Luke 23:16 - Hawa Naga Bible 2001

¹⁶ Kvkhoc ningkhvnc nuex ngaz rueq vpiq kuex murx tvgurc tvtharc vtueq dvyx httvr gay shaungx,” ngoz tueq.

ASII LAKDAP Bible (BSI)

¹⁶ Kriikha maq, ngi raq ümchaü apaiq ka, chunpo- nyam chongwai maq ninta tiitsat latli she, midii baiq ha.”

Muklom

¹⁶ Ethi rangma nga piq raa thawat eq qhap chak náng.”

Luke 23:16 Referencias Cruzadas

ISAIA 53:5

Yuq muinz naungshiq mvrax htenc ningkhvnc nuex vpiq kuex vmac vtsac rvhumc tueq, naungshiq rueq vbac shuimc wvnc ningkhvnc nuex vwungc rvhumc tueq. Naungshiq hvlx wvnc laung nuex vpiq kuex vkuilc vdaz maq murx gurx yaq, vpiq vmac vtsac lvp ningkhvnc nuex naungshiq mac tsac kuex hvlx kaz tueq.

Matthew 27:26

Kvruex kaq Pilat rueq Barnaba kuex tvdung kuq ruiux Yesu kuex huyhut thvt vtueq yaukjuinc bulx nuex but thvy gay tvkoc tvshuk kuq gay tueq.

Mark 15:15

Pilat rueq nuk miqsaz htenc thuinz tvhvlc muex ngoz tueq, tsuingshiq tvkoc Baraba kuex httvr kuq gay ruiux Yesu kuex huyhut thvt vtueq yauk juinc bulx nuex thvy gay tvkoc lekuq gay tueq.

Luke 23:17

Wawc wvruip Moalx nuex Pilat rueq tsuingshiq tvkoc miq washiz shiz kuex tvdungc kuy htungx vlayx vhttax rvtueq,

Luke 23:22

Kvruex kaq Pilat rueq tsuingshiq muex lauk thuimx ngoc yaungc jungx tueq kuex, “Vpiq kuex yvmx mvrax lac yaq gay tvnx? Vpiq kuex vthueyc aungx yaq mvrax ngaz rueq khiz mauk! Kvkhoc rvtueq murx tvgurc tvtharc ruiux tvdung gay shaungx,” ngoz tueq.

Luke 6:37

“Miq muex khac nauk phox kuq kaz, kvkhoc ngoz ruiux yuq jix Tishox rueq nuimshiq muex phox kuq muq rvshuex, miq muex nauk yomnamc kaz, kvkhoc ngoz ruiux yuq jix Tishox rueq nuimshiq muex yomnamc muq, miq muex mvrax dawc kuq shuinz, kvkhoc ngoz ruiux yuq jix nuimshiq muex muinz Tishox rueq mvrax dawc kuq kv-phuinx.

Acts 16:37

Yuq muinz Polu rueq, “Roma miqsaz rvtiq nvnueyc kuex yvmx muinz wisoz muq maq, miq htumc nuex wungtvlx vtueq khoktep nuex shauk gay phuex. Majuiuc vyumx maq httvrc gay dvnc yaq nyix! Kvkhoc kuex mvy muq! Tsuingshiq vyungx vlaungx bix kaz vtueq mtvdung kaz phueq,” ngoz tueq.