Luke 8:43 - ASII LAKDAP Bible (BSI)

⁴³ Kra maiqphong mong na, wiiroqshi ri wiinai she, tiijaidong tsi raq chamchao raiti, jechak nyung ashi min asi riito. Krii nyung raq ajaq na kampho lakshii ümchuwa sitlaq kriika taktot maq ma wiita sumto. Shatmaq, apaiq thatsi kriika jurmin tiihea kuqlot mak riito.

Hawa Naga Bible 2001

⁴³ Kvkaq wawc 12 tvguiy dungc jix nyuiuz shiz kuex piq rueq vlvp luz tsak vnyvmx htenc htumx laz maq phumz shuimc jix muex tvtsiq kv-phemc ruiux muinz tvhvlc kuq lot muq.

Muklom

⁴³ Ethi tang waan tho miqnu ashey angta. Piq ma pang asi pang ni wangduk tahi hol taksa angta. Piq lik aa ngin angta tha piq taksa rangma taksa siintey tang thima kota, etharin utang eq tho piq taksa tha jin taqhal moq angta.

Luke 8:43 Referencias Cruzadas

2 KAÜWA WERAÜ 16:12

Asa ka hokham jawan li maq rawii roqtsam ri wiitiikaü she angu rawii na ahok na thatsi tsibiti kop raüta akii ashii she chamchao wanto. Shatmaq apaiq ka Tatiwe wokhong na jang wan raüta apaiq jaq wa khrum jaü mak she riito. Shatmaq phumshra phaniili athatsi ka tliikitlo.

YOBA 13:4

Namshiq riika maiqmii raq jamlai wa sap man; kriika arot akiq bom maq tiinyea jut lantea chongtlan; namshiq ka maiq thatsi tiihea kuq tsü mak taktotbi ikha.

Tvtsvmc 108:12

Naishiq ma re ka tokuqlaq; maiqse raq akhrumkuq ka taimak.

ISAIA 2:22

Maiqse han-ngam miika naq kamsiq rongkiq she. Tsangshiq thü ka asi shea?

Mark 12:44

Ara jamkhano chongtiikang ngukla, nanok ahinti thun riika, maiqmii win naü rii li kuqto. Shatmaq, ara miitsan nyung riika, chonkhi laqli se, apaiq ma tsiiqchong nyamchong athü, apaiq tsitsü paq chang raüpaq kriishe kuqto.”

Mark 9:18

Atsi adong bala ka, tha raq no ka hiq na tiikü miilii liiq baiqtlo. Raüla, anü maq atho wum she dong tlo. Kiimaq arong awi tiichit watrang liishe bumki tlo. Kiimaq ahan ka wiipumtam, pepan ikhiishe tsindang lakok laki tlo. Ngi raq ümjaqshisetiim ma, tha ka jokuq ronglaq nguta, tiipaiqnea kang. Shatmaq, tsangshiq raq jokuqlot mak riito!”

Luke 13:11

Maiqnyung ashi kiimin kiijaq asi riito. Apaiq ka thabi winji raq akaq, wiiroqshi ri wiitiichat she atsi chamchaoti nyung. Arairii ka akong kaiwi she. Kriikha maq, apaiq ka maiqhea ikha rusansan chap raüta, khumlot mak.

Luke 13:16

Riita, ümchaü ara Abraham lai maiqnyung ashi, Thawe raq wiiroqshi ri wiitiichat kharü maq kha raüta tiichamchao wanto. Apaiq kra tiq sha, Asii Niitiitsak ranaiq na kharü mong wa tiidong ra mak ngutlan?”

Luke 8:27

Jesuq ka takii na satkai ri, maiq weshi kra chela na siti, abi winji raq arom wan we rai riihumto. Kriiwe ka luhea she kheahü maq sito. Kiimaq jam niimin simak maq, malap chang longsha thun kiiniili sitlo.

Luke 8:42

Apaiq raq akha tiipaiqneataq kriika, ase, jechakse, seshi laqlaqse, wiiroqshi ri wiinai maiq kriika, tsihea langlang, tsaija chhunja riito. Kriikha maq apaiq ka tiipaiq neato. Krai mren, Jesuq ka apaiq rai wadam akhum she riito. Kra akhing na mungmaiqse ka apaiq trotam na riitsap riikhat riiphong rai wanto.

Luke 8:44

Apaiq ka maiqphong mong maq, Jesuq jai kiina wato. Raüta, Jesuq samtong jong ni na ajaq maq shamsaq shamto. Krai mren, atiijai dong tsi kiimin heakisaq heakito.

John 9:1

Jangshi Jesuq ka lam na awarai riito. Akhum lam maq apaiq raq maiq weshi, anyung pukdong makchuk we kra chhito.

John 9:21

Shatmaq, ümchaü naise mak arka juro tiihea kuqtaq, kiimaq kriika jamkho tiipiiq kuqtaq, kra bom riiwe kla nainai anyung nai awe riimin sap mai. Kriika apaiq ma wai rong laq. Apaiq ri maiqla she. Namshiq ma apaiq raq michong kuq lot!”

Acts 3:2

Kiijaq, Shomjam rinkea na Shomjam ruk kilamda ashi asi. Kra Kilamda mang ka Atsomwiq Kilamda ngutlo. Kra Kilamda tho na, maiq weshi akü we asi. Apaiq ka anyung pukdong akü dongdii riito. Apaiq ka wranaiqtek anok raq piho lili raüta, Shomjam na wati jaq wa kampho bamhi phaqsiq laq nguta, Kilam chong na tiinga thüho lili riitlo.

Acts 4:22

Riita, ara chongtiikai, Shiikeawe raq awang chang jaqsham raüta, athatsi tiihea kuq tiiwe kriika, wiiroqblai pat maiq riito.