Luke 8:13 - ASII LAKDAP Bible (BSI)

¹³ Tsamlai longrong hiawia na arokti ka ara. Maiq ümriiti riiwa Shiikeawe bomtsi ka tai raüta, chochikhiq maq lang tlo. Shatmaq, tsangshiq tsan na arang ka atsaü maq cham mak dea. Tsangshiq kam- tsantsii ka jaqlose miitu li sitlo. Krai mren, maitai chamchao akhing saü tlaq ranaiq na, tsangshiq kamtsantsii ka achhan riiwan tlo. Kriiti ka tsamlai longrong hiawia na arokti maq shiiton tlo.

Hawa Naga Bible 2001

¹³ Lung ghaq htauk nuex vdvy vlix htenc kuex bomjungc kuex tay vtueq vkoz vkez thuinz lvp wvnc jix ngoc rvtueq. Yuq muinz tsuingshiq nuex vruingx waungc muq ningkhvnc nuex hvlwvl shiz saz dvyx kvmluimx ruiux, taruiyx rvhumc vkhing nuex tsuingshiq kuex thuinz kvlayc wvnc yek jix ngoc rvtueq.

Muklom

¹³ Longkit náng qhatta tha irimal miq, bara raaq tat eq sungrang eq han aa. Etharin uchíng sha haqmong náng wang moq; ning aa chomwey rangma han aa, etharin ning tari ma rangham thu ajo, ning eshiwang qhat aa.

Luke 8:13 Referencias Cruzadas

YOBA 19:28

“Naishiq raq apaiq ka jamkho mitlit kot?” nguta ngulan kha na jomto. Namshiq raq ngi longliiq miitu lampu rit lan.

TAKSU LAK 12:12

Abi ati maiqse riika, ashut kiimung kli klotlo. Shatmaq kechu maiqse ka, pharang rang sitlo.

TAKSU LAK 12:3

Ashut jaqsham riika tiiwong kuq mak, Shatmaq kechu maiqse ka pharang rang sitlo.

ISAIA 58:2

Tsangshiq raq Ngi ka wranaiqshe shomnoqtlo. Raüta tsangshiq ka pinthum ilam phan thun kra sap wan miitu kiimaq itri raütu kra lang wan raüta siwan miitu shiikut chaq tiikai nguta tiitsakiq siqtlo. Tsangshiq raq ngutlo Ngi raq tsangshiq miika riikhaqli tingting tri raütu kli kuq raüjaq ahea miraq. Kiimaq tsangshiq raq Ngi shomnoq lam maq kai khoqriiqtiikai nguta tiitsakitlo”.

EJEKIEL 33:32

Tsangshiq ma ümniika ngojo shikuq raüta nokwe shiipeotiwe ikhli, riimakla tororan atsükuq ikhli taitlo. Tsangshiq raq ümbomtsi ka wiita taitlo. Shatmaq tsangshiq raq poshi rase dongdii min lang mak.

Hosea 6:4

Shatmaq Tatiwe raq ngutlo, “Ephraim nai Juda lei, Ngi raq namshiq rai riibom chang asi sha? Namshiq raq ngi lungwii tlan ka, ranap phumda pan wan tlaq ikha, Ranap bangkham ka, rakii raüjaq wesaq weki tlaq ikha.

Mark 6:20

Herod raq Khamlamketi we Johan ka, mitting maiqse kiimaq kechu maiqse dea ngutiika asap. Krai mren, apaiq ka Johan ma ahaisi ka asi. Kriikha maq, apaiq raq Johan ka phaqtek na, tiiwong kuq shatmaq maq shaq raüta thüto. Apaiq raq Johan traho bomchong kewan kriika tairo tlo. Shatmaq, tai tlaq tek na, atsan mong na kai kotsirak wan lili riitlo.

