Luke 8:44 - ASII LAKDAP Bible (BSI)

⁴⁴ Apaiq ka maiqphong mong maq, Jesuq jai kiina wato. Raüta, Jesuq samtong jong ni na ajaq maq shamsaq shamto. Krai mren, atiijai dong tsi kiimin heakisaq heakito.

Hawa Naga Bible 2001

⁴⁴ Kvruex yalxjuik nyuiuz kuex Yesu yix nuex phvnx wvnc naungx vtueq vpiq svmhung nac nuex kvtuingc koq tueq piq tvguiy dungc kuex suingx wvnc tueq.

Muklom

⁴⁴ Piq miqtang jaktung thináng thu eq Jesu ji kona piq aa ukhat bal tha lota, etho piq tahi kat tha tatáng sey angta.

Luke 8:44 Referencias Cruzadas

DUNGWVNC 15:26

Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Matthew 20:34

Jesuq ka tsangnai ma mangchan tsito. Kiimaq tsangnai mak na jaq maq shamto. Krai mren tsangnai mak ka tiidoqra she heakito. Kiimaq tsangnai riimin Jesuq jai she phan wan damto.

Matthew 8:3

Kiijiishe, Jesuq raq ajaq maq atsiti we dü na ashamho lam maq, “Ngi raq ümniika chhiijiike rotiikang! Ümchaü li heakikiq,” nguta apaiq bom ka treto. Krai mren, apaiq thatsi ka heakisaq li heakito.

Matthew 9:20

Maiq nyung ashi ka akhing khing na tiijai dong tsi raq chamchao raitlo. Apaiq ka akha wiiroqshi ri wiinai she chamchaoto. Kra nyung ka Jesuq jai nü maq dongchhaq raüta, Jesuq raq samtlaq samtong jong kaü kiijaq ajaq ma shamsaq shamto.

Mark 6:56

Krai mren, Jesuq ka hiqshong thun na, chela thun na, kiimaq wakram thun na wato. Apaiq ümbano saü wantlaq kiijaq, nokmaiqse raq, atsiti thun kriika, kejat tang chang ba na sheahoto. Raüta, apaiq nangnga akheani se na jiimin tiisham laq, nguta tiipaiqneato. Kiimaq atsiti ümchuro, apaiq raq samtlaq samtong jong ni na, jaq maq sham laptaq, kriiti thun ka wiita tiihea kuqto.

Luke 13:13

Krai mren, apaiq raq ajaq ka atsiti nyung dü na shamto. Kiimaq atsi ka heasaq, tliitat heakito. Kiimaq apaiq raq Shiikeawe kiishe tiitsam kamto.

Luke 7:38

Apaiq ka Jesuq jai na chapto. Raüta, amakphai ka rajun wa ikha hoqsiqto. Amakphai sa raq, Jesuq hokphi ka jobai she riito. Apaiq raq, Jesuq hokphi kra akhudap maq tiiwe tatkuqto. Raüta, anü maq shupto. Kiimaq homseng tai maq, Jesuq hokphi ka jut kuqto.

Luke 8:43

Kra maiqphong mong na, wiiroqshi ri wiinai she, tiijaidong tsi raq chamchao raiti, jechak nyung ashi min asi riito. Krii nyung raq ajaq na kampho lakshii ümchuwa sitlaq kriika taktot maq ma wiita sumto. Shatmaq, apaiq thatsi kriika jurmin tiihea kuqlot mak riito.

Luke 8:45

Kiijiishe Jesuq raq, “I dü na juro sham lan?” nguta waito. Kra tai raüta tarü raq sapmai nguta treto. Kiimaq Petar raq, “Shrawe maiq phong raq ümniika trotam maq tiichop wantaq ahata,” nguta nguto.

John 5:13

Shatmaq, atsi wa aheaki we raq, Jesuq ka juwa, kriika sapmak dea. Kra akhing bala kiijaq maiq phong ka pahea riitsap riikhat asi riito. Nokwe phong mong maq Jesuq ka ahin niishe lat hoto.

Acts 19:12

Paul raq akhupo shat chang samtlaq phaqchetsetiim nai jaqsham lam maq achhü shat chang kheachüsetiim thun kra lamho raü raüta atsi asiti khum na tiiweho kli dongdii min, atsi asi ka tiidoq mra hea tlo. Kiimaq abi shinrii thun ka wiita tsangshiq khum wa juho tlo.

Acts 5:15

Kiimwebi raq awang chang nai amao chang jaqsham tlaq kra chhi raüta, atsi asiti maiq pahea piho raüta, changdü na nai damsii na tiikon raüta, lamkii tho na tiibum tlo. Kriika, Petar khum raüjaq, apaiq tsaiji nyam raq jiimin, tsangshiq atsiti dü na miham dam laq nguta tiima raüta tiibum wantlo.

TRI CHONGKE 22:12

“Ümkhea ni siimblai wiita na khea bun setiim railo kra chhanglaq.