Luke 20:10 - ASII LAKDAP Bible (BSI)

¹⁰ Spiqtsi pansea cho akhing she saüto angu na, apaiq raq adise ashi ka, waksham seatibi phana, wakkheng tiijaükai tiikito. Shatmaq, wakshiip seatinok raq, adise saüwa kiita, apaiq ka ninta tsat raüta, jaqmii miili tiijang baiqto.

Hawa Naga Bible 2001

¹⁰ Vthuey vngoz muinc jauz nuex vthuey wawc piq muex kuy juing rawc kuex mkuq phueq ngoz tueq sunc shuimc jix hez kox nuex dax washiz nvr tvkaz tueq; sunc yauk shuimc jix hez rueq kvruex waz kuex phel thuit wung vtueq shauk htuiz maq tvyek wvnc tueq.

Muklom

¹⁰ Suti mintoksey ang atho, piq aa usanga wa tha suti uphal tha somma takatta. Etharin eshi jakthang ma somlot tey tang aa eshi sanga tha wat eq jakchangpol thawel ta.

Luke 20:10 Referencias Cruzadas

1 HOKHVMX 22:24

Kiijiishe shammiwe Jedekia ka Mika tho na chap wa raüta, atheaphi na riisiiq tsatto. Raüta apaiq ma, “Riita Tatiwe wenyi ka ikhum wa ümtincho wa kihota, raüta ümniiphana wawan raüta, ümniima bom ka chongkuqta?”

2 HOKHVMX 17:13

Tatiwe raq akiimwetiim nai ashammibi thun tiiki raüta Israil mungti nai Juda mungti ma honlam tsütsa akha tiichonghoto: “Namshiq raq ajiq lam phan tlan kra miimbaiq ronglaq. Lanta ngi raq akuqha aming thun kra lang rong laq. Kriithun ka ngi raq namtitiim ma Thungtri lakdap kuqkang kriijaq asi kiimaq kriika ngi raq namshiq ma ijaqshisetiim shammibi lümaq kuq wan kang.”

1 KAÜWA WERAÜ 19:4

Krai mren Hanun raq Dawit kiimwebi ka lapto. Raüta tsangshiq nübin ka sibaiqto. Kiimaq tsangshiq dü na asam khea ka tsang hüko jam ba maq chumbaiqto. Raüta tsangshiq ka tsangshiq na tiijang baiqto.

2 KAÜWA WERAÜ 16:10

Ara ngukiita Asa ka pinthun shammiwe ma khiqto. Kiimaq apaiq ka thong na tiithii baiqto. Kiimaq kra akhing niisii she Asa raq maiq wiijamti ka jimaq nishi shi she tiicham chao wanto.

NEHEMIA 9:26

“Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto.

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

Tvtsvmc 1:3

Tsangshiq ka jüserai kii na acham pero ikha, akhing khaq khaq na atsi ango riitlo, kiimaq ajaq thun ka shinki mak phan. Tsangshiq raq jam lai wa shamtlaq kra ong wan ruq riitlo.

JEREMIA 2:30

Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.

JEREMIA 20:2

apaiq raq ngi ka atea ronglaq nguta aming kuqto. Raüta ngi ka jinraü kharü maq khato. Raüta Shomjam na wachang lamthaq niiti Benjamin Kilamchong kiijaq banto.

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 5:24

Namshiq raq ngi shreng wan ka jangshi ra min tiima man. Ngi raq namshiq miitu liidong wan ra tiijun kuq kang. Lamse sat ra min tiijun kuq kang. Lata namshiq ma rawiitek tsamjut cho akhing kuqkang.

Luke 13:34

“O, Jerusalem le, Jerusalem le! Ümniiraq shammibi thun ka pahea tsatbaiq laü. Shiikeawe raq ümphana tsütsa chong kai tsasoqti atiiki thun kra ümniiraq tsatbaiq laü! Ngi raq ümtinkhan wa, ümsengi thun kra wukaü raq asetiim wowan tlaq ikha, i wokhong na wowan pha nguta shiikut wan kang. Shatmaq, ümniiraq ngi ma tiiwo maü riilaü!

Luke 20:11

Kriikha maq, apaiq raq adise ashi hali, tsangshiq phana tiiki nongto. Shatmaq, wakshiip seatinok raq, apaiq kiimin ninta tsatto. Kiimaq tiijea miisi she haihii raüta, jaqmii maq hali tiiwa baiq nongto.

Luke 20:9

Kiijiishe, Jesuq raq nokwe ma ara manphan shiiton arshe chongkuqto. “Akhing ashi na maiq weshi raq spiqtsi ro ashi chhito. Kra spiqtsi ro ka akheng na shamseati ma tiishiip kuqto. Raüta, apaiq ka wanhiq na luhea sikai she kihoto.

John 15:16

Namshiq raq i puk na nyap wan miitu, ngi ka ritwan man dea. Shatmaq, ngi raq namshiq ka tsea tsiiq wan kang. Lata, namshiq ka shong wan kang. Arka namshiq rilung jaqsham na, pattup thenkimak chang phan, atsi ango pahea mitsi ngo laq nguta, ngi raq namshiq ka shong wan kang. Krai mren, i mang na namshiq raq ajaü jaü kra, i We raq namshiq ma mikuq.

Romans 7:4

Phunainotiim lei, ara chongtiikang tri bomtsi ara niq riri, namshiq kiimin sitlan. Thungtri nai namshiq liipan niika, lamphan railo ka atiipan kai kun she. Namshiq ka Thungtri kharü mong wa atsai kai wishe. Jamkhano ngukla, namshiq ka Jesuq Khristo khum sitlaq kra, pan athiq she sitlan. Kiimaq ümchaü namshiq ka amaa wa tiidong wantaq we kra rii ngutiishe sitlan. Arka, ümchaü sanha, nashiq tarü ka Shiikeawe kriili she shomnoq laita siwan miitu atra sitiikai.