Luke 4:16 - ASII LAKDAP Bible (BSI)

¹⁶ Kra akhing na, Jesuq ka apaiq jonglu wan chang hiqshong Najareth hiq na wato. Raüta, Asii Niitiitsak ranaiq na, apaiq ka rahin jaq kitlaq kiikha, sinagok na kito. Raüta, apaiq ka Asii bomtsi phat chapto.

Hawa Naga Bible 2001

¹⁶ Kvkaq Yesu kuex vpiq peluz wvnc tueq Nazaret ghaq nuex httuiuc waung tueq, Vguilc Raungnuiyq vpiq kuex htungx httax yaq rulc rv-ngvlc vjux thoz yuimx nuex kaz vtueq, Rumvrc luik wvlc muex jvp koq tueq,

Muklom

¹⁶ Ethi jio Jesu tha Nazareth náng kata, piq tha eshi haq sho hun chalota, etho salwet Sabbath saal o synagogue náng kachey ta. Etho piq tha esho lang eq Asang likwit na taka atha phachan ta.

Luke 4:16 Referencias Cruzadas

Matthew 2:23

Raüta Najareth chela na siwato. Krai mren shammibi raq achongthü riisham bom ka riikhaqli she kuwanto. Tsangshiq raq, “Apaiq ka Najareth hiqti we nguta mingu,” nguta chongthüto.

Luke 2:39

Joseph nai Meriq raq Tatiwe Thungtri jaqsham lot raütiishe, tsangshiq hiq shong, Gelili wang na Najareth chela na hali jang wan nongto.

Luke 2:42

Jesuq ka nose, arawii ka wiiroqshi ri wiinai maiq she riito. Kra rawii min, wiihinjaq kitlaq kiikha, tsangshiq ka poi lomkai Jerusalem na kihoto.

Luke 2:51

Riita, Jesuq ka anyungwe rai, Najareth hiq na hali jang wan damto. Raüta apaiq ka anyungwe wokhong na phaqchii nichii maq sito. Anyung raq arthun bomtsi lea wantaq arka, atsan mong na tiitsang dada maq shiwea wan raüta shaqthüto.

Luke 4:15

Apaiq raq sinagok thun na khum raüta, bom chongke tra hokuqto. Kiimaq apaiq ka nokmaiqse tarü raq shomrato.

Luke 4:17

Kiimaq apaiq ma, shammi Isaia lakdap ka lamkuqto. Apaiq raq lakdam kom ka tlii lin raüta, ara bomtsi ara phatto,

Luke 4:21

Apaiq raq tsangshiq ma, “Ara Asii bomtsi phat kai arka, ümchaü ranaiq namshiq makki niishe kuwato,” nguta tsangshiq ma tra hokuqto.

Luke 4:23

Kiijiishe apaiq raq, “Ngi raq sapshat, namshiq raq, ngi ka ara bomtsi armaq mikhettot han, ‘Taktot we, ümthatsi ka kongkhu tiihea liishaq,’ nguta mishipoq han. Kiimaq, namshiq raq, ngi nangnga, Kaparniam na awang chang jaqsham wankang kra, ara i hiqshong ajiimin sham nonglaq nguta mingu han.”

John 18:20

Kiijiishe, Jesuq raq apaiq bom ka treto, “Ngi riika nokwe man na kholam kholiiq maq traho bom chongkuq wan kang ihata. Ngi raq mungmaiqse ma traho bom chongke wan ka nokwe riitam nga chang sinagok thun nai Shomjam mong maq chongkuq wan kang ihata. Ngi raq adam apaü lam maq, jamlai bom min chongkuq mang.

Acts 17:2

Paul ka rahin jaq akhing na jamkho sinagok na kitlaq kiikha, kra akhing niimin sinagok na kito. Raüta, kiijaq apaiq ka Asii Niitiitsak ranaiqtsam akhing na saüli nokwe ma,