Luke 22:61 - ASII LAKDAP Bible (BSI)

⁶¹ Kiijiishe Tatiwe raq Petar pha nü na tro raüta liito. Kiimaq Petar tsan na Tatiwe raq apaiq ma, “Athi rawa wu miwa shaq liipan niili, ümniiraq ngi ka juwa sapmang nguta, jangtsam mitiishaü haü,” nguta chongtaq bomtsi kriishe atsan na dongto.

Hawa Naga Bible 2001

⁶¹ Kvkaq Taungjix kuex kvroz vtueq Peter kox nuex lawc tueq, kvkaq Peter kuex, “Invp wuz max wvrc nuex mnoz rueq ngaz ngoc tuiuz mauk ngoz tueq lauk thuimx kvduimx kaz tuiux,” ngoz tueq Taungjix rueq piq muex jungx tueq kvjaz kuex tvmaung lvp tueq.

Muklom

⁶¹ Teyhungwa ngik eq Peter ching náng siin ta, etho Peter aa Teyhungwa raaq bat tha tasik ta, “Inap rangnap wopong walwey moq jakho, nang aa nga raa sampha mong ta taktom bat phanu.”

Luke 22:61 Referencias Cruzadas

YOBA 33:27

Apaiq raq nokwe man na michong, “Ngi raq ngarai tangkang dea. Ngi raq riikhaqli sham mang dea, shatmaq Shiikeawe raq ngi ka tiihang kuqto.

EJEKIEL 16:63

Ngi raq ümshut ümphit thun ümchuwa klo wan laü kra kunkun midiibaiqha. Shatmaq ümniiraq kriithun ümtsan mong na mitiitsang haü. Kiimaq ümnü maq bom poshi dongdii min dolot maü pinthum mijeasi haü.” Arka Tati Rakaü Hiqwe raq toqtanto.

Hosea 11:8

“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!

Matthew 26:34

Kiijiishe, Jesuq raq, “Ngi raq chongtiikang arka tengteng. Athi rawa wu miwa shaq liipan niili, ümniiraq ngi ka juwa sapmang nguta, jangtsam mitiishaü haü,” nguta Petar ma chongto.

Matthew 26:75

Kiimaq kiijiishe Petar tsan mong na, “Wu miwa shaq liipan niili ümniiraq ngi ka juwa sap mang nguta, jangtsam mitiishaü baiq haü,” nguta Jesuq raq apaiq ma bom achongkuq bomtsi kriishe apaiq tsan mong na tiidosaq riito. Kriikha maq, apaiq ka jam sonruk mong wa kinphai na juho raütiishe, atsan amongpo ka tiipanki nam nam she shetang hoqsiqto.

Mark 5:30

Jesuq raq akhum wa ningkun kaiho ka hesaq li riito. Kriikha maq, apaiq raq atro na nokmaiqse ka lii raüta, “I khea na juro shamlan?” nguta waito.

Luke 10:41

Kiijiishe, Tatiwe raq apaiq ma treto, “Martha, Martha, ümniika phanrap phanrii tiima laüta, acha apa kiimaq tsaihü jihü sitlaü.

Luke 22:34

Kiijiishe, Jesuq raq treto, “Ngi chongpha Petar le, athi rawali wu miwashaq na, ümniiraq ngi ka juwa sapmang nguta jangtsam mitiishaü baiq haü.”

Luke 22:60

Shatmaq, Petar raq hali, “Maiqwe, ümniiraq jamlai wa ngurat tlaü ka, ngi raq akhiismin sapmang!” nguta akiq ka khiito. Kiijiishe, apaiq ka abom rai liipan niili, tiihang hiiq miili, wuwa riigoli she wato.

Luke 22:62

Kiijiishe, Petar ka jam rukphai na kiho raüta pinthum hoq siqto.

Luke 7:13

Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Luke 7:19

Tatiwe phana bom tiiwai kai tiikito. Tsangnai ka Jesuq phana kiraüta, “Ümnaq ardea sha Johan raq, maiq weshi saüho tlo nguta chongtiiwe kra, sha naishiq raq ahinti miki nguta khechang wa miraq?” nguta waito.

John 13:38

Kiijiishe, Jesuq raq, “Ümniiriisha ngi miitu atsai mikham haü ngu kai? Ngi chongpha. Arka tengteng: Athi rawa li wupongwe ka miwa shaq liipan niili, ümniiraq ngi ka juwa sapmang nguta jangtsam mitiishaü baiq haü!” nguta Jesuq raq Petar bom ka treto.

Acts 5:31

Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.

Ephesians 2:11

Namshiq ka namnyung pukdong Pongnok phan maiqse. Jehudinok raq namshiq ka “athohan hü nok” nguta tsaihai tlo. Tsangshiq ka athohan je phan. Kriika Shiikeawe sengi nguta tiichhike la na, tsangshiq raq atho ka hantlo. Shatmaq, ara athohan tri arka, maiqse raq athü tri raü tu. Namshiq ka man na jamkho silan kra, tiima rong liina.

Revelation 2:5

Tiima rong laq. Namshiq ka ümtinkhan tsaü diikiq niishe wa dea wan lan! Arkha maq, ümchaü min, namshiq ngarai lam wa ngi phana jang wan tlo ronglaq. Lanta, man na aphaji na ngi ka jamkho lungwii lan, ikha hali lungwii lanta sironglaq. Namshiq ngarai lam phan wa jang wan man la jiila, ngi kilata namshiq lem ka ato chang ba wa ado mirki ha.