Mark 10:21 - Muklom

²¹ Jesu tinmat wang eq piq chingko náng siin eq batta, “Nang aa ashey dang hun jaksom somlo ching. Ka eq ba lik angin tang shi sangchak eq tangshit miqtang ma kochak u, etho mungtan na nang aa lik angin kap nu; ethi jio nang iji o kaphu.”

ASII LAKDAP Bible (BSI)

²¹ Kiijiishe Jesuq raq apaiq phanü na, mangchan lam maq lii raüta apaiq ma akha chongkuqto, “Ümniiraq phanshi jaqsham chang dea asi shaq li. Ümniika ümjam na jangkikiq. Laüta tachong tsiiq anyam ka wiita asha riilaq. Laüta, kra kampho ka miitsan maiqse ma pheakuq laq. Akha riihaü jiila, ümniika ramungtan na chiithe ma mija haü. Kra laüta, i phana wara. Laüta i jaqshi se miishe jawan laq.”

Hawa Naga Bible 2001

²¹ Yesu rueq piq kuex lawc tvtsuingc ruiux lungwawx vtueq, “Phvnx shiz dvyx shex rax yaq. Mnoz waung vtueq mnoz nuex httax yaq lotlaz kuex shaung vtueq htemc saz jix muex phvlx kuq waung kuiuz, kvkhoc ngoz ruiux jix raungmungx nuex mnoz luiz waungx yaungx tuiux; kvruex yimaq ngvy yix nuex phvnx koq,” ngoz tueq piq muex jungx tueq.

Mark 10:21 Referencias Cruzadas

Matthew 16:24

Ethi jio Jesu aa ujiphantey tang ma batta, “Nim ijam o katma nuk inn jo, nim aa nim ni nim sha shingchak eq ching etho nim bólq sha hol eq iji o qhing ching.

Matthew 19:21

Jesu aa piq ma batta, “Nang khakla angma ta ujo, ka u etho baching na chamtan aa shi sang u etho ngin shi tangshi tang ma ko u etho nang aa mungtan na likti nginsang kap nu. Ethi jio iji phan phu.”

Mark 10:22

Etharin ira tat eq ethi miqwa tha shuru tik angta, etho piq rapney tinjung eq ethiwang qhing chuwang ta chammatakoi piq rapney tanglom miq angta.

Mark 8:34

Etho Jesu aa ethina tongtey miqtang etho ujiphantey tang urelnáng halta etho piq aa ning thima batta, “Nim jaktung wang ashey iji o katma unuk ang ajo, piq ni piq sha lakchak eq ching, etho piq ni piq bólq sha som eq iji o kat ching.

Luke 10:42

Etharin ashey somlot ma tathin u. Mary aa aqhal tal aa etho piq wang ira som chuwan ching ang moq.”

Luke 12:33

Nim pik aa haq tang shi sangchak eq tangshit tangma kotchak inn. Nim nginkhak shi baluk otho po moq ang atha hun inn. Ira mungtan lik angin bara baluk otho kum moq angna etho bari rel o ahut jin ruk thu moq angna etho jongbal eq tho phak moq angna.

Luke 16:9

Etho Jesu aa batta, “Iri rangma nga nim ma batphang: iri mingkang haq wang tanglom tang jamoq karok kara tong inn, etho thaji raa uthun sey ang ajo ning aa nang baluk o tho thun moq ang aa thi him náng cham hal phu.

Luke 18:22

Jesu iri raaq raa tat eq piq thima batta, “Thanga tho nang aa ashey jaksom ching atha tong wey aa. Baching na chamlang tang thaji shi sang ka eq ngin tang ni tangshi tangma phal ko u, etho nang aa mungtan na lik angin kapnu; etho iji phanphu.”

Luke 19:41

Piq ajong samhaq relnáng sey thu atho, samhaq tha siin eq qhapta,

Luke 9:23

Etho piq aa ning thima batta, Utang ijamnáng katma nuk aa sha, piq ni piq sha lakchak eq ching, etho salwet piq bólq sha som eq iji phanching.

John 12:26

Chamtey i sanga ma nuk ajo piq aa i jiji phanching angna; etho nga barina, eshina isanga tang tho ijamoq utong angna. Etho chamtey isanga ang ajo Iwa piq sha rangka eq na.”

John 16:33

Nga iri raaq raa chamma batta phang takoi nim aa nga o nungmay cham kap inn. Mingkang ro nim ma tsamnáng, etharin tin thajong inn! Nga mingkang raa ujin sey táng.”

Acts 2:45

Ning aa lik aa ngin etho tangwang sang eq chamtey ma ràa ajo ning ma kot ta.

2 Corinthians 12:15

Nim raa nong rangma, iràng chamlang atha thaji sha etho nga ni nga raa tho nim ma kot rangma rapney sungrang náng. Nga nim ma rapney tinma taphang eshirangma nim aa nga ma aney tinmat pha nin i?

2 Timothy 3:12

Chamtan miq Khristo Jesu o jaqhal rollung tong ma tathin aa, ning thaji sha tahikham eq na.

Hebrews 10:34

Nim chukna tongtey tsamnang jam shina rok tsamnang tin, nim lik aa ngin sungrang eq tasom tin; chammatakoi nim relna jaqhal etho salwet ang phan alik aa ngin atha ta usam eq tin.

James 2:10

Utang eq thong wang ashey raaq sha tat moq ang ajo piq sha thaji thong tashitey angna.

Revelation 2:14

Etharin nga nang miiksuk eq chamli raaq bat ching, nim wang chamtey eq Balaam tung aa raaq tatat aa. Shilla ma kot aa phaksat tang sha phak eq etho sathuk somlo eq, Israel miqtang ma ngarey tasom rangma piq aa Balak ma batta.

Revelation 2:20

Etharin nga nang sha miiksuk eq iri raaq raa bat phang, nang aa eshi miqnu Jezebel sha tatong u barey piq ni piq sha Shkewa rangsamal ta bat aa, etho i sanga tang ma sathuk tasom ma. Etho shilla ma kot aa tangwang sha phaksat ma tatal eq aja lam náng sol aa.

Revelation 2:4

Etharin nang aa ba phang tinmat tha shingchak tu ta nga nangma uraaq ang phang.