Mark 11:18 - ASII LAKDAP Bible (BSI)

¹⁸ Ramwe jongbi nai Thungtri shrinketibi raq ara jaqsham wantaq kra tsütsa ka taito. Raüta, tsangshiq raq apaiq ka atsea baiq ma nguta tsangshiq raq lamlu she ritto. Mungmaiqse ka apaiq traho bomchongke kra tairaüta kai amao riito. Kriikha maq, tsangshiq ka ahai she riito.

Hawa Naga Bible 2001

¹⁸ Shomc waz bix nuiyc Tvrac tvluingc waz hez rueq kvruex tay vtueq, vpiq kuex thvy gay muex lvmx thuiyx wuez tueq. Tsuingshiq kuex vpiq muex vhiz rvtueq, yvmx khoc lac ngoz ruiux lec nuk miqsaz lotlaz kuex vpiq rueq tvluing yaq lvmx kvmac vwangc rvwuez tueq.

Muklom

¹⁸ Ajong tingwa tang etho thong tataltey wa tang ira tat eq Jesu sha tatik eq chakma nukta. Etharin ning piq ma ucho angta chammatakoi daqhan miqtang piq raaq tha tat eq patja angta.

Mark 11:18 Referencias Cruzadas

1 HOKHVMX 21:20

Kiitiikaq Ahab raq Elija ka chhi raüta, apaiq raq nguto, “Ijaqtiwe loi, ümniiraq ngi hali chhirat wa nong laü nya?” “O, tengto. Ngi raq ümniika humrat kang,” nguta Elija raq treto. “Ümniiraq ümrilung ka Tatiwe makki na jamlai wa ashut kra klowan niilishe dea kiinong kuqbaiq laü kata.

1 HOKHVMX 22:18

Kiijiishe Ahab raq Jehoshaphat ma nguto, “Ngi raq ümniima chongkang ihata, apaiq raq ngi miitu ka jangshi ra min riisham bomtsi ahea ka chongkuq mak nguta? Apaiq riika ngi miitu jangwrap she bom abi kli chongkuq tlo!”

1 HOKHVMX 22:8

Kiijiishe Ahab raq treto, “Shammi weshi ri dea asi. Apaiq ka Imla se Mika. Shatmaq ngi raq apaiq pinthum shutiikang. Jamkhano ngukla apaiq raq ngi miitu ka jangshi ra dongdii min riisham bomchong ahea ka chongkuq mak. Apaiq riika jangwrap she abi riisham bom kli tiithaitlo.” Kiijiishe, “Ümniiraq kiikhii ka naq ngu kiq!” nguta Jehoshaphat raq treto.

ISAIA 49:7

Israilnok asii Shiikeawe kiimaq chhiitiwe raq ngutlo maiq raq saisitliiqwe kiima, maiq mung thun raq ngengtlaqwe kiima, kiimaq mung pengtibi jaqshise kiima: “Hokhambi raq ümniika phaqtek mong wa tiidongbaiq wan kra michhi; kiimaq tsangshiq ka tiidorang raüta ümniima shreng manto mitiichhi; hokhamsetiim maiqwe sere riimin kra michhi wan; kiimaq tsangshiq ka ümjichong na bum raüta minoqpi wan.” Arthun ara mihongtha wan jamkhano ngukla Tatiwe raq ajaqshi se ka tsea wanto; asii Israilnok Shiikeawe raq apaiq kiqkham ka riikhaqli tiihongtlo.

Matthew 21:15

Shatmaq, Ramwe jongbi nai Thungtri shrinketibi thun ka, apaiq raq awang chang jaqsham kewan kra chhi raüta kiimaq nosere raq Shomjam maq, “Dawit Se kli tiitsam ronglaq!” nguta siitrang wan tlaq kra chhi raüta, tsangshiq ka kai akhiq ariq she riito.

Matthew 7:28

Jesuq raq arthun tra hokelot jai she, mungmaiqse ka kai awang riiwanto. Jamkhano ngukla apaiq raq arang aheng maq traho bom chongkuq wanto.

Mark 1:22

Apaiq raq arang ajong maq, kholam kholiiq traho bom chongke kra tai raüta, nokwe ka kai amaoli she riito. Kra jamkhano maota ngukla, apaiq traho bom chongke ka, Thungtri shrinketibi raq chongkuq tlaq kiikha riimak. Arang ajong maq chongkuqto.

