Luke 7:37 - ASII LAKDAP Bible (BSI)

³⁷ Kra chela na, mephe nyung ashi asi riito. Apaiq raq, Jesuq ka Phorisi we jam na dungsiq tlo nguta tho lapto. Raüta, alabastar tsabum ashi na homseng tai ka tiimali thiihoto. Raüta kra lam wan raüta apaiq ka wato.

Hawa Naga Bible 2001

³⁷ Kvruex ghaqyungx kvyuq mvrax vhttax miq yalxjuik nyuiuz shiz vhttax rvtueq, piq rueq Pharise waz yuimx nuex Yesu dungc svy ngaungc yaq kuex helc vtueq vhomc phvnx murra tix vmvrx httax yaq lungluiz tsongbumx vshiz lvmz wvnc vtueq,

Muklom

³⁷ Eshi samhaq na ashey ngarey miqnu angta. Jesu Phorisi him na tilsat ma thuta ta piq aa kap tatta, req piq aa atim angam tung tha som eq thuta.

Luke 7:37 Referencias Cruzadas

Matthew 21:31

Riita ara siphu wenai arwa ümriiti riiwa awe bom chong ka taita?” Kiijiishe, “Aphu we raq,” nguta tsangshiq raq apaiq bom ka treto. Kiijiishe Jesuq raq tsangshiq ma chongto, “Ngi chongpha: phunta hitibi nai mephe nyungtiim thun kra khoti, namshiq ma sinkhu na Shiikeawe mungtan na wawantlo.

Luke 18:13

“Shatmaq, phunta hitiwe ka alu niili chap raüta, ra nü niimin liimak maq, akhuk na ajaq maq tiitap raüta, ‘Shiikeawe le, ngi ara ngarai maiqse. Ngi ara mangchan kuq liidea!’ nguta achu jaüto.”

Luke 19:7

Kiimaq tsangshiq raq kra chhi raüta, “Arwe arka Mosheq Thungtri lang mak ngarai we jam na dü wan wawanto!” ngutiishe bottrangto.

Luke 5:30

Phorisinok phong wa maiq wiijamti nai Thungtri shrinketi nok tsangshiq kongtibi raq, Jesuq jaqshisetiim ma, “Namshiq ka jam nguto, phunta hitibi nai ahin anun phan ashleq arbaiqti rai, takshi pinshi maq phaqsiq dam tlan?” nguta bottsaüto.

Luke 5:32

Ngi ka lüsaü wase sitlaq kriiti ngarai diike kai akiha ka riimak. Shatmaq, anun phan nai ashleq arbaiq maiqse sitlaq, kriiti ngarai diike kai akiha.”

Luke 7:34

Kiimaq Maiq Se ka saüho raüta, aphaq asea chamtraq maq siwanto. Kra chhi lanta, namshiq nga, ‘Arwe ara lii rong laq! Cherop, kiimaq shakaq we kaü ara. Phunta hitinok kongti, kiimaq ashleq arbaiq wan, ashe ashi maiqse kongtiwe!’ nguta ngutlan.

Luke 7:36

Phorisi we ashi raq, Jesuq ka ajam na raji dung siq wa i nguta hea wanto. Jesuq ka dungsea ngato.

John 11:2

Ara Meriq raq tiina kongkhuji maq Tatiwe hokphi na homseng tsai maq jut raüta, akhudap maq tiiwe tatketi nyung ira. Ara chongtiikai atsiti we arka apaiq ma ano Lajaras.

John 9:24

Welabi raq thongshi ri hali, anyung pukdong makchuk wa aheaki we kra tiiheaki nongto. Raüta tsangshiq raq apaiq ma waito, “Shiikeawe man na bom ka tengteng chong laq! Naishiq raq asap hai, ümmak tiipiiq keti we ka ngarai maiq se.”

John 9:31

Nashiq raq asap i. Shiikeawe raq ngarai maiqse achu jaü ka tre kuq mak. Apaiq riika, juwa apaiq wokhong na sitlaq, raüta apaiq bom ka tai tlaq, kriiti achu jaü kli tre kuqtlo nguta asap i.

Romans 5:8

Shatmaq, Shiikeawe raq, nashiq ka ümtinkhan tsaü mo mangchan wantlaq, kra nashiq ma tiichhikuq wanto she. Arka apaiq raq, nashiq ka ngarai kharü mong na chamchao rai tiikai kriiwa, Khristo ka nashiq khupi miitu tiiki raüta tsaitaq, kra lümaq tiichhikuq wanto she!

1 Timothy 1:15

Riita arkha maq, Khristo Jesuq ka mangjong hiq na, ngarai maiqse chhii kai nguta satkito, nguta chongtlaq arka tengteng dea ngutiishe sap tiikai. Ara tengtlaq bomtsi arka maiqse angu wiitarü raq lang chang. Raüta Khristo ma kamwan chang. Riita ngarai maiqse phong na, ngi ahata naolaq pinthum, ngarai bu hoti, akaü ashi nguta siwan kang.

1 Timothy 1:9

Nashiq raq tsan na samhea tak chang sitlo, maiqse ma thungtri she nguta sitlaq kriika, maiqshaqti miitu ka riimak. Tri raü thun sitlaq kriika, tri raü jintibi, kiimaq mat-saü tsaseti miitu sitlo. Shiikeawe lamphan sap makti miitu, kiimaq ngarai tangti bi miitu. Shiikeawe ma kamtsantsii rüm makti miitu, kiimaq anyung lo, awe lo tseati matwe jati miitu sitlo. Kiimaq maiq tseati matwe jatibi miitu tri raü ka thü tlo.

1 Peter 4:18

Asii bomtsi na akha chongtlo: “Kechu maiqse santla, Shiikeawe raq tsangshiq chhiijii kewan jaqsham kra, minyi wan shaq liipan na, pahea chamchao wan chang dong tlaq, ikhiijiika, Shiikeawe sapmakti ngarai maiqse ka, phiiptsi jiiptsi, achong lot mai she micham chao wan ngushat!”