Luke 5:17 - ASII LAKDAP Bible (BSI)

¹⁷ Ranaiqshi akhing na, Jesuq ka traho bom chongke rea riito. Kiijaq maiq wiijamti Phorisinok nai Thungtri shrinketibi min asi riito. Tsangshiq ka Gelili wang chelatek wa kiimaq Judia wang wa, kiimaq Jerusalem wa awarai riito. Maiq atsi asiti kra tiiheake miitu, Tatiwe ningkun ka Jesuq khum na asho awo asi riito.

Hawa Naga Bible 2001

¹⁷ Raungnuiyq shiz Yesu rueq tvluing kuq yaq nuex Galile mungx tvroz nuiyc Yuda mungx hong ghaq ruip saz wawc muinz Yerusalem ghaq maq vkaz Pharise nuk nuiyc Tvrac tvluingc waz hez htenc kuex vpiq hep nuex ngaungc kaz tueq. Vthuiuz vsac jix tvhvlc kuy tvkoc Taungjix luimc vkawc kuex Yesu htauk nuex httax tueq.

Muklom

¹⁷ Saalshey ang atho Jesu aa tatal chey atho, chamtey Phorisi tang etho thong tataltey tang eshina rongtong chey ta. Ning sha Galilee etho Judea thaji qhim wang etho Jerusalem samhaq náng rong thuta. Atakasa tang tha taqhal ma Jesu jamna Teyhungwa tarong tha atha angta.

Luke 5:17 Referencias Cruzadas

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Matthew 15:1

Kra jai maq Jerusalem wa Phorisinok nai Thungtri shrinketibi ka Jesuq phana wato, raüta waito,

Mark 1:45

Shatmiitiq, apaiq ka wawan raüta, atsi tiihea kuqtaq tsütsa kra, barap binrii niishe tsaki wanto. Apaiq raq barap na, rin ra wan kha maq, Jesuq ka chela na, nokwe makki na, khumki lot mak she riito. Arkha maq Jesuq ka, maiq akaiq kaiq ba hiqshong niili she khum wanto. Kra taü maq dongdii min, mungmaiqse ka Gelili wang barap se wa, apaiq phana riitsap riikhat wato.

Mark 16:18

Kiimaq ümkhiimiiwa, tsangshiq raq paü ka jaq maq shamrat raü min, kiimaq achok araq phan phaqsiq rat raü min, tsangshiq khum na taimak miraq. Tsangshiq raq maiq atsi asiti dü na jaq maq sham raüta achu mijaü kuq. Raüla, atsiti thun kra mihiaki.”

Mark 3:22

Jerusalem wa awa shrinketibi wiijamti raq riichongto, “Akhum na Beljebul tha kaü asi! Thawe hokham raq apaiq ma, shotsai winji jobaiq wan ningkun kuq tlo,” nguta apaiq ka shrato.

Mark 5:30

Jesuq raq akhum wa ningkun kaiho ka hesaq li riito. Kriikha maq, apaiq raq atro na nokmaiqse ka lii raüta, “I khea na juro shamlan?” nguta waito.

Mark 7:1

Phorisinok wiijamti nai Jerusalem- lem wa awa Thungtri shrinketibi ka, Jesuq tro na riitam ngato.

Luke 15:2

Kra chhi raüta, Phorisinok nai Thungtri shrinketibi raq, “Arwe raq ashleq arbaiq maiq thun ka taotlo! Kiimaq tsangshiq rai phaqshi seashi hai nga dam tlo!” nguta bot nyan trangto.

Luke 2:46

Ranaiqtsam ngoja niishe, tsangnai raq no ka Shomjam mong na, Jehudinok shrabi rai nga raüta, tsangshiq bomchong kra tai nai, apaiq raq tsangshiq ma bom wai rea she lohoto.

Luke 5:21

Kra tai raütiishe, Thungri shrinketibi nai Phorisinok ka, “Riita, arwe arka juwa, akha apii riikhiq bomtlaq ara! Ngarai diiketi ka Shiikeawe li khata!” nguta tsangshiq maiqmii liipan na riibomto.

Luke 5:30

Phorisinok phong wa maiq wiijamti nai Thungtri shrinketi nok tsangshiq kongtibi raq, Jesuq jaqshisetiim ma, “Namshiq ka jam nguto, phunta hitibi nai ahin anun phan ashleq arbaiqti rai, takshi pinshi maq phaqsiq dam tlan?” nguta bottsaüto.

Luke 6:19

Jesuq khum na ningkun ka jonghea asi. Kriikha maq, maiq tarü raq tsangshiq thatsi kra tiihea miitu, apaiq dii na jaq maq sham shiichaqto. Krai mren, Jesuq khum wa adong ningkun raq, apaiq dii na jaq maq shamti thun thatsi ka wiita tiihea kuqto.

Luke 7:30

Shatmaq, Phorisinok nai Thungtri shrinketibi raq, Johan kham lamke jaqsham kriika lang mak dea riito. Tsangshiq raq Shiikeawe aming, tsangshiq ma achongkuq kriimin lang mak riito. Kiimaq kham kiimin lam mak riito.

Luke 8:46

Shatmaq, Jesuq raq, “Ashi ra raq i dü na jaq maq shamto. Ngi raq i dü wa ningkun kaiho asap ha,” nguta bom ka treto.

John 3:10

Kiijiishe Jesuq raq treto, “Ümniika Israil mung na shrinketi we ajong ashi. Kra riishe, ara bomtsi ara saplot maü jiika ja she wa michong i?

John 3:21

Shatmaq, jurwa Shiikeawe bom ka tai tlaq, kriiti ka Shiikeawe wokhong na sitlo. Ahata rawü na siwan rilung. Krai mren, apaiq jaqsham ka rawüli na rashra she mitiichhi.”

Acts 19:11

Shiikeawe raq Paul lümaq awang chang jaqsham ka pahea sham wanto.

Acts 4:30

Kiimaq, asii üm Luqkhapse Jesuq mang na, pinthum awang chang nai amao chang jaqsham ka, atsi asiti ka tiihea kuq laüta, ümningkun jong kra tiichhi kuq laq,” nguta achu jaüto.

Acts 5:34

Shatmaq, Phorisinok phong na Thungtri shrinketi shra ajong weshi, apaiq mang ka Gamaliel nguta asi. Apaiq ka mung maiqse wiitarü raq kai shreng tlo. Kiijiishe kriiwe ka Rung welabi man na chapha she riito. Raüta, apaiq raq kiimwebi ka heashi miitu kinphai na sheaho ronglaq nguta thaüto.