Mark 11:32

Shatmaq nashiq raq, ‘Maiqse arang maq,’ ngu hai jiila…” (Tsangshiq ka mungmaiqse ma ahai kata. Jamkhano ngukla, Khamlamketi we Johan ka, shammi nguta mung maiqse raq sapshat.)

Mark 12:12

Kra manphan kra tairaütiishe, Jehudinok welabi raq, Jesuq raq tsangshiq kra shiitonto ngutiishe takto. Krai mren, tsangshiq raq apaiq ka alap chang nguta tanto. Shatmaq, tsangshiq ka mungmaiqse ma ahai riito. Kriikha maq tsangshiq ka apaiq tho wa ahin niishe tiido wanto.

Mark 3:6

Kra chhi raütiishe, Phorisinok ka, tiido rang, sinagok wa wawanto. Raüta, tlothit li she, Herod sengi wiijamti rai riihum wato. Raüta, tsangshiq raq Jesuq tsea baiq miitu, mat raü she süpha wanto.

Mark 6:20

Herod raq Khamlamketi we Johan ka, mitting maiqse kiimaq kechu maiqse dea ngutiika asap. Krai mren, apaiq ka Johan ma ahaisi ka asi. Kriikha maq, apaiq raq Johan ka phaqtek na, tiiwong kuq shatmaq maq shaq raüta thüto. Apaiq raq Johan traho bomchong kewan kriika tairo tlo. Shatmaq, tai tlaq tek na, atsan mong na kai kotsirak wan lili riitlo.

Luke 19:47

Jesuq raq mungmaiqse ma wranaiqshe, Shomjam maq traho bom chongkuqto. Shatmaq Ramwe jongbi nai Thungtri shrinketibi, kiimaq welabi raq apaiq ka atsea baiq chang nguta mat ka tan wan ruq li she riito.

Luke 2:47

Apaiq raq tsangshiq bom tre kriika, pinthum asap atsin wiq maq, tre tlaq kra tai raüta, tsangshiq ka kai amao riito.

Luke 20:19

Kra tai raüta, Thungtri shrinketibi nai ramwe jongbi raq, Jesuq ka kriijiili lapholai nguta danto. Kra jamkhano tanta ngukla, kra manphan shiiton maq tsangshiq ka shiitanto nguta sapto. Shatmaq, tsangshiq ka mungmaiqse ma ahai kha maq, apaiq ka lap mak dea riito.

Luke 4:22

Apaiq traho bom chongke kra tai raüta, tsangshiq tarü raq tsan na washasha maq taito. Kiimaq tsangshiq tsan heali chhaq riito. Kiimaq apaiq raq jan jang jang hea maq bomchong kewan kra tai raüta, tsangshiq ka, kai amao riito. Kiimaq tsangshiq liipan na, “Riita, notsam, apaiq arka Joseph se riimak shiiraq?” nguta riiwaito.

John 7:1

Arjai maq, Jesuq ka Gelili wang na traho bom chongke wa wawanto. Kra bala apaiq ka Judia wang na trahokai kiro mak riito. Jamkhano ngukla, Jehudinok mung rümtibi raq, apaiq ka atsea baiq chang nguta mat kha ka tanshat she riito.

John 7:19

Riita namshiq ma Mosheq raq Thungtri kuq thütaq riimak sha? Shatmaq, namshiq phong wa, maiq weshi ra raq dongdii min kra Thungtri ka lang man. Riita, kra taü maq, namshiq raq ngi ka atsea baiq chang nguta jaram wa tan khan tlan?”

John 7:46

Kiijiishe, hokranok raq, “Arwe raq trahoke khan ka, ümchaü niitaq maiq ahinti juwe riimin hoku mak shaq chhi mai!” nguta Phorisinok bom ka treto.

Acts 24:25

Shatmaq Paul raq apaiq rai riibom lam maq, kechu rilung, stiq skhaq rilung, kiimaq jai na saüho tlaq Phangthum Khapho Ranaiq wa bom thun kra phanchan chongkuq wan lili riitlo. Kriikha maq, Phelisk ka ahaisi min asi riito. Kriikha maq, “Ümniika ümchaü atiido wan mimai. Ngi raq ümtiikiiwa akhing milap ha kiitiikiitiq mitiihea nong kang” nguta chong kuqto.