Luke 9:22 - ASII LAKDAP Bible (BSI)

²² Kiimaq, apaiq raq tsangshiq ma akhri chongkuqto, “Maiq Se ka pinthum chamchao chang dongdii. Kiimaq welabi raq nai ramwe jongbi raq, kiimaq Thungtri shrinketibi raq shleq baiq chang dongdii. Apaiq ka atsea mirbaiq. Shatmaq, apaiq ka ranaiqtsam ngo jai maq, atra hali mitiidong wan nong.”

Hawa Naga Bible 2001

²² Vpiq rueq tsuingshiq muex jungx tueq kuex, “Miq Saz vruex kuex vkuilc vdaz phvnx ruip saz rvhumc vtueq walaungx bix nuiyc shomc waz bix, Tvrac tvluingc waz hez rueq tvdux gay vtueq thvt gay shuex. Vpiq kuex tvthueyc laz thvt gay shuex, yuq muinz raungnuiyq thuimx ngoc yaungc nuex yuing kvtenc wvnc tuex,” ngoz tueq.

Muklom

²² Piq aa ning ma batta, “Miqna Sa shima tsamnang ukap eq ching etho miqlang tang, ajong tingwa tang etho thong tataltey tang aa piq sha chik eq ching, etho piq sha tatik chak na, etharin saltom o piq sha rollung náng wey lunna.”

Luke 9:22 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

Matthew 17:12

Shatmaq ngi chongpha. Elija ka asaü kaiwi she. Shatmaq mungmaiqse raq apaiq ka juwa sapmak dea riito. Tsangshiq raq apaiq ka shumii laqpii li shiinüm shiinai li haihii wanto. Kiikhiisii hali tsangshiq raq Maiq Se ngutlaq kriimin shiinüm shiinaili mihai hii.”

Matthew 17:22

Ajaqshisetiim ka wiitarü Gelili hiq na riitam jai she, Jesuq raq tsangshiq ma chongto, “Maiq Se ngutlaq ka maiqjaq khon mong na kebaiq wan akhing she saü wato.

Matthew 27:63

Raüta apaiq ma akha chongto, “Mungtu we le, naishiq tsan na ümchaü man tiitsangshat. Kra arot we kaü kriiraq, apaiq ka atra sicho ji na, ‘Ngi ka ranaiq tsam jai maq ama wa atiidong mirwan nong’ nguta chongto.

Mark 8:31

Kiijiishe, Jesuq raq ajaqshisetiim ma tsii ka akhiishe chongkuq hoto: “Maiq Se ka pinthum chamchao ra dongdii. Kiimaq welabi, ramwe jongbi, kiimaq Thungtri shrinketibi raq apaiq ka mitiishaü baiq. Apaiq ka atsea mirbaiq. Shatmaq, ranaiqtsam jai maq apaiq ka adong mirwan nong.”

Mark 9:31

Jamkhano ngukla, apaiq raq ajaqshisetiim ma tsii chongke chang riito. Apaiq raq tsangshiq ma chongto, “Maiq Se ka maiqjaq mong na mikuq baiq. Tsangshiq raq apaiq ka atsea mirbaiq. Shatmaq, apaiq ka ranaiqtsam jai maq, adong mirwan nong.”

Luke 17:25

Shatmaq, apha na apaiq ka pinthum chamchao litkot walü mong maq lea wan chang miraq. Kiimaq ümchaü pat wa maiqse raq, apaiq ka ashleq mirbaiq wan.

Luke 24:26

Riita, Khristo riika, arthun chamchao walü mong maq lun wan chang dongdii miraq ngutiika sapphaq man dea sha: Raüta, apaiq ka apaiq chhainyii ajong rilung kra lap wan chang dongdii nguta sap man sha riilan?”

Luke 24:44

Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

Luke 24:7

‘Maiq Se kriika ngarai maiqse jaqkhon mong na kebaiq wan chang dongdii. Raüta, pumsongkham na mitübaiq wan. Kiimaq ranaiqtsam ngojai niishe, apaiq ka atra she mitiidong wan nong’ nguta chongkuqtaq ira tsan na tiitsang shat khata.”

Luke 9:44

“Ara ümchaü ngi raq namshiq ma jamlai bom wa chongkuq tiikang arka, namshiq raq tsan na tiitsang dada lanta, shaq ronglaq! Maiq Se ka ümchaü maiqjaq khon mong niishe mikuq baiq,” nguta chongkuqto.

1 Corinthians 15:4

Ara Asii bomtsi na waiq thütaq kra phan phan, apaiq ka amaa lap thüto. Kiimaq apaiq ka amaa wa ranaiqtsam jai maq, atra she tiidong wanto nguta Asii bomtsi na chong tlo.

1 Peter 1:11

Tsangshiq riika ara kupi wan akhing ranaiq ka ümtincho wa miraq, kiimaq arka jamkhiiwa miku pi wan, kriithun ka wiita sap lot haijaq nguta shiichaq sidi wanto. Khristo Wenyi tsangshiq shammibi khum na tiipum raüta phanchan kuq wantaq ka, ara chongtiikai ümchaü kupi wantaq akhing ranaiq arshe riito. Kra tiithai kuqtaq bomtsi ka, Khristo ka pinthum chamchao riihum wan chang miraq nguta chongto. Kra chamchao walü lea wan lot raütiitiq, apaiq achai anyii khushü ka jonghea mijong wan nguta chongthüto.