Luke 7:38 - ASII LAKDAP Bible (BSI)

³⁸ Apaiq ka Jesuq jai na chapto. Raüta, amakphai ka rajun wa ikha hoqsiqto. Amakphai sa raq, Jesuq hokphi ka jobai she riito. Apaiq raq, Jesuq hokphi kra akhudap maq tiiwe tatkuqto. Raüta, anü maq shupto. Kiimaq homseng tai maq, Jesuq hokphi ka jut kuqto.

Hawa Naga Bible 2001

³⁸ Yesu yix nungx kox yaz jungx nuex jvp vtueq khoar tueq, piq muik phic kuex Yesu yaz nuex svrc koq tueq, vkhux mul maq tuit kuq ruiux, vpiq yaz kuex shec vtueq vhomc tix maq nyvt kuq tueq.

Muklom

³⁸ Jesu jiko jathom tho bon eq, qhap eq etho Jesu ja tha miikshit eq tachamta. Etho Piq khorun they uja tha rot kota, uchip eq ta etho jaqhal atim angam chi they uja tho jik kota.

Luke 7:38 Referencias Cruzadas

RAPHA HIQWA LAK 18:4

Namtsam hokphi hechang kham lamkuq wapha. Namtsam ka ara pechong tong na heashi niitiitsak ngali rong liishaq.

EJRA 10:1

Ejra ka akha makphai khüshang, aho anyi lam maq Shomjam rinkea na bum raüta ara chongtiikai ngarai thun tiidii wan achu jaürea riito. Kra bala niili, Israilnok mungmaiqse ka maiqwere, jechakre, kiimaq nosere phong apaiq tro na riitam wanto. Raüta tsangshiq tarü pinthum aho anyi watrang liishe hoqsii wanto.

Tvtsvmc 38:18

Ngi raq ingarai thun tiidii tiikang; ingarai thun raq ngi chapa tiidongtlo.

Tvtsvmc 51:17

Ihonglu ka tsannin woknin honglu, O Shiikeawe lei, ümniiraq tsan nin woknin tsantsii nai mra tiidii wanti ka shishe maü,

THARC TVLUINGC 9:8

Wranaiqshe khuthai thea mai, laüta chojong chise miili silaq.

ASHICHONG 1:3

Ümmang chongsum ngiqkai ngu ikha, Ataisea ma ni na washasha hea. Jeture raq tai ma sumhea.

ISAIA 57:9

Namshiq ka homseng maq namkhum na tiijutjü lantea, kiimaq tel maq tiijut lantea, Molekh phrakaü kra noqkitlan. Ashomnoq chang phra kaü thun tritkai, namshiq raq kiimwebi ka maiqhiq luhea hea na tiikitlan. Wulum mung na saülili tiikitlan.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

JEREMIA 31:9

Isenginok ka aho anyi mijang wan, Ngi raq tsangshiq tsuq wan tiikang krai mren, tsangshiq ka achujaü lam maq milaü wan. Ngi raq tsangshiq ka khamserai setiim kiina mishea wanha, tsangshiq kiilii mak chang lam nyeadang dang lam maq mishea wanha. Ngi ka Israilnok ma awe jong ikha, kiimaq Ephraim ka ise chhikhu we.”

Yoel 2:12

Shatmaq Tatiwe raq ngutlo, Ümchaü li jiimin namshiq raq riikhaqli maq, amang maq makphai trok lanta aho ajü achu jaü rong laq, lanta ngarai tiidii lanta, ngi phana jang wan rongra,

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

Matthew 5:4

“Juwa aho ajü sitlaq kriiti ma chochi; Shiikeawe raq tsangshiq miboq pum!”

Luke 22:62

Kiijiishe, Petar ka jam rukphai na kiho raüta pinthum hoq siqto.

Luke 6:21

“Namshiq juwa ümchaü ramtsi kriiti ma chochi; namshiq phetak she mirhan! “Namshiq juwa ümchaü aho riitlan; namshiq ka anai anai she mirhan!”

Luke 7:37

Kra chela na, mephe nyung ashi asi riito. Apaiq raq, Jesuq ka Phorisi we jam na dungsiq tlo nguta tho lapto. Raüta, alabastar tsabum ashi na homseng tai ka tiimali thiihoto. Raüta kra lam wan raüta apaiq ka wato.

Luke 7:39

Phorisiwe raq kra chhi raüta, “Arwe arka shammi riimak. Adü na shamti nyung kra jamkhiinok maiq wa, kiimin sapphaq mak!” nguta atsan na tiimato.

John 11:2

Ara Meriq raq tiina kongkhuji maq Tatiwe hokphi na homseng tsai maq jut raüta, akhudap maq tiiwe tatketi nyung ira. Ara chongtiikai atsiti we arka apaiq ma ano Lajaras.

James 4:9

Ngarai kaq dea sitiikai nguta maaho maanyi, makphai khüshang riilanta mra tiidii rong laq. Anai trang ka aho trang miishe tiija rong laq. Hühü haha sitlan kriika, mun tiijuk-ram she riirong laq! Shiikeawe man na, munjuk mijuk maq mrong roq rong laq. Haü la Shiikeawe raq namshiq ka aki miikiim setiim miishe mitiija.