Luke 5:16 - ASII LAKDAP Bible (BSI)

¹⁶ Shatmaq, apaiq ka maiq akaiq kaiq ba na, apaiq honhonse kiholili raüta, achu jaüto.

Hawa Naga Bible 2001

¹⁶ Yuq muinz Yesu kuex htungx httax yaq rulc rv-ngvlc yaruix rumz nuex kaz vtueq vjux thoz kaz tueq.

Muklom

¹⁶ Etharin piq shu shu haq náng ka eq romtamta.

Luke 5:16 Referencias Cruzadas

Matthew 14:23

Apaiq raq mungmaiqse kra tiiwa baiq jai she, apaiq ka apaiq honhonse hiqlam ashi na achu jaü wa wawanto. Rajiko niishe min, Jesuq ka kiijaq apaiq honhonse li riito.

Mark 6:46

Mungmaiqse tiiwa lot jai she, apaiq ka hiqlam ashi na achu jaüwa wawanto.

Luke 3:21

Kra akhing na nokmaiqse thun tarü raq, khamlam wan lot jai she, Jesuq riimin kham ka lam wanto. Apaiq raq khamlam akhing na achu jaüto. Apaiq achu jaürea akhing na, ramungtan ka atlin riikito.

Luke 6:12

Kiitincho ji, ranaiq shi, Jesuq ka hiqlam ashi na, achu jaüwa wawanto. Kiimaq apaiq ka rawa minru Shiikeawe jaq wa achu jaüto.

Luke 9:28

Arthun ara chongke wan jai maq chepat shitin jai miishe, Jesuq raq apaiq rai Petar, Johan kiimaq Jakob kra shea raüta, hiqlam ashi na achu jaü wa wawanto.

Luke 9:29

Apaiq ka achü jaürea liipan niili, atheaphi kriika klaisaq klai kito. Adü na asam khea kriika chhaihea langlang, maklüp jaqlüp she chhairaito.

John 6:15

Jesuq raq kra mungmaiqse hon atsii ka atak wishe riito. Tsangshiq raq apaiq ka ningkun maq lap raüta, tsangshiq hokham we ma tiija wan danto. Apaiq raq kra tho ka heraüta, hiqlam nü nü kiina apaiq honhonse she wawanto.