Luke 20:10 - Hawa Naga Bible 2001

¹⁰ Vthuey vngoz muinc jauz nuex vthuey wawc piq muex kuy juing rawc kuex mkuq phueq ngoz tueq sunc shuimc jix hez kox nuex dax washiz nvr tvkaz tueq; sunc yauk shuimc jix hez rueq kvruex waz kuex phel thuit wung vtueq shauk htuiz maq tvyek wvnc tueq.

ASII LAKDAP Bible (BSI)

¹⁰ Spiqtsi pansea cho akhing she saüto angu na, apaiq raq adise ashi ka, waksham seatibi phana, wakkheng tiijaükai tiikito. Shatmaq, wakshiip seatinok raq, adise saüwa kiita, apaiq ka ninta tsat raüta, jaqmii miili tiijang baiqto.

Muklom

¹⁰ Suti mintoksey ang atho, piq aa usanga wa tha suti uphal tha somma takatta. Etharin eshi jakthang ma somlot tey tang aa eshi sanga tha wat eq jakchangpol thawel ta.

Luke 20:10 Referencias Cruzadas

1 HOKHVMX 22:24

Kvruex yimaq shvmmax Zedekia kuex Mikaia kox nuex duiz woz vtueq vhtvlx nuex thvt ruiux jungx tueq kuex, “Yehowa siyac kuex ngvy kox wawc dung wvnc vtueq mnoz kox nuex mkaq muinz lac rvbomc kaz ruiux tvnx?” ngoz tueq wiz tueq.

2 HOKHVMX 17:13

Yehowa rueq Israel nuiyc Yuda kuex tvhonc tvsvmz tvkoc vpiq kamx bix nuiyc shvmmax bix kuex tvkaz vtueq: “Nuimshiq rueq shuimx vshuinx layx vbac kuex gay shec ruiux, nuimshiq jix vwaz tamx muex ngaz rueq kuq tauk Tvrac nuex lomx yaq ngaz rueq nvrc bomc htenc kvmuinz, ngvy nvrc waz hez rvtueq shvmmax bix maq raz tueq nuimshiq muex tvlvy kuq wvnc tueq kuex phvnx wuez shuinz,” ngoz tueq jungx tueq.

1 KAÜWA WERAÜ 19:4

Hanun rueq Dawid kamx waz hez kuex lvp vtueq, kaqbanx kholak kuex sulx gay ruiux, wex jungx nuex httuiuc laz tsuinghez khoz vkhvy kuex gvnz gay vtueq tsuinghez kuex tvkaz gay tueq.

2 KAÜWA WERAÜ 16:10

Kvruex kvjaz kvmac Asa kuex pinhtumc khaq vtueq shvmmax waz kuex yanx ruiuz maq khