Mark 10:37 - ASII LAKDAP Bible (BSI)

³⁷ Tsangnai raq treto, “Ümniika ümtiikiiwa Hokham Ajong ma ja laüta mangjong hiq ka milang haü, kra akhing na ümniirai, nainai siphu armin, ashi jaqtsi na, ashi jaq pha na tiinga haü jaq ahea nguta tiima tiikai.”

Hawa Naga Bible 2001

³⁷ Tsuingnueyc rueq, “Mnoz ngauz vngax maq Mmungtan hoc daungraungc nuex ngaungc vtueq guimz lawc shuiux nuex, mnoz yauk keq kox nuex washiz, yauk phvrx kox nuex washiz ngaungc lvp muex vkhangx kuq koq,” ngoz tueq vpiq muex jungx tueq.

Muklom

³⁷ Ning aa wey batta, “Nang baluk o lungwang ang eq tong ujo, ini ri ba jamoq tatong ma kophu, ashey ri bajakqha ko o etho ashey ri bajakqhit ko o.”

Mark 10:37 Referencias Cruzadas

1 HOKHVMX 22:19

Kiijiishe Mika raq abi ri akha tiitsuq chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka apaiq tho na chapraqraq.

Tvtsvmc 110:1

Tatiwe raq itatiwe hokhamwe ma thaüto, “Ngi ma jaqtsi nü arjaq ngalaq; ngi raq ümjaqti thun ka ümjichong na miphongkuqha shaq wiiwii.”

Tvtsvmc 45:9

Ümhokham rung na ngatibi phong na hokhambi sere junriisetiim ngadamtlo, kiimaq ümhokham kho jaqtsi nü na hokham nyung chaptlo, chiisan chaqlak tum kaü lak raü.

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

Mark 10:36

“Jamlai wa?” nguta Jesuq raq tsangnai ma waito.

Mark 16:19

Tati Jesuq ka tsangshiq rai riibom lot jai she, apaiq ka Shiikeawe raq ramungtan niishe shea wanto. Raüta, Shiikeawe ma jaqtsi nü niishe ngato.

Mark 8:38

Ümchaü pat ara sethoq sepii ja pat, kiimaq abi ngarai lamphan pat. Riita, akha pat abi akhing na, jurwa ngi ma kam ma ajiasi riiwan tlaq, kiimaq, i bom chong ara nanok ma chongke miitu ajiasi riitlaq, kriiti miika, ümtiikiiwa Maiq Se ka, Awe khushü liliim ngao jonghea kra ho raüta, asii rasetiim rai she saüho tlaq, kra akhing na, apaiq raq kriiwe ka atiishaü mirbaiq.”

Luke 24:26

Riita, Khristo riika, arthun chamchao walü mong maq lun wan chang dongdii miraq ngutiika sapphaq man dea sha: Raüta, apaiq ka apaiq chhainyii ajong rilung kra lap wan chang dongdii nguta sap man sha riilan?”

1 Peter 1:11

Tsangshiq riika ara kupi wan akhing ranaiq ka ümtincho wa miraq, kiimaq arka jamkhiiwa miku pi wan, kriithun ka wiita sap lot haijaq nguta shiichaq sidi wanto. Khristo Wenyi tsangshiq shammibi khum na tiipum raüta phanchan kuq wantaq ka, ara chongtiikai ümchaü kupi wantaq akhing ranaiq arshe riito. Kra tiithai kuqtaq bomtsi ka, Khristo ka pinthum chamchao riihum wan chang miraq nguta chongto. Kra chamchao walü lea wan lot raütiitiq, apaiq achai anyii khushü ka jonghea mijong wan nguta chongthüto.