Mark 1:5 - ASII LAKDAP Bible (BSI)

⁵ Judia wang wa nai Jerusalem chela wa, maiq pahea raq, apaiq traho bom chong taikai kito. Kiimaq, tsangshiq raq maiqmii ngarai ka tiidiito. Krai mren, apaiq raq tsangshiq ma Jordan rai na kham lamkuqto.

Hawa Naga Bible 2001

⁵ Yohan rueq jungphvnx yaq kuex tay kay tvkoc Yerusalem ghaqyungx nuiyc Yuda mungx hong wawc miq paunghvlc kaz wuez tueq. Tsuingshiq kuex miqmac mvrax kvjungc wuez koq tueq piq rueq tsuingshiq muex Yodan Ruilx nuex yuix luip kuq tueq.

Muklom

⁵ John raaq tatma thaji Judea mung wang etho Jerusalem samhaq wang miqtang thuta. Ning ngarey tha wungbat ta etho John aa ning ma Jordan jungku o jungthalam kota.

Mark 1:5 Referencias Cruzadas

Tvtsvmc 32:5

Kiijiishe ngi raq ingarai ka ümman na tiidii wan kang; ngi raq ishut iphit thun dam mang riikang. Ngi raq kriithun ka ümman na mitiidii wanha nguta thapthi wan kang, kiimaq ümniiraq ingarai thun wiita diibaiq laü.

TAKSU LAK 28:13

Jurwa maiqmii ngarai, apaü raüta thütlaq, kriiti ka arilung na, achu shiiman ahü miraq. Shatmaq jurwa maiqmii mra ka, atiidii raüta miimthü tlaq, kriiti ka Shiikeawe raq, mangchan mitiichhikuq.

Matthew 4:25

Nokmaiqse kong phong ka pahea pahea, Gelili wang wa, Chela Roqshi thun wa, kiimaq Jerusalem wa, Judia wang wa, kiimaq Jordan rai maq shedong nü wang wa aki rai thun kriiraq, Jesuq jai ka phan shiiphan maq khum wan damto.

Mark 1:4

Riita, ara chongtaq arai mren, Johan raq kumtsaiphii maq maiq ma, kham lamkuq wanto. Kiimaq tra hokuqto. Apaiq raq, “Namshiq ka ngarai lam wa jang ronglaq. Lanta kham lam ronglaq. Raüla, Shiikeawe raq namshiq ngarai ka adii mirkuq,” nguta trahokuqto.

Mark 1:6

Johan raq apaiq miirii ka kumtsong bin maq ataq khea samto. Kiimaq achhü niika ngamkhü shinket pato. Kiimaq apaiq dung ka kupchi nai ngiqngu phaqsiq raüta sito.

John 1:28

Johan nai tsasoqti nok liipan na, ara bom riiwaisotaq arka, Jordan rai maq shedong nü na, Bethani hiq na, Johan raq mungmaiqse ma kham lamke chang ba kriimaq riibomto.

John 3:23

Johan riimin Salim hiq shong tho na Ainon hiq maq nokmaiqse ma kham lam kuqto. Jamkhano ngukla, kiijaq kham ka chamtraq asi. Nokmaiqse thun ka apaiq phana kito. Krai mren apaiq raq tsangshiq ma kham ka lam kuqto.

John 5:35

Johan traho bomchong ka namshiq ma wanii tu. Kra tai lanta namshiq ka chochi wan lan ihata. Namshiq ka bala shi se miitu, apaiq bomchong walü li na siwan lungwii lan ihata. Lanta chochi lan ihata.

Acts 19:18

Kra chhi raütiishe phunainotiim phong wa maiq pahea raq, tsangshiq raq kiikhiinok ngarai tang wantaq thun kra, wiita nokwe man na linham linhok mra tiidii wanto.

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

James 5:16

Kriikha maq, namshiq ngarai thun ka weshi raq weshi ma tiidii rong laq. Kiimaq weshi raq weshi miitu, achu jaü kuq rong laq. Kra riihan jiila, namshiq tsisi kriimin mitiihea kuq. Maiqshaqti raq achu jaü ka ningkun ajong tiidoq ra miraq.

JOSHUA 7:19

Kiijiishe, Joshua raq Achan ma, “Ise Achan lei, ümchaü min chonglaq, Tatiwe, Israilnok Shiikeawe man na, tengteng chonglaq. Kiimaq üm mra ka tiidii laq. Ümchaü ngi ma chonglaq, ümniiraq jamlai wa riilaü? Ümniiraq ngi ma naq paükiq,” nguta waito.