Luke 8:13 - Hawa Naga Bible 2001

¹³ Lung ghaq htauk nuex vdvy vlix htenc kuex bomjungc kuex tay vtueq vkoz vkez thuinz lvp wvnc jix ngoc rvtueq. Yuq muinz tsuingshiq nuex vruingx waungc muq ningkhvnc nuex hvlwvl shiz saz dvyx kvmluimx ruiux, taruiyx rvhumc vkhing nuex tsuingshiq kuex thuinz kvlayc wvnc yek jix ngoc rvtueq.

ASII LAKDAP Bible (BSI)

¹³ Tsamlai longrong hiawia na arokti ka ara. Maiq ümriiti riiwa Shiikeawe bomtsi ka tai raüta, chochikhiq maq lang tlo. Shatmaq, tsangshiq tsan na arang ka atsaü maq cham mak dea. Tsangshiq kam- tsantsii ka jaqlose miitu li sitlo. Krai mren, maitai chamchao akhing saü tlaq ranaiq na, tsangshiq kamtsantsii ka achhan riiwan tlo. Kriiti ka tsamlai longrong hiawia na arokti maq shiiton tlo.

Muklom

¹³ Longkit náng qhatta tha irimal miq, bara raaq tat eq sungrang eq han aa. Etharin uchíng sha haqmong náng wang moq; ning aa chomwey rangma han aa, etharin ning tari ma rangham thu ajo, ning eshiwang qhat aa.

Luke 8:13 Referencias Cruzadas

YOBA 19:28

“Naungshiq rueq piq kuex yvmx khoc guirguenc juing lac?” ngoz tueq ngoz vshuinx. Nuimshiq rueq ngaz kuex khvt tvkoc vkhuec vlvmz vshuinx.

TAKSU LAK 12:12

Layx bac jix lotlaz rueq roc yaq kuex honc vbac yauk shuimc jungc tvkoc dvyx roc yaq, yuq muinz tsuingrux jix waz kuex phaungx duingduing hvlc jvp lot yaq.

TAKSU LAK 12:3

Layx bac rueq kvguing kvwungx juing kuq muq, yuq muinz tsuingrux miqsaz htenc kuex phaungx duingduing hvlc jvp lot tuex.

ISAIA 58:2

Tsuingshiq rueq wvraungx nuiyq ngaz muex nawk palx ruiux, ngvy lvmx tuiuz laz juing raungc raq vtueq ngvy tvrac htenc kuex phvnx yaq. Ngaz rueq tvluing shaungx lvmx kuex tsuingshiq rueq tuiuz roc wuez yaq, tsuingshiq rueq ngaz muex nawk palx ruiux tsuingrux tvrac htenc kuex thoz wuez yaq,” ngoz tueq.

EJEKIEL 33:32

Mnoz kuex tsuingshiq tvkoc vshic vngoyc nuiyc vtuimc vtvlc maq lenlauk thenc tuiux jix dvyx rvtoq yvmx vjux muinz vguez. Tsuingshiq rueq mbomc lotlaz tay wuez yaq, yuq muinz kvwawc vshiz saz doc muinz phvnx yaq rvmuq.

Hosea 6:4

Yuq muinz Yehowa rueq, “Israel nuiyc Yuda lex, ngaz kuex nuimshiq rulc yvmx ruec kay juing lac? Ngvy tvkoc ngoz tueq tvkhic vshuinx lungwawc thuinz kuex rvmak laz httuiz kaz yaq raungnvp wawc buing ikhoc muinz, raungnvp samaq sawc wvnc yaq tv-httuiuc ikhoc rulc muinz rv-ngvlc yaq.

Mark 6:20

Yohan kuex miq hvlx nuiyc vsawc waz rvtueq kuex Herod rueq tuiuz yaq ningkhvnc nuex piq muex hiz vtueq tvkhup wungx kuq yaq. Herod kuex Yohan rueq tvluing jungphvnx yaq kvjaz kuex tay shuex tek piq thuinz nuex pinhtumc tvruing raung yaq yuq muinz, piq kvjaz kuex tay roc hvlc rvtueq.

