Luke 20:16 - Hawa Naga Bible 2001

¹⁶ “Piq kaz vtueq sunc shuimc jix htenc kuex thvt gay ruiux, svpiq sunc kuex miq vbez muex tvshap kuq gay shuex,” ngoz tueq. Kvruex kvjaz tay jix miq htenc rueq, “Kvkhoc kuex yaungx muq mrvkueq!” ngoz tueq.

ASII LAKDAP Bible (BSI)

¹⁶ “Apaiq ka kiraüta, wakshiip seatinok ka wiita atsea mirbaiq. Raüta, wak ka maiq ahinti miishe mitiishiip kuq!” nguta Jesuq raq tsangshiq ma bom ka chongkuqto. Nokwe raq kra bomchong kra tai raüta, “Ai, akha wiqwiq kla, naq ümriikiq dea!” nguta Jesuq bom ka treto.

Muklom

¹⁶ Piq tha thu eq eshi jakthang ma somtey tang tha tatik chak na etho upik sha adak miqtang ma tapik ma kot na.” Miqtang aa etha tat eq batta, “Irimal nakcham ang aa!”

Luke 20:16 Referencias Cruzadas

Matthew 21:34

Vthuey muinc jauz httuiuc wvnc tueq nuex, piq rueq lvp aungx yaq vthuey kuex tvlvmc kay tvkoc sunc shuimc jix hez kox nuex piq kolix bix kuex kaz tueq.

Matthew 21:41

Tsuingshiq rueq, “Honc bac miq htenc kuex piq rueq vsuing thvt gay shuex, svpiq thuey muinx jauz piq muex khauk khauk kuy jix miq vganc muex tvshap kuq gay shuex,” ngoz tueq tvralc wuez tueq.

Matthew 22:7

Hokhvmx waz kuex pinhtumc khaq vtueq piq nolaungx bix kuex tvkaz ruiux raz tueq miq thvy jix htenc kuex tvthvt gay kaz tueq, tsuingshiq ghaq kvmuinz wvr maq jauk gay tueq.

Mark 12:9

“Kvkaq sunc taungjix waz rueq yvmx khoc lac ruez gay shvnx? Piq kaz vtueq sunc shap shuimc jix hez kuex thvt gay ruiux, sunc kuex vganc jix muex tvshap kuq gay shuex.

Luke 19:27

Kvmaq raz tueq, majuiuc tsuingshiq htauk nuex ngaz hokhvmx yaungx vtueq guimz lawc kuex roc muq jix ralx htenc kuex gvl wvnc vtueq, ngvy htumc vyuq thvt gay shuinz,’ ngoz tueq nvr tueq!”

Luke 20:15

Sunc taungjix waz saz kuex ruk yix kox nuex tvdung shvlx laq vtueq thvt gay kaz tueq. “Rvkoq tueq sunc taungjix waz rueq tsuingshiq kuex yvmx khoc lac rvshvnx?” ngoz tueq tsuingshiq muex Yesu rueq wiz tueq.

Acts 13:46

Polu nuiyc Barnaba rueq khvmc thuinz maq jungx tueq kuex, “Nuiyshiq rueq Tishox bomjungc kuex nuimshiq muex kungkhux tvluing kuq vphix, yuq muinz nuimshiq rueq kvruex tvrac kuex tuip gay ruiux, miqmac shauk vgvnz kv-ngoc pattup rullungx rulc hungx htaungx muq jix ngoz tueq kv-ngoc vtuinx ningkhvnc nuex nuiyshiq kuex nuimshiq kox wawc dung wvnc vtueq, Pungnuk miqsaz kox nuex kaz wvnc vtix.

Romans 11:1

Kvkhoc rvtueq ngaz rueq wiz nyix, Tishox rueq vpiq miqsaz htenc kuex tvdux gay tueq shuex haz? Ekvkhoc kuex rvmuq! Ngaz muinz Israel miqsaz, Abraham suiuz vsaz Benjamin waruiuz wawc rvtauk.

Romans 11:11

Ngaz rueq wiz yek ix, Yuda miqsaz htenc tsuingshiq kuex kvhtuip rul bac wvnc tueq shex haz? Kvkhoc kuex rvmuq! Yvmx khoc lac ngoz ruiux lec tsuingshiq mvrax httaz ningkhvnc nuex Pungnuk miqsaz htenc kuex palc daungc wvnc rvhumc tueq, kvruex kuex Yuda miqsaz htenc khelric bac thuinz httax wvnc tvkoc rvtueq.

Romans 3:31

Kvkhoc ngoz ruiux yuq naungshiq kvmluimx thuinz maq Tvrac kuex vtvdux haz rvgay vshix? Kvkhoc kuex rvmuq; Tvrac kuex naungshiq rueq tv-phaungx ngaungx vshix rvtueq.

Romans 3:4

Kvkhoc kuex rvmuq! Miqsaz lotlaz vrot vkaq muex yaungx ruiux muinz Tishox kuex tsuingrux hvlc waz rvtueq. Rumvrc luik nuex, “Mnoz rueq jungphvnx ruiux yuq mnoz kuex vlvmx waz rvtoq lvmz kvkhic wvnc tuex; khac phoc rvhumc ruiux muinz mnoz rueq dvyx taungx shuiux,” ngoz tueq wuiyq shec tueq.

Romans 3:6

Kvkhoc kuex rvmuq! Mkhoc shoc maq Tishox kuex tsuingrux muq waz ngoz ruiux yuq mungkawx vruex yvmx khoc lac phox kuq lot shvnx?

Romans 6:15

Kvkhoc rvtueq naungshiq kuex tvrac khung nuex httax miq shex, lec Tishox kejux khung nuex naungshiq httax vtix ningkhvnc nuex mvrax shuimx wuez yek shuinz ngoz tueq ngoc juing haz? Kvkhoc kuex rvmuq!

Romans 6:2

Kvkhoc kuex rvmuq! Mvrax wawc vrv-phvlc wvnc wuez shex naungshiq kuex mvrax mungx nuex yek shiz yvmx ngoz tueq khuemc yek lac?

Romans 7:13

Kvkhoc ngoz ruiux kuex vhvlx phvnx rueq ngvy tvkoc vthueyc juing haz yaungx yaq nguinx? Kvkhoc kuex rvmuq! Ngvy tvthueyc jix kuex mvrax rvtueq; mvrax rueq pukdungc honc vyaungc vbac kuex tvkhic kuy tvkoc vhvlx kuex shuimx vtueq ngaz kuex tvthueyc gay phuex. Kvkhoc rvtueq mvrax kuex mtanc kvhiz juing lac lvmz kuex tvrac maq tvkhic yaq.

Romans 7:7

Kvkhoc rvtueq naungshiq rueq mkhoc jungc juing lac? Tvrac kvruex mvrax ngoz tueq ngoc juing haz? Kvkhoc kuex rvmuq! Yuq muinz mvrax kuex yvmx lac rvtvnx lvmx tvrac rueq ngaz muex tvtuiuz kuq phuex. Mkhoc shoc maq Tvrac rueq, “Kvkax wax thuinz nauk httax kaz,” ngoz tueq jungx muq ngoz ruiux kuex, kvkax wax thuinz kuex yvmx wuez rvtvnx ngaz rueq tuiuz shaungx rvmuq.

Romans 9:14

Kvkhoc rvtueq Tishox kuex tvrac vlvmz muex yaungx muq haz? Kvkhoc kuex rvmuq.

1 Corinthians 6:15

Nuimshiq shauk vpumz kuex Christu guix vgvnz phux rvtueq kuex nuimshiq rueq tuiuz muit haz? Ngaz rueq Christu guix vgvnz phux kuex lvmz vtueq mephex nyuiuz gvnz muex haz tvyaungc gay shaungx? Kvkhoc kuex mvy muq!

Galatians 2:17

Kvkhoc rvtueq naungshiq kuex Christu nuex vshiz dvyx yaungx vtueq Tishox rueq tvtsuing tvrux kuy vkhangx kuex lvp wvnc tvkoc hunglaungx vtix nuex, miqmac muinz Pungnuk miqsaz htenc ikhoc mvrax yaq jix yaungx vtix lvmx khiz ruiux yuq, Christu kuex naungshiq muex mvrax tvyaq kuy muex haz yaungx yaq nguinx? Kvkhoc kuex rvmuq!

Galatians 3:21

Kvkhoc ngoz ruiux Tvrac kuex Tishox bomkhvmc rulc rungx raz muq haz? Kvkhoc kuex rvmuq! Yvmx khoc lac ngoz ruiux lec rullungx tvraungx kuq lot yaq tvrac kuex miqsaz rueq lvp ruiux yuq, miq tek vtueq kvruex tvrac kuex phvnx ruiux Tishox rueq htumc nuex tvtsuing tvrux kuy vkhangx lvp wuez khvmz tueq.

Galatians 6:14

Ngaz kuex naungshiq Taungjix Yesu Christu yauk juinc bulx lvmx maq lvy vtueq, vganc yvmx phvnx tvkoc muinz kvsomc parc taungx rvmuq, vpiq yauk juinc bulx lvmx ningkhvnc nuex mungkawx kuex ngvy tvkoc vmaungx yaungx ruiux, ngaz muinz mungkawx tvkoc vmaungx yaungx wvnc tauk.