Biblia Todo Logo
La Biblia Online
- Anuncios -




Mark 1:15 - ASII LAKDAP Bible (BSI)

15 “Akhing ahea saüto she. Shiikeawe mungtan ka aje niishe! Ümchaü sanha, namshiq ngarai lamphan kra baiqthü rongliishe. Lanta Tsütsa Ahea kiima kam wan ronglaq!”

Ver Capítulo Copiar

Hawa Naga Bible 2001

15 Vpiq rueq, “Kvruex vkhing hungx wvnc yaq nuiyc Tishox Mungtan kuex nyek wvnc yaq shex. Nuimshiq mvrax htenc kvwawc kvroz wvnc yek vtueq Thuix Thaungx Vhvlx kvjaz muex kvmx wvnc kuinz!” ngoz tueq jungx tueq.

Ver Capítulo Copiar

Muklom

15 Piq aa batta, “Rangham tha uthok sey angta pha, etho Shkewa mungtan rapney arel halna sey! Ngarey wang wel inn etho tungtang aqhal raaq ri kam inn!”

Ver Capítulo Copiar




Mark 1:15
17 Referencias Cruzadas  

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.


Ara bomtsi ara ümtsan na samhea tiitsang shaq laq. Laüta liichum ka tak laq: Jerusalem chela kra tiihea haiwan miitu, aming tat tlaq kra akhing maq phawan raüta, Shiikeawe raq asengi sheati wela weshi shong wan tlaq kra akhing na saüli ka, jang miishishi maq wiimiishi kra milea wan. Kra akhing leawan jai miishetiq, Jerusalem chela ka mitiihea hai wan. Chela mong wa lam thun nai chela trotam maq kiitelong ruk thun kra thepthep atang tingsang she mitiihea hai wan. Raüta kriika jang miishi maq wiiroqtrok ri wiinai misi wan. Shatmaq kra akhing bala ka pinthum litkot chamchao akhing miraq.


Kirong laq. Lanta, ‘Ramungtan ka aje niishe!’ traho kirongkiq.


“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”


Kra akhing miiphat sanha, Jesuq riishe nokmaiqse ma trahoke wan jaqsham ka akhiishe phahoto: “Namshiq ngarai lam phan wa jang wan ronglaq. Jamkhano ngukla Ramungtan ka aje niishe!”


‘Liirong laq, naishiq hokphi na akop botkhulai ara dongdii min, jai nü na naübaiq thü tiikai. Arka namshiq ma manson miishe mija wan. Shiikeawe Mungtan ka namshiq thoniishe saükito!’


Lanta, kra chela na maiq atsi asiti sitlaq kra tiihea kuq ronglaq. Lanta tsangshiq ma, ‘Shiikeawe Mungtan ka namshiq thoniishe,’ nguta chongkuq ronglaq.


Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.


Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.


Riita, ümchaü, shammibi raq waiqthütaq kra lümaq tengteng bomtsi ka wiitarü man na, linkuq wanto she. Kiimaq pattup pat-sa Shiikeawe aming maq, maiq mung thun wiita na tiitai kuq wanto she. Kriika tlotli mikam wanlaq nguta, kiimaq apaiq aming ka milang wan laq nguta kuqto.


Shatmaq, riikhaqli akhing aten she saü wan kiita, Shiikeawe raq, apaiq ma Ase shaq kriishe tiikito. Apaiq ka mangjong han-ngam na, maiq nyung ashi wok na, maiqse ma pokito. Kiimaq Jehudinok Thungtri wokhong na si raüta, jonglu wanto.


Ara Shiikeawe raq sürii wanto kiimung jonghea jaqsham arka, akhing saüto she angu na, ra nai hiq phansang wantaq thun kunkun ka Khristo wokhong niishe mikiinong kuq wan. Khristo riishe phanrap ka mirüm wan.


Ara miitu, Khristo Jesuq raq, apaiq miisaq ka honglu na kuq raüta, maiqse angu wiita ngarai kharü mong wa dokdaa wan miitu tsaito. Apaiq raq arilung ka honglu na kuq raüta, akhing riikhaqli na tsaito. Arka Shiikeawe raq mangjong maiqse kunli ka tiichhii wan ro tlo dea, nguta hakhi.


kiimaq akhing riikhaqli na apaiq raq kra apaiq tsütsa bomtsi na tiichhikuqto. Riita ara Tsütsa ara chongke arang ka ngi ma kiinong kuqto. Kiimaq ngi raq ara bomtsi ka Shiikeawe nashiq Chhiitiwe aming maq chii riim lata chongkuq tiikang.


Síguenos en:

Anuncios


Anuncios


¡Síguenos en WhatsApp! Síguenos