Luke 8:12

Lvmx nuex vdvy vlix htenc kuex bomjungc tay wvnc yix maq, kvmluimx wvnc vtueq palc daungc wvnc nuex httuiuc muq mruez kueq, bomjungc kuex tsuingshiq thuinz vmungx wawc htaungc rueq lvmc gay rvhumc jix hez ngoc rvtueq.

Luke 8:14

Shuiuq jungx yaz nuex vdvy vlix kuex bomjungc tay wvnc yix maq, rvwvlc tvmaung lvmx, rungx vwanx lvmx nuiyc sahtok sapawx yaungc roc thuinz mvrc wvnc vtueq luimz wvnc ningkhvnc nuex vlix kuex mkaq muinz thuey muq rulc rv-ngvlc yaq jix ngoc rvtueq.

John 15:2

Ngaz nuex vthuey thuey muq vphak vnoz htenc kuex vpiq rueq vguiy rvgay shuex, vthuey thuey yaq phak vnoz htenc kuex penc tsawc vtueq vthuey paunghvlc mthuey kueq ngoz tueq penc tsawc shuex.

John 15:6

Ngaz nuex rvwak muq waz kuex yuz phic nuex tuip gay rvhumc vtueq, shanx wvnc yaq vphak vnoz ikhoc yaungx wvnc tuex, miq rueq kvkhoc vphak vnoz kuex tvjomx tsenz vtueq wvr nuex jauk gay koq tueq khamc gay tueq.

John 5:35

Yohan kuex wvrluic tuz lez yaq wvrkok ikhoc yaungx kv-phuinx tueq nuimshiq kuex piq phelez yaq kvyuq rvmak laz kokez roc vshuinx.

1 Corinthians 13:2

Ngaz kuex rawshvmx shvmx thenc ruiux muinz, vthuiuz vsungx httax yaq phaqjic nuiyc vtuiuz vtay phvnx ruip saz httax ruiux muinz, kanx htenc tvhttot tvyenc gay lot juing kvmluimx thuinz httax ruiux muinz, lungwawc thuinz vguez ngoz ruiux kuex khuec guez dvyx.

1 Corinthians 15:2

Kvruex shuenruenc bomjungc kuex nuimshiq muex ngaz rueq jungphvnx kuq phaungx bomjungc rvtueq. Nuimshiq kuex shuenruenc bomjungc muex phaungx duingduing kvmluimx rvwak ruiux yuq, nuimshiq palc daungc wvnc rvhumc tuinx. Kvkhoc rvmuq ngoz ruiux kuex nuimshiq kvmluimx vtuinx lvmx kuex khuec guez muex dvyx yaungx tuex.

Galatians 3:1

Vngauk vngaz Galatia miqsaz htenc lex! Yesu Christu yauk juinc bulx nuex but gay tueq kuex muik maq raungshuex raung khiz tuit rvhvt maq! Nuimshiq kuex uraq shex lac romshomz gay kv-phuinx?

Galatians 3:4

Nuimshiq miqmac rvhumc wvnc tuit vkuilc vdaz kuex nuimshiq rueq khuec guez dvyx shex haz tvyaungc vshuinx? Vsuing kvruex rvhumc wvnc tuit kuex khuec guez muex yaungx kaz muq!

Ephesians 3:17

kvmluimx ningkhvnc nuex Christu rueq nuimshiq thuinz vmungx htenc nuex vpiq httaz juing muex mtvyaungc shueq nuiyc lungwawc thuinz nuex htungyaz tvjvp tv-phaungx ruiux,

Colossians 1:23

Yuq muinz nuimshiq rueq miqmac kvmluimx thuinz kuex vjungx vruingx phaungx wvnc tvkoc tvhttoarc vtueq httuiyq httvmx wvnc rax tuex. Kvmaq nuimshiq rueq shuenruenc bomjungc tay wvnc tuit nuex lvp wvnc tuit thuinz tvluimc juing kvwawc nauk rul ngak kaz, mungkawx lotlaz nuex httuiuc wvnc vtuex shuenruenc bomjungc kvruex tvkoc nvrc waz kuex ngaz Polu rvtauk.

