Luke 23:16 - ASII LAKDAP Bible (BSI)

¹⁶ Kriikha maq, ngi raq ümchaü apaiq ka, chunpo- nyam chongwai maq ninta tiitsat latli she, midii baiq ha.”

Hawa Naga Bible 2001

¹⁶ Kvkhoc ningkhvnc nuex ngaz rueq vpiq kuex murx tvgurc tvtharc vtueq dvyx httvr gay shaungx,” ngoz tueq.

Muklom

¹⁶ Ethi rangma nga piq raa thawat eq qhap chak náng.”

Luke 23:16 Referencias Cruzadas

ISAIA 53:5

Shatmaq nashiq ngarai kha na apaiq raq mopung hoto, nashiq raq abi klo kha na apaiq ka bunlak tsatto. Nashiq thatsi ka apaiq raq moho wantaq kriimaq tiiheato, apaiq raq maiqmo howantaq kriimaq nashiq ka phintsaq tsaqhea tiijato.

Matthew 27:26

Kra raütiishe, Pilat raq tsangshiq ma Barabas ka tiidong kuqto. Kiimaq Jesuq ka chunpo-nyam chongwai maq bunlak tiitsatto. Raütiishe pumsongkham na tübaiq kai miitu phenlanok jaq niishe kiinong kuq baiqto.

Mark 15:15

Kra chhi raütiishe, Pilat raq mungmaiqse tsan ka tiiheake ma nguta, Barabas ka tsangshiq miishe tiidong kuqto. Raüta, Jesuq ka phenlanok ma chunpo-nyam chongwai miishe, bunlak buncha tiitsatto. Raütiishetiq, pumsongkham na tübaiq kai miitu aming kuqto.

Luke 23:17

Tiichhii Wan Poitek, Pilat raq tsangshiq ma phaqtek mong wa maiq ashi ka tiidong kuq ruq riitlo.

Luke 23:22

Kiijiishe, Pilat raq, “Riita apaiq raq jamlai mat atsa wa tangta? Ngi raq apaiq dü na, apaiq miisaq tiithumli chang khü akha jam min chhi mang, ahü! Ngi raq apaiq ka chunpo-nyam chongwai maq ninta tiitsat latli mitiidong baiq ha?” nguta tiithongtsam she hali tsangshiq ma chongkuq nongto.

Luke 6:37

“Nanok naqsetsiiq rongkiq. Shiikeawe raq namshiq ka shin mak miraq. Nanok ka naq tiishut phit rongkiq. Shiikeawe raq namshiq tiishut phit mak miraq. Nanok mra ka adii riikuq ronglaq. Shiikeawe raq namshiq mra kiimin midii kuq.

Acts 16:37

Shatmaq, Paul raq peta siihiipbi ma chongto, “Nainai ka jamlai shutphit min ahü shatmaq, rung na mungmaiqse makki na chongwai maq tiitsatto. Kra thaq niimin, nainai ka Roman hokham sengi chiisan maiqse! Shatmaq, tsangshiq raq nainai ka phaqtek mong na shaq baiqto. Riita, ümchaütiq sha tsangshiq raq nainai ka ahukse ma tiidong baiq dan tla! Kriika riimak! Roman siihiipbi raq tsangshiq maiqmii jaq maq nainai ara mitiidongki liina,” nguta Paul raq tsangshiq ma chongto.