Luke 8:12

Tsamlai lamjong na arokti ka ara; Kriika maiq ümriiti riiwa Shiikeawe bomtsi ka tai tlo; shatmaq tsangshiq raq Shiikeawe ma kam raüta tiichhii wan jiiq nguta, Thawe raq Shiikeawe bomtsi achongkuq kra, tsangshiq tsan mong wa akhot riibaiq tlo. Raüta tsangshiq ka Shiikeawe bomtsi ma tiikam mak, tangta baiq tlo. Raüta tsangshiq ka tiichhii wan lot mak she riitlo.

Luke 8:14

Tsamlai wiijam kiimko rang babaiqhü ba na arokti ka ara. Maiq ümriiti riiwa Shiikeawe bomtsi ka taitlo. Shamtaq, mangjong han-ngam miitu chapa tlaq kriiraq, kiimaq tsiiq nai nyam ma ranphan tlaq kiimaq mangjong han-ngam peo lam phan tiima tsantsii kriiraq kaqhotlo. Raüta, tsangshiq kamtsantsii ka tsingo mak bikitlo. Kriiti ka tsamlai shuk cham mong na arokti maq shiiton tlo.

John 15:2

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.

John 15:6

Juwa i dü na chamshat maq simak, kriiti ka, spiqraü chong wa akü ako ka adaq riibaiq tlaq, ikha, adaq mirbaiq. Raüta, ashin mirki. Kiimaq kriithun ka, adam na riichom phong raüta, wacha mong niishe michaq baiq.

John 5:35

Johan traho bomchong ka namshiq ma wanii tu. Kra tai lanta namshiq ka chochi wan lan ihata. Namshiq ka bala shi se miitu, apaiq bomchong walü li na siwan lungwii lan ihata. Lanta chochi lan ihata.

1 Corinthians 13:2

Ngi ka kamasham na ama maq siti, maiqse tsantsii ka tiinin lili chang, traho bom chongke min milot ha sham. Kiimaq phanrap apaü arthü bomtsi thun kriimin misap ha sham. Kiimaq i kamtsantsii jong ka, ku akin kriimin tiime lili chang khan min misi sham. Shatmaq i tsan mong na lungwiitsii ahü jiika, ngi ka thiihü miraq.

1 Corinthians 15:2

Riita, arka ngi raq namshiq ma Tsütsa Ahea chongkuq wan kang kra. Namshiq ka tsapkapkap maq Tsütsa Ahea kiima kam lanta si ronglaq. Raüla, namshiq ka mitiichhii wan. Shatmaq, namshiq kamasham ka riikhaqli awongsii riimak jiika, tiichhii lot man mirhan.

Galatians 3:1

O anginok Galatiati lei! Namshiq ka juro mokmohota? Namshiq raq Jesuq Khristo ka pumsongkham na dea tsaito nguta, samhea wiq asap han.

Galatians 3:4

Riita, namshiq raq ümtinkhan wa, akaiq ake thaq maq lea wan lan, kriika hiqtili niili she sha mokita? Jamkhii riita jiimin, kriika namshiq ma athii ka asi miraq!

Ephesians 3:17

Kiimaq, Jesuq Khristo raq namshiq kamtsantsii rüm tlan kra lümaq, namshiq tsan nai mongjii ka, apaiq sichang jam ma mitiija laq nguta, ngi raq achuli jaü kuq tiikang. Namshiq rilung na, phanrap jaqsham kaiwa ka, Shiikeawe ma nai maiqse ma lungwiitsii rüm tlan kra thaq na, arang tiicham tlii maq sham ronglaq.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.

Colossians 2:7

Namshiq rang ka apaiq khum na atsaü maq cham rong laq. Kiimaq namshiq rilung jam ka apaiq khum na hai rong laq. Lanta namshiq ma jamkhiiwa tlang kuq wan kai, kiikha kamasham na ningkun ajong maq si ronglaq. Lanta tsan na kechutum aliim alei miili si ronglaq.

