Mark 13:11 - Hawa Naga Bible 2001

¹¹ Nuimshiq kuex lvp vtueq phoc waz rungx nuex kuq gay ruiux yuq, yvmx khoc jungc juing wuez ngoz tueq nauk rvwvl kaz; kvruex vkhing httuiuc wvnc tuex nuex nuimshiq tvjungc yaq kvkhoc jungx shuinz. Yvmx khoc lac ngoz ruiux lec nuimshiq rueq jungx shuinx kvjaz kuex nuimshiq kvjaz rvmuq, Vsawc Siyac kvjaz htenc rvtueq.

ASII LAKDAP Bible (BSI)

¹¹ Kiimaq ümtiikiiwa namshiq ka, maiq raq lap raüta, rung na tiichap wantlaq, kra akhing na, namshiq raq maiq bom ka jamkhii tre chang wa miraq nguta, kongkhu na naq chapa rongkiq. Rung maq maiqse raq namshiq ma bom wai tlaq kra akhing na, Asii Wenyi raq tsangshiq bom ka jamkhii tre chang wa kra namshiq ma achong mirkuq. Kra phanphan namshiq raq tsangshiq bom ka mitre han.

Muklom

¹¹ Etho nim sha lo eq khaphung náng solkat phin jo, nim aa chamlang ta batni ta jakho nak tathin inn; rangham thu pha jo, nim aa cham ta bat ching sha nim tin o bat na. Chammatakoi nim aa chamlang ta batma ta inn, ira nim raaq ang moq Asang Tsija wang hun bat na.

Mark 13:11 Referencias Cruzadas

2 SAMUEL 23:2

Yehowa siyac rueq ngaz maq raz tueq tvjungc phuex; vpiq bomjungc kuex ngvy tvlix nuex httax yaq.

ISAIA 50:4

Johvlc Yehowa rueq yvmx khoc jungc juing lac kuex ngaz muex tvluing kuq yaq, kvkaq ngaz rueq vhunc vnyec jix muex hunglaungc kuq lot tauk Wvraungx nvp tek vpiq rueq ngaz muex yvmx khoc tvluingc kuy juing lac lvmz kuex tay wvnc muex tvraungc raq yaq.

Matthew 10:17

Honc lvmz wuez shuinz, yvmx khoc lac ngoz ruiux lec tsuingshiq rueq nuimhez kuex lvp vtueq phoc waz rungx nuex lekuq gay kv-phuinx, vjux thoz juing baung htenc maq nuimhez kuex wungc tvlc guirguenz kv-phuinx.

Mark 13:12

Kvruex kaq saqphuz saqnox vdvmz dvmz vthueyc juing nuex tvshuk lekuq gay shuex. Vsaz hez rueq muinz miqmac nyuiuz vwaz khawx lvlx vtueq thvt gay shuex.

Mark 13:9

“Nuimshiq shauk pumz honc lvmz hvt maq httax kuinz. Nuimshiq kuex lvp vtueq phoc waz muex kuq gay kv-phuinx. Vjux thoz yuimx htenc maq nuimshiq kuex wungc tvlc rvhumc tuinx; guimz lawc jix nuiyc hokhvmx bix htumc nuex ngvy ningkhvnc nuex nuimshiq jvp wuez vtueq, tsuingshiq muex Thuix Thaungc Vhvlx jungx kuq lvp shuinx.

Luke 21:12

Kvruex lvmz htenc max yaungx wvnc nuex, miq rueq nuimshiq kuex lvp vtueq tvkuilc daz kv-phuinx; vjux thoz yuimx htenc maq phox vtueq khoktep nuex tvshauk gay kv-phuinx; ngvy ningkhvnc nuex hokhvmx bix nuiyc vyungx vlaungx bix khaungkac nuex httuiuc tuinx.

John 3:27

Yohan rueq, “Tishox rueq vkuq rvmuq ngoz ruiux kuex miq rueq yvmx muinz lvp wvnc shuex rvmuq.

