Mark 11:18 - Muklom

¹⁸ Ajong tingwa tang etho thong tataltey wa tang ira tat eq Jesu sha tatik eq chakma nukta. Etharin ning piq ma ucho angta chammatakoi daqhan miqtang piq raaq tha tat eq patja angta.

ASII LAKDAP Bible (BSI)

¹⁸ Ramwe jongbi nai Thungtri shrinketibi raq ara jaqsham wantaq kra tsütsa ka taito. Raüta, tsangshiq raq apaiq ka atsea baiq ma nguta tsangshiq raq lamlu she ritto. Mungmaiqse ka apaiq traho bomchongke kra tairaüta kai amao riito. Kriikha maq, tsangshiq ka ahai she riito.

Hawa Naga Bible 2001

¹⁸ Shomc waz bix nuiyc Tvrac tvluingc waz hez rueq kvruex tay vtueq, vpiq kuex thvy gay muex lvmx thuiyx wuez tueq. Tsuingshiq kuex vpiq muex vhiz rvtueq, yvmx khoc lac ngoz ruiux lec nuk miqsaz lotlaz kuex vpiq rueq tvluing yaq lvmx kvmac vwangc rvwuez tueq.

Mark 11:18 Referencias Cruzadas

Matthew 21:15

Jesu aa patja jaksom tang somlo aa tha khi ta etho “David Miqwasa, Hosana” ta nijang mey tang rangnuk him wang ring tha khi eq ajong tingwa tang nia thong tataltey tang rapney khata.

Matthew 7:28

Jesu uraaq bat tang thaji tha tathun atho, thaji miqtang piq raaq tat eq rapney patja ta.

Mark 1:22

Miqtang eq uraaq tha tat eq rapney patja ta, chammatakoi piq aa thong tataltey tang mal bat moq angta; piq aa authority wang tatal eq batta.

Mark 11:32

Etharin miq wang ta batma ucho ang í.” Ning ucho angta chammatakoi thaji miqtang eq uhan eq ta John sha asing rangsamal angta.

Mark 12:12

Jehudi solwa tang aa Jesu tha tatik ma nuk ta chammatakoi ning aa sam eq ta, iri raaqshiton raa Jesu aa ning rangma bat aa. Etharin miqtang thima ning ucho angta, rey ning aa piq tha shingchak eq ethiwang qhing chuwang ta.

Mark 3:6

Ethi jio Phorisi tang eq synagogue wang thalat eq Herod miqtang jamoq tachong eq Jesu tha tatik ma raaq phung ta.

Mark 6:20

Herod tha John jung thalamtey wa thima ucho angta chammatakoi piq raa miq qhal nia asang miq ta Herod aa usam eq ta; ethirangma piq aa John sha homta. Piq aa John jung thalamtey wa raaq tha utat eq ma unuk angta etharin baluk o tho uraaq tat jio Herod tin na daqhan tinthin qhongta.

Luke 19:47

Salwet Jesu aa rangnuk him náng ka eq tatal ta. Ajong tingwa tang, Thong tataltey tang, etho solwa tang aa piq tha tatik ma bita.

Luke 2:47

Piq raaq tha tat eq thaji miqtang aa piq asam atol etho raaq thawel bat thima patja ta.

Luke 20:19

Thong tataltey tang ni ajong tingwa tang aa Jesu tha eshitáng sho hun lot ma tat tathinta, chammatakoi ning aa usam eq ta piq aa iri raaqshiton raa ning ma tho ubat eq ta; etharin ning miqtang thima chota.

Luke 4:22

Piq aa thaji miqtang ma jaqhalta batta etho piq raaq tha tat eq thaji miqtang patja ang eq ning aa batta, “Piq raa Joseph sa ang moq i?”

John 7:1

Iri raaq tang jio Jesu Galilee na lingqhing ta; chammatakoi Jehudi tang aa Jesu tha tikwat ma tathin chey ta. Ethirangma piq Judea haqna lingqhing ma nuk moq angta.

John 7:19

Moses aa nim ma thong kot moq ang ta i? Etharin nim wang utang tho thong na qhing min. Nim aa nga tikwat ma cham ma tathin inn?”

John 7:46

Ubantey tang they thawel batta, “Iri miqwa rey bat aa thimal utang eq tho baluk otho bat wey moq.”

Acts 24:25

Etha otho Paul asing raaq, piq ni piq tatáng raaq etho uthok angpha phung raaq bat atho Felix ucho ang eq batta, “Nang thanga ka u. Nga rangham kap ang jo nang uhal eq phanáng.”