Colossians 2:7

Tvluingc kuy rvhumc wvnc tuit rulc rv-ngvlc, vpiq nuex vthuiuz vsungx vruingx waungc vtueq, vpiq nuex miqmac rullungx kuex tvtsuir tv-phaungx wuez ruiux, nuimshiq kvmluimx thuinz kuex pinhtumc tv-phaungx wuez shuinz. Nuimshiq nuex kejux rvwvlc thuinz mvrc wuez kuinz.

1 Thessalonians 3:5

Kvkhoc rvtueq ngaz rueq Timothy kuex tvkaz vphaungx. Ngaz rueq bvmc lot mauk shex ningkhvnc nuex nuimshiq kvmluimx thuinz phaungx yaq shuex phaungx muq lac tuiuz tvkoc piq kuex tvkaz vphaungx. Nuimshiq kuex Htaungc rueq laulawc yaq kvyuq kaz wvnc vtueq, nuiyshiq rueq shuimx wvnc tiq lvmx kuex khuec guez yaungx kaz khiq ngoz tueq ngaz rvwvl vtaungx!

1 Timothy 1:19

Kvdvyx muinz rvmuq mnoz nuex kvmluimx thuinz nuiyc sawc riric thuinz maq phaungx duingduing shuimx taq shuiux. Miq wvyvmc jix kuex vhvlx vbac thvl httauk thuinz rueq htuiuz shuiuz yaq kuex tay muq ningkhvnc nuex miqmac kvmluimx thuinz kuex tvbac gay wuez yaq.

Hebrews 10:39

Naungshiq kuex yix nuex yek wvnc jix miq htenc rvmiq maq, kvmluimx vtueq palc daungc wvnc rvhumc jix htenc rvtiq.

James 2:26

Kvkhoc rvtueq gvnngvmx nuex siyac thuiuzthuic httax muq ngoz ruiux vmaungx yaungx yaq ikhoc, honc vyaungc vguez maq kvmluimx muinz vmaungx yaungx yaq.

2 Peter 2:20

Mkhoc shoc maq miq htenc kuex nuimshiq palc daungc Taungjix Yesu Christu kuex tuiuz wvnc ningkhvnc nuex mungkawx vshuy vshac mungx wawc dungc wvnc yix maq laukshiz hulawx vshuy vshac lvmx rueq taungx gay rvhumc ruiux yuq, yix nuex yaungx wvnc yaq kuex kungkhux wawc htauk nuex muinz songhvlc shex rvtueq.

2 Peter 2:22

“Guyhex rueq vphaay kuex tvyez svy rvyaq,” ngoz tueq kvjaz muinz, kvmaq “Wauk kuex tvhoalc kuy lot yix bok nuex hulawx kv-nyvt yek yaq,” ngoz yaq bomc tvguip kuex nuimshiq tvkoc vsuing rvtueq.

1 John 2:19

Vruex miq htenc kuex vsuing mkaq muinz naungshiq lux rvyaungc vtix nuex seng muq jix htenc khuec nuex naungshiq kox wawc tsuingshiq dung wvnc wuez vtuex; naungshiq rulc lux rvyaungc vtix vyuq seng ruiux yuq tsuingshiq kuex naungshiq rulc vdvmz nuex httax naungx khvmz phuex. Yuq muinz tsuingshiq kuex vsuing naungshiq rulc seng muq lvmz mkvkhic wvnc kueq tsuingshiq dung wvnc wuez vtuex.

Jude 1:12

Tsuingshiq kuex yvlc svy vguez maq thuirthux vtueq phauk saq wuez yaq khuec nuex, nuimshiq lux rvyaungc phuiuz svy moalx kuex vshuy vshac baung ikhoc rvtueq. Tsuingshiq kuex miqmac vjux dvyx thuiyx wuez yaq. Tsuingshiq kuex raungyunc lomx muq raungguil rueq tvpvnc yaq phuemx ikhoc muinz, raunglawc yac httuiuc wvnc koq muinz vthuey thuey muq vruingx maq baungc gay koq yuq wvjungx tuimx thuiyc wvnc yaq pulx jungx rulc muinz rv-ngvlc yaq.