tsütsa chongkuq tiikai arka, mangjong maiqse phaqchi ningkun miika chongkuq mai. Shatmaq Asii Wenyi raq naishiq ma jamlai bomtsi wa shrinkuq tlaq, kra bomtsi miili, jurwa Asii Wenyi alap wisheti kiima tengman tlaq wenyi bomtsi kra chongkuq tiikai.

Ephesians 3:5

Man na richü pat niika, ara chong tiikai apaü raüta athü, Shiikeawe jaqsham arka, maiqse ma chong kuq mak dea riito. Shatmaq, ümchaü ka Shiikeawe raq, Asii Wenyi lümaq, apaiq kiimwebi nai shammibi ma tiichhi kuq wanto she.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

1 Peter 1:12

Shiikeawe raq ara man na sithü taq shammibi ma tiichhi kuq wanto. Tsangshiq raq shammi jaqsham wan tlaq ka, tsangshiq miitu ka riimak. Shatmaq, ümchaü pat na, namshiq sitlan ara miitu miraq nguta chongkuqto. Kra shammibi raq, man na pat na jamlai wa phanchan kuq taq, kriishe ümchaü pat na namshiq ma Tsütsa Ahea chongphan ketibi riishe tiitai kuq tlo. Tsangshiq raq namshiq ma ara, Tsütsa Ahea tra hokuq tlaq thaq na, Shiikeawe raq ramungtan wa atiiki Asii Wenyi raq tsangshiq tsütsa chongke ka, tsangshiq khum na arom riiraüta chongkuq tlo. Ara chongtiikai Shiikeawe jaqsham ahata ra na siti rasetiim raq dongdii min sap n dam haijaq nguta ümtinkhan wa tsinngin tlo.