Mark 10:21 - ASII LAKDAP Bible (BSI)

²¹ Kiijiishe Jesuq raq apaiq phanü na, mangchan lam maq lii raüta apaiq ma akha chongkuqto, “Ümniiraq phanshi jaqsham chang dea asi shaq li. Ümniika ümjam na jangkikiq. Laüta tachong tsiiq anyam ka wiita asha riilaq. Laüta, kra kampho ka miitsan maiqse ma pheakuq laq. Akha riihaü jiila, ümniika ramungtan na chiithe ma mija haü. Kra laüta, i phana wara. Laüta i jaqshi se miishe jawan laq.”

Hawa Naga Bible 2001

²¹ Yesu rueq piq kuex lawc tvtsuingc ruiux lungwawx vtueq, “Phvnx shiz dvyx shex rax yaq. Mnoz waung vtueq mnoz nuex httax yaq lotlaz kuex shaung vtueq htemc saz jix muex phvlx kuq waung kuiuz, kvkhoc ngoz ruiux jix raungmungx nuex mnoz luiz waungx yaungx tuiux; kvruex yimaq ngvy yix nuex phvnx koq,” ngoz tueq piq muex jungx tueq.

Muklom

²¹ Jesu tinmat wang eq piq chingko náng siin eq batta, “Nang aa ashey dang hun jaksom somlo ching. Ka eq ba lik angin tang shi sangchak eq tangshit miqtang ma kochak u, etho mungtan na nang aa lik angin kap nu; ethi jio nang iji o kaphu.”

Mark 10:21 Referencias Cruzadas

RAPHA HIQWA LAK 34:19

Kiimaq kra jerowe raq kra athohan tri klo ka taü laü khiq li she kloto. Jamkhano ngukla apaiq ka Jakob se jechakse krai tsan riiroshe. Apaiq ka tsangta khan na akhek pinthumwe riito.

TAKSU LAK 23:23

Tengteng, nyan phaqchi, asaptsin, kiimaq taksu tsii, arka athii tsinhea maq richang. Arka rahea phan maiq ma naqshakiq,

Matthew 16:24

Kiijiishe Jesuq raq ajaqshisetiim ma chongto, “Jurwa i jai phan wan ro tlaq, kriiti raq maiqmii khum ka alaq riibaiq raa.

Matthew 19:21

Kiijiishe Jesuq raq treto, “Ümniika awongsii maiqshaq ashi ma jawan ro tlaü jiika, ümjam na kilaq. Laüta ümtsiiq ümnyam ümchu wa sitlaq kra wiita asha riilaq. Laüta kra kampho ka miitsan miijan maiqsetiim ma pheakuq laq. Kra riihaü jiitiq ümniika mungtan na chiithe ma mija wan haü. Kra laüta ngi phana wara. Kiimaq i jaqshise ma ja laüta, i jai she phan laq.”

Mark 10:22

Ara Jesuq bomtsi kra tai raüta sanha, kriiwe mun ka tiijuk ram she riito. Kiimaq apaiq ka atsanbi wa rashra she, munjuk mijuk she tiido wawanto. Apaiq ka chiithe we kha maq atsiiq ma tsantsi hea.

Mark 8:34

Kra raütiishe, Jesuq raq mungmaiqse nai ajaqshisetiim ka apaiq tho niishe hiato. Raüta tsangshiq ma akha chongkuqto, “Jurwa i jai phan wan tiima tlaq, apaiq raq maiqmii rilung ka alaq baiq ra tlo. Raüta, apaiq pumsongkham ka pishat maq, i jai phan phan wawan ra tlo.

Luke 10:42

Shatmaq, ümniima phanshi dea ra tlo. Meriq riika, riikhaqli phan tsea wanto. Kiimaq arka apaiq jaq wa, jurmin nyeaho lot mak she miraq.”

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

Luke 16:9

Kra ngu raüta, Jesuq raq abom ka akha chongkuqto, “Arkha maq tiina, ngi raq chongtiikang ara: Mangjong hiq wa tsiiq nai nyam armaq athuk atsom jaqsham lanta, namshiq maiqmii miitu, kongti kiimtibi ka lap ronglaq. Krai mren, ümtiikiiwa, ara namtsiiq tum thun kra athum she mirki, kra akhing na, namshiq ka pattup pat-sa jam niishe mitao wan.

Luke 18:22

Jesuq raq ara bomtre kra tai raüta, apaiq ma chongkuqto, “Ümniiraq phanshi ri dea sham chang asi shaq. Ümtachong hupsam ümchuwa, kra wiita asha riilaq. Laüta, kra sha kampho ka, miitsan maiqse ma phea kuq laq. Kra riihaü jiila, ümniika ramungtan na chiithe ma mija haü. Laüta wara. I jai arshe phan laq.”

Luke 19:41

Apaiq ka Jerusalem chela tho niishe saühoto. Kiimaq apaiq raq chela ka lii raüta, akha nguta

Luke 9:23

Kiimaq apaiq raq tsangshiq tarü ma chongkuqto, “Ashi ra raq ngi rai wadam lungwii tlaq jiila, apaiq raq maiqmii khum ka alaq riibaiq ra tlo. Raüta, maiqmii pumsongkham kra ranaiqtek piwan shat maq wawan ra tlo. Raüta, I jai phan phan wa chang.

John 12:26

Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

Acts 2:45

Tsangshiq raq maiqmii hupchong samchong thun kra shata raüta, kra sha kampho ka, tsangshiq phungtuti liipan na, maiq loweatek ma, jamlai phan niiwa thümlit tlaq, kra tiiphan phan riiphea riinyin raüta sito.

2 Corinthians 12:15

Ngi raq, i jaq na ümchuwa sitlaq tsiiq anyam maq dunghiq wan lata, kiimaq i khum ara kuq lata, namshiq ka tiichhan chhi wan miitu mishoq wanlot ha nguta sitiikang. Riita, ngi raq namshiq atinkhan mangchan tiikang arkha na, namshiq raq ngi ma lungwii tsantsii thü wan ka atiitsap she sha mirwan han?

2 Timothy 3:12

Jurwa Jesuq Khristo wokhong na, kechu rilung siwan miitu shiichaq tlaq, kriiti ka mitiichamchao dongdii ngushat.

Hebrews 10:34

Namshiq ka phaqtek mong na chamchaoti rai adam chamchao wan lan ihata. Kiimaq maiq raq namshiq hup asam thun ka, wiita runho raüta lamhotaq akhing niimin, namshiq raq kra sumrum lan thun ka aninli riiwan lan ihata. Kiimaq tsaiji tran man maq, chochi khiq li silan ihata. Jamkhano chochi lan ngukla, namshiq raq asap han, Shiikeawe raq namshiq ma jamlai wa mikuqha nguta kiqkham kuqtaq kriika, tsiiq nai nyam sum lan kra thaq niimin rahea phan. Kriika, namshiq jaq na asi she. Kriika pattup pat-sa hupsam nguta asap han.

James 2:10

Jurwa tri poshi jintlaq, kriika thungtri wiita jin miishe mija.

Revelation 2:14

Shatmaq, ngi raq namshiq ma tsantiibi chang lam asi: Namshiq phong na Balaam lamphanti maiq asi. Balaam raq Balak ma Israilnok ka ngarai na tiidea chang lam chongkuqto. Krai mren, Balak raq Israilnok ka sumla noq ngam phaq nai sethoq sepii ja ngarai na tiidea baiqto.

Revelation 2:20

Shatmaq, ngi raq namshiq ma tsantiibi chang lam ka ara: Namshiq raq jechak nyung Jejebel ma trahoke miitu kilü dikuq tlan. Apaiq ka arot shammi nyung. Apaiq raq arot bom chongke lümaq, i sengi ka ngarai lam na sheaho tlo. Apaiq raq tsangshiq ka sethoq sepii ngarai lam na tiishon tlo. Kiimaq sumla phra noq ma akuq ngam kra tiiphaqsiq raüta ngarai na tiidea tlo.

Revelation 2:4

Shatmaq tiina, ngi raq namshiq ma tsan tiibi chang lam asi. Tsanbi chang lam ka ara: Namshiq raq man na Phung na shang wan pha na, ngi jamkho lungwii lan ikha, ümchaü ka lungwii man she.