Luke 9:23 - ASII LAKDAP Bible (BSI)

²³ Kiimaq apaiq raq tsangshiq tarü ma chongkuqto, “Ashi ra raq ngi rai wadam lungwii tlaq jiila, apaiq raq maiqmii khum ka alaq riibaiq ra tlo. Raüta, maiqmii pumsongkham kra ranaiqtek piwan shat maq wawan ra tlo. Raüta, I jai phan phan wa chang.

Hawa Naga Bible 2001

²³ Kvmaq vpiq rueq tsuingshiq lotlaz muex jungx tueq kuex, “Ngvy yix nuex phvnc naungc roc jix ukhaq yuq muinz miqmac shauk gvnz tvkoc lvlc gay ruiux, miqmac yauk juinc bulx kuex wvraungx nuiyq tek pix vtueq ngvy yix nuex mphvnx naungx phueq.

Muklom

²³ Etho piq aa ning thima batta, Utang ijamnáng katma nuk aa sha, piq ni piq sha lakchak eq ching, etho salwet piq bólq sha som eq iji phanching.

Luke 9:23 Referencias Cruzadas

Romans 8:13

Ara jamkhano chong tiikang ngukla, namshiq rilung ka, han-ngam tiima tsantsii raq jamkho thaü tlaq, kra phanphan la shongnga han jiila, namshiq ka kamto mitsai han ngushat. Shatmaq, namshiq khum na ngarai jaqsham thun ümchuwa sitlaq kra, namshiq khum na Asii Wenyi sitlaq kra ningkun maq, wiita thumthum, tsatbaiq wan han jiila, namshiq ka atra misi han ngushat.

Colossians 3:5

Namshiq raq namkhum na ara mangjong han-ngam ramho raq jamlai jaq wa shamtlaq thun kriika atsea baiq raa dongdii she. Kriika arthun ara: sethoq sepiija, ashe ashi riinyatshat, sükha, abi ati kiimung, kiimaq shakaq tsii, (arka sumlanoq ngarai tang) thun ara riito.

2 Timothy 3:12

Jurwa Jesuq Khristo wokhong na, kechu rilung siwan miitu shiichaq tlaq, kriiti ka mitiichamchao dongdii ngushat.

Titus 2:12

Kra kaphap mangchan khoqramkii lümaq, nashiq ma, kechu maiqse rilung siwan miitu ningkun kuq tlo. Laita mangjong ngarai han-ngam tsii kharü mong wa dong wan miitu, ningkun kuq tlo. Laita, nashiq raq stiq skhaq rilung, tingting rilung, kiimaq Shiikeawe ma kiinong kuq laita asii ngamrea rilung siwan miitu ningkun kuq tlo.

Hebrews 13:13

Riita, arkha maq, ümchaü sanha, nashiq min apaiq pha na chii phai na kilaita, apaiq raq maiq thoda howan raüta tsaitaq kra, nashiq riimin riisha howan dam rong i na.