Acts 2:4

Tsuingshiq muinz Vsawc Siyac mvrc wvnc vtueq, Siyac rueq nvr tueq rulc rv-ngvlc miqphvnx ruip saz kvjaz maq kvjak wuez tueq.

Acts 3:13

Abraham nuiyc Esak, Yaku hez Tishox ngoz yaq, naungshiq jix vwaz hez Tishox rueq vpiq nvrc waz Yesu muex ngauz vngax tvdung kuq tueq. Yuq muinz nuimshiq rueq vpiq kuex vrangx vpangx vhttax jix muex lekuq gay ruiux, Pilat rueq doc muinz vpiq kuex tvdungc gay tvkoc htvp htaz kv-phuinx tueq, nuimshiq rueq Pilat htumc nuex vpiq kuex tvdux gay tuit.

Acts 4:31

Kvkhoc vjux thoz lot yix, tsuingshiq rvtuimx tueq baung kuex kvkhuirc rvtueq, tsuingshiq lotlaz Vsawc Siyac mvrc wvnc tueq nuiyc Tishox bomjungc kuex khvmc thuinz vhttax maq jungphvnx kuq wvnc tueq.

Acts 6:10

Yuq muinz Stephen kuex Vsawc Siyac rueq vkuq taksux tharc kvjaz maq jungphvnc ningkhvnc nuex tsuingshiq rueq piq kuex khawx lot muq.

Acts 6:15

Kvkaq Suingdaungx Muingdaungx rvtuimx ngaungc yaq jix lotlaz rueq Stephen kuex tvtsuingc lawc koq tueq, piq htvlx phawc kuex raungkamx waz htvlx phawc ikhoc rvtueq kuex tsuinghez rueq khiz wuez tueq.

Acts 7:55

Yuq muinz Stephen kuex Vsawc Siyac mvrc vtueq raungx nuex kac lawc koq tueq, Tishox ngauz vngax nuiyc Tishox yaukkeq kox nuex jvp yaq Yesu kuex khiz tueq.

1 Corinthians 2:13

Kvkhoc rvtueq Siyac lvp wvnc jix htenc muex Siyac nuex seng yaq tsuingrux lvmz htenc kuex jalc jungx shix nuex, naungshiq rueq miqsaz taksux tharc kvjaz kuex kvjak miq, Siyac rueq tvjungc phvnc yaq kvjaz dvyx kvjak vtix.

Ephesians 3:5

Lvy wvnc tueq vkhing nuex vruex thuiuz sungx hvlc lvmz kuex miqsaz muex jungx muq doc, yuq muinz Tishox rueq majuiuc kuex vpiq vsawc kamx waz hez nuiyc shvmmax bix muex Siyac maq tvkhic kuq wvnc tueq.

James 1:5

Yuq muinz nuimshiq wawc washiz shiz taksux tharc rax kaz ruiux yuq piq rueq Tishox kox wawc mthoz shueq, Tishox rueq piq muex kuq shuex; yvmx khoc lac ngoz ruiux lec vpiq rueq lotlaz laz muex vphungc vphawx kejux maq kuy jix waz rvtueq.

1 Peter 1:12

Tsuingshiq rueq kvruex lvmz htenc jungphvnx wvnc tueq kuex tsuingshiq vjux lvp wvnc tvkoc rvmuq, nuimshiq tvkoc rvtueq lvmz Tishox rueq vruex shvmmax bix vmac tvkhic kuq tueq. Nuimshiq kox nuex Thuix Thaungx Vhvlx lvmc lvy jix htenc kuex shvmmax bix rueq tvluz nuex jungphvnx wvnc hez rueq raungmungx wawc vtvkaz Vsawc Siyac hungc vlaungc maq nuimshiq muex tvkhic tvtay kuy ningkhvnc nuex nuimshiq rueq tay wvnc tuit. Kvruex lvmz htenc kuex raungkamx bix rueq doc muinz vtuiuz roc rvtueq.