1 Thessalonians 3:5

Arningkhan tiina, ngi raq Timothi ka namshiq liiwa, tiiwa kang. Ngi raq namshiq miitu chapa tsi ka ninlot mang she riilata, apaiq ka namshiq kamasham ka jamkhiiwa kra, tho tlap wa nguta, tiiwa kang. Ngohea shaqshaq dea, namshiq ka thawe maitai na dea man sha, kiimaq naishiq raq ümtinkhan wa jaqsham wankai ka, atu niika moki mak ahiq na, nguta tlii wa tiiwa kang!

1 Timothy 1:19

Kiimaq ümkam tsantsii ka pharangrang maq thü wan lili riilaq. Kiimaq ümnaq tiima tsantsii ka khangriri, siirairai maq thü wan lili riilaq. Phungmaiqse wiijamti raq tsangshiq ma, maiqmii tsan mong na jamlai wa tiido tlaq, kra maiqmii tsaiji bomchong taimak maq, tlea raüta, ajiq lam phan wanto. Kriikha maq, tsangshiq kamasham rilung ka ashthen riibaiqto.

Hebrews 10:39

Shatmaq, nashiq ka jai na janghoti, raüta tsailam phanhoti ka riimai. Shatmaq, kamtsantsii rümti setiim nguta sitiikai. Kiimaq, Shiikeawe ma kamtiikai. Krai mren, nashiq ka apaiq raq tiikhup wongkuq shat maq sitiikai.

James 2:26

Riita, ara chongtiikai arai mren, Phungmaiqse ashi raq, kamtsantsii ka rümtiikang ngu raü, apaiq raq ajaq sham maq tiichhikuq mak jiika, apaiq raq rüm tlaq kamasham kriika achhii, awong ka ahü. Kriika maiq maa ashi bumrai tlaq ikhli miraq.

2 Peter 2:20

Ara ngarai khamchum mangjong hiq na riitsam nyiim tlaq ara mong wa maiq tiichhii wan tlaq kriika, tsangshiq raq nashiq Tati kiimaq nashiq Chhii wanti we Jesuq Khristo ma kamwan raüta tiichhiitlo. Shatmaq, tsangshiq ka man na jamkho siwan taq kiikha rilung lamphan achü na hali jangho nong raüta, tsangshiq hanho phara ngarai rong arai kharü mong na thongshi ri hali jangki nong raü ka, tsangshiq rilung ka Phung na mishang shaq na sitaq kra nam ma tiimiqchup naolaq she miraq.

2 Peter 2:22

Tsangshiq ma mra pin wantaq kriiraq taksu bomtsi na chongtlaq ka tengto dea nguta hong wato: “Hi kaü riika, aphai da kra hali mesiq ki nongtlo.” Kiimaq, “Waq kaü ka kham maq ajii tiiheke jai, jangphat boqtham chum na hali bumki nongtlo.”

1 John 2:19

Riita ara chongtiikai Khristo ma wesang raliibi thun arka, apha miiphü nashiq rai tushi niika sidam mak dongdii. Kriikha maq, tsangshiq ka na tu mong wa pong na tiichiiq raüta pong lamphan na kihoto. Tsangshiq ka nashiq ngam napti dongdii ngu raü ka, nashiq rai adam na riitushat maq misi dam wa. Nashiq tushi wa tsangshiq ka pong na tiichiiq raüta kihotaq kra, tsangshiq ka nashiq rai tushi na sidamti ka riimak dea nguta tiisap shat mirlaq nguta ngo maq pong na khüphiiq niishe tiichiiq raüta kihoto.

Jude 1:12

Tsangshiq arka namshiq Phungmaiqse rintii riitam nga tlan na, shakaq sükhatam kong. Maiqmii wok triim phaq miituli sitlo. Tsangshiq arka phumlü da, rahai raq rawang win na pan rai tlaq ikhli sitlo. Tsangshiq arka rajun kham ahü, phumlüda tam ikhli. Tsangshiq ka atsi ahü pechong ikhli. Atsicho niimin tsihü li siwan tlaq ikha. Tsangshiq arka, pechong arang chong maq babaiq jeshe ikha, atsai kaikun she.