Luke 20:16 - ASII LAKDAP Bible (BSI)

¹⁶ “Apaiq ka kiraüta, wakshiip seatinok ka wiita atsea mirbaiq. Raüta, wak ka maiq ahinti miishe mitiishiip kuq!” nguta Jesuq raq tsangshiq ma bom ka chongkuqto. Nokwe raq kra bomchong kra tai raüta, “Ai, akha wiqwiq kla, naq ümriikiq dea!” nguta Jesuq bom ka treto.

Hawa Naga Bible 2001

¹⁶ “Piq kaz vtueq sunc shuimc jix htenc kuex thvt gay ruiux, svpiq sunc kuex miq vbez muex tvshap kuq gay shuex,” ngoz tueq. Kvruex kvjaz tay jix miq htenc rueq, “Kvkhoc kuex yaungx muq mrvkueq!” ngoz tueq.

Muklom

¹⁶ Piq tha thu eq eshi jakthang ma somtey tang tha tatik chak na etho upik sha adak miqtang ma tapik ma kot na.” Miqtang aa etha tat eq batta, “Irimal nakcham ang aa!”

Luke 20:16 Referencias Cruzadas

Matthew 21:34

Spiqtsi mancho akhing she saüto angu niishe, apaiq raq adisetiim ka wakkheng na shamseati phana, akheng tiijaü wa she tiiwato.

Matthew 21:41

Kiijiishe tsangshiq raq apaiq bom ka, “Apaiq raq matwetiim ka wiita mijiip baiq. Raüta wak ka akheng riikhaqli akhing na keti maiq ahinti miishe mitiishiip kuq,” nguta treto.

Matthew 22:7

Kriikha miishe, hokham we ka pinthum walüwa ikhiishe khiqto. Kiimaq apaiq raq phenlanok tiiki raüta, matwe jawanti kong kra tiitsat baiqto. Raüta tsangshiq chela thun kra wa miishe tiichaq baiqto.

Mark 12:9

Kra chongkuq raütiishe, Jesuq raq tsangshiq ma bom ka akhiishe waito, “Riita spiqro tati we riika, jamlai she wa mirnya? Apaiq ka kiraüta wakshiiptinok ka wiita mijiip baiqki. Raüta, spiqro ka nanok maiq ahinti miishe mishiip kuq thü.

Luke 19:27

Riita, ija, ümchaü min, i jaqtinok, ngi ka tsangshiq khuthaq na hokham ma tiija wan lungwii makti thun kriika, lap wa lanta ana tsiiq wa rongkiq. Lanta, tsangshiq ka ajaq, i makki na jiipbaiq ronglaq!’ ”

Luke 20:15

Krai mren she, tsangshiq raq apaiq ka lapho raüta, spiqtsi ro wak phekam na hitho raüta tsatbaiq kito.” “Riita, ikhiijiika, wakchongti we raq wakshiip seatinok kriika jamkhii she mirwan ngutiiwa tiima tlan?” nguta Jesuq raq tsangshiq ma bom ka waito.

Acts 13:46

Shatmaq, Paul nai Barnabas riika, kra thaq na achat raütiishe, chaqchaq miishe hali akha ngutiishe tra hokuqto: “Shiikeawe bomtsi ka namshiq ma kongkhu chongke chang akhek. Kriikha maq namshiq ma kongkhu chongkuq tiikai. Shatmaq, ümchaü namshiq raq, Shiikeawe bomtsi ka shipoq baiq tlan. Krai mren, namshiq ka pattup pat-sa tsitsü rilung lap wan chang wa, sinchiitsap jamkho tsuq baiq tlaq ikhli she, maiqmii nai maiqmii li she tiitsuq baiq wan tlan. Riita, ija ahea na. Ikhiijiika, ümchaü sanha, namshiq ka baiqthü laitiishe, naishiq raq Shiikeawe bomtsi ka Pongnok phan maiqse miishe michong kuq hai.

Romans 11:1

Riita, ümchaü min, ngi raq bomtsi ka akha wai pha shaq. Riita, ija, Shiikeawe raq asengi Israilnok ka, tiishaü baiq tlii she dea sha tiishaü baiq ta? Tiishaübaiq tlii langlang kla tiishaü baiq mak dea! Kriika, ümkhiiriita jiimin tiishaü baiq mak. Ara akha jamkhano chongtiikai ngukla, ngi ahata Israilnok phan. Abraham saüse lai. I weraü mang ka Benjamin weraü.

Romans 11:11

Ikhla, ngi raq bom ka akhiishe wainong pha: Riita, Jehudinok ka tsangshiq maiqmii shut phit wan tlaq kra thiikho mong na, tiimiqchup she, chongthum ma jawan tlii she dea sha thenjen wanta? Thummak! Miqchup ka miq mak dea! Tsangshiq raq ngarai tang wantaq kriikha maq, tiichhii wan rawüli kriika, Pongnok phan maiqse miishe kuq wanto. Arka, Jehudinok raq Pongnok phan maiqse tiichhii wan tlaq kra chhi raüta, tsangshiq mak kriishe mishu rai laq nguta, Pongnok phan maiqse miishe tiichhii wan rawüli ka kuq wanto.

Romans 3:31

Riita, ikhiijiika, ara kamtsantsii ri thü wan kai she nguta, Thungtri ka brorii mai she sha miriirong i? Riimak, kiikhiika riimak. Ümchaü nashiq raq, Thungtri raü kha thun ka samhea she tiipha kha wan nong tiikai.

Romans 3:4

Kiikhiika riimak! Shiikeawe raq jamlai bom wa khamtaq, kriika tiipoi mak phan! Maiqse angu thun riiwe kla ka, wiita joksaü liiqsetiim kong li jiimin, Shiikeawe ka tingting. Asii Bomtsi na akha chong tlo: “Ümniiriika tengteng bom li chong tlaü; jurmin ümniika rung maq tiijiqlot mak phan, ümkha ka ümniiraq tang chang dongdii.”

Romans 3:6

Akha kla jurmin ngulot mai jo! Shiikeawe apaiq tingting maq simak ngu raü ka, apaiq raq mangjong maiqse kha ka jamkho, tingting ma mipho kuq?

Romans 6:15

Riita, ümchaü ka nashiq raq jamlai riichong chang she wiita? Ümchaü sanha, nashiq ri thungtri wokhong na simai she, shatmaq, Shiikeawe kaphap mangchan wokhong niishe sitiikai ngo kha maq, nashiq riika ngarai sha mitang rong i? Riimak! Kiikhiika ümtiikiimin riimak.

Romans 6:2

Kriika ümtiikiimin riimak! Nashiq ka ngarai lamphan na atsai kai kun she. Tsaiki kai she ningkhan, tiithong kiki ka, jamkho ngarai mong niili misi nong rong i?

Romans 7:13

Kiikha shatmiitiq, ara jamlai phan wa ahea awa phan nguta thü wan tlaq, kra riika, ngi arka jamkho tsatbaiq wan phiita? Kiikha kla riimak! Ngi arka ngarai raq tiina tsatbaiq wantaq. Ngarai riika, jamlai wa ahea phan nguta sitlaq, kra lümaq ngi ara tsatbaiq wanto. Kriika, riikhaqli ngarai rong arai kra tiichhike wan miitu she riito. Kiimaq ara Thungtri aming thun ara lümaq, ngarai ningkun tu heng sitlaq kriika, aheng thaq niimin henghea, bihea sitlo nguta, kra tiichhi kuqtlo.

Romans 7:7

Riita, ikhiijiika ümchaü sanha, Thungtri kriika ngarai tu kaü dea ngutiishe sha mingu rong i? Riimak, kiikha kla riimak! Shatmaq, ngi ma ngarai ka jamlai nang wa ngutla, kra bomtsi kra tru chongketi ka Thungtri raq chongkuqto. Thungtri raq, “Maiqhuk maiqsam ma naq sü ramkiq,” nguta, ngi ma aming kuq mak ngu raü jiika, ngi raq sükha tsii ka jamlai ngo nang wa kra, sap mang mirha wa.

Romans 9:14

Riita, ikhiijiika, ara chong tiikai arkha maq, Shiikeawe raq tri raü ka, tingting maq sham wan mak nguta, nashiq raq apaiq ma mingu lot rong i sha? Riimak, nashiq raq kiikha ka ngulot mai.

1 Corinthians 6:15

Namshiq raq asap han, namshiq khum ka Jesuq Khristo khum sitlaq kra pan athiq. Riita ikha jiika, ngi raq Jesuq Khristo khum kiiwa panshi ka lamho lata, mephe nyung han-ngam rai adam na mipop kiha sha? Ümtiikiimin popki mang!

Galatians 2:17

Riita, ikhiijiika, nashiq raq, na khum ara, Jesuq Khristo rai pumshi hanshi maq silaita, kra lü miitiq, Shiikeawe raq nashiq ara kechu maiqse she dea nguta, apaiq wokhong na tiisi tlaq jiika, nashiq armin ngarai maiqse, Pongnok phan maiqse sitlaq kiikhiisii, khoshi na siti ngarai maiqsetiim siisaq li dea sirai tiikai ahata. Riita, ikhiijiika, Khristo riika, ngarai jaq sha sham tla? Kriika riimak!

Galatians 3:21

Riita, ikhiijiika Thungtri ka, Shiikeawe raq Abraham ma kiqkham raüpot khakuqtaq kra, tiiku wan jiiq nguta, lam tangta baiq wan miitu akuq sha? Riimak, kiikhiika riimak! Maiqse raq, thungtri ka lang raüta, pattup rilung lap wan tlaq ngu raü jiika, maiqse angu loweatek raq, thungtri lang raütli, Shiikeawe man na, kechu maiqse siisaq jawan chang lamlu misi wa.

Galatians 6:14

Riita, ngi riikla, Tati Jesuq Khristo pumsongkham na tsaitaq, kra shomra tiikang, kriili she. Ara jamkhano chongtiikang ngukla, apaiq tsai taq pumsongkham lümaq, mangjong hiq rilung lam phan na, jamlai phan wa araa ariq phan nguta weawun wan tlaq thun kriika, ümchaü sanha, ngi miika hiqtili ikhli she. Ngi ka arthun armiika, atsaikai kun she. Ngi armin, mangjong rilung lamphan miitu ka, atsaikai wishe.