Mark 10:38 - ASII LAKDAP Bible (BSI)

³⁸ Kiijiishe Jesuq raq, “Namnai riika jamlai wa jaütlan kra sapman. Ngi raq nyang chang chamchao kok ka, namnai riimin minyang lot han sha? Kiimaq ngi raq chamchao wa maq kham lam tiikang, kra wa maq namnai riimin kham ka milam lot han sha?” nguta tsangnai bom ka treto.

Hawa Naga Bible 2001

³⁸ Yesu rueq, “Nuimnueyc rueq thoz vshuinx kuex nuimnueyc rueq tuiuz muit, ngaz rueq nuingx shaungx vkuilc vdaz kok kuex nuimnueyc rueq nuingx lot shuinx haz? Ngaz rueq yuix luip lvmx shaungx kuex nuimnueyc rueq lvmz lot shuinx haz?” ngoz tueq tsuingnueyc muex wiz tueq.

Muklom

³⁸ Jesu aa ning ma batta, “Nim aa chamlang chu phin tha sam min. I tsamnang kok wang nim aa jin ling eq nin i? Etho nga junglam tang thimal nim aa jin lam eq nin i?”

Mark 10:38 Referencias Cruzadas

1 HOKHVMX 2:22

“Riita ümniiraq ngi ma Abishag ka apaiq ma romkuq laq ngutli ka jaram wa jaü tlaü?” nguta hokhamwe raq waito? “Ümniiraq ijaq wa ara hokham ngachang armin apaiq miili likuq laq ngutri jaü haü jaq ahea riichang kata. Jamkhano ngukla apaiq ka ngi ma aphu kata. Kiimaq ramwe Abiathar nai Joab ka apaiq rai kongshi maq pong tlo kata!”

Tvtsvmc 75:8

Tatiwe jaq na khap ashi shamshat, kra khap mong na atsankhiq henghea chetsai thütlo. Apaiq raq kra khap kiiwa tsümkuqtlo, abi maiqse tarü raq kra nyangtlo; tsangshiq raq che ka tsantiiheali chhaq khap ka tsit-hok raüta nyangtlo.

ISAIA 51:22

Tatiwe üm Shiikeawe raq ümniika tiiwongkuqtlo raüta ngutlo, “Ngi raq chekhap ka lambaiq tiikang she, itsankhiq tsi ma ümniima akuqha kra. Ümniiraq nyang ka raamak she, kra che nyang laüta ümnaq tropkhoprai tlaü ka.

JEREMIA 25:15

Tatiwe, Israilnok Shiikeawe raq ngi ma chongto, “Arjaq ara chekhap itsankhiq maq tiimali thiikang. Ngi raq ümniika ümra mung niiwa tiikitiikang, kra mung thun ma hokuq holaq. Laüta tsangshiq ma armaq phetak chhaq tiibak nyang laq.

JEREMIA 45:5

Ümniiriika ümnaq miitu pong na raitlii raüta liikuq raüjaq ahea chang ngutiisha tiima tlaü? Kriika naq tiimara kiq. Ngi raq mangjong maiqse kunli khuthaq na chamchao rathaiq mitiisaü wanha. Shatmaq ümnaq riiwe kla ümmiisaq ka thummak maq, ümniika ümriiba niili kihaü jiimin, lun wan ruq milun haü. Arka Ngi, Tatiwe raq ngutiikang.”

Matthew 26:39

Kra ngu raütiishe, apaiq ka phanshi kongkhu linlin na wa raüta, hiq na bumtlii maq akha achu jaüto, “I We le, mai tlaq jiila ara chamchao kok arka i khum arwa alam riibaiq laq! Shatmaq arka ngi raq tiima tiikang kra thaq na seng raüta riimak. Shatmaq ümniiraq jamkho tiima tlaü kra thaq na seng laüta tiihong laq.”

Matthew 3:6

Tsangshiq raq maiqmii ngarai ka tiidii wanto. Krai mren, Johan raq tsangshiq ma Jordan rai na kham lamkuq wanto.

Mark 14:36

Apaiq raq akha achu jaüto, “I we, i we le! Ümniiriika phanrap milot haü siisaq. Mai tlaq jiika, ngi raq nyang chang, ara chamchao kok arka, alam riibaiq laq. Shatmaq, kiitiina, ngi raq thapthi wantiikang kra phan phan ka riimak. Shatmaq ümniiraq jamkho thapthi tlaü kra phan phan tiihong laq.”

Luke 12:50

Ngi raq khamlam wan chang asi shaqli. Kiimaq ara khamlam akhing ara milia wan ha shaq wiiwii, ngi ka kai chapa tsi raq atsai sichang li.

Luke 22:42

“I We le, ümniiraq thapthi tlaü kiijaq hong tlaq jiila, ara chamchao kok arka, i dü wa alam riibaiq laq. Shatmaq kriika, ngi tiima khu na riimak. Ümnaq tiima khu na mihong laq.”

John 18:11

Kiijiishe, “Ümnepja ka ahi na rei tlo laq! I We raq ngi ma akuq chamchao kok kra, ngi raq nyang mang miili lea wan chang ngutiisha tiima tlaü?” nguta Jesuq raq Petar ka sonto.

Romans 8:26

Kra niq riri sii hali, Asii Wenyi raq nashiq ningkun ajom sirai tiikai kra chhi raüta, nashiq ara thüda kuq wan wan maq, khrum kuq wan tlo. Nashiq riika, jamkha achü jaü wan chang wa, kiimin tsin hon mai miili sirai tiikai. Kriikha maq, Asii Wenyi riili, Shiikeawe man na, nashiq miitu, maiqse bomtsi maq chong lot mai chang bomtsi maq, ahan anyi ikha achu jaükuq tlo.

James 4:3

Kiimahali namshiq raq Shiikeawe jaq wa tsiiq nai nyam miitu achu jaü tlan. Shatmaq apaiq raq namshiq ma kuq mak. Apaiq raq namshiq ma tsiiq nai nyam ka jamkhano kuq mak, ngukla namshiq raq tsiiq nai nyam jaü tlan kriika, namshiq raq mangjong ngarai han-ngam polosea miitu jaü tlan. Kriika Shiikeawe maklii na ajiq. Kriikha na apaiq raq namshiq ma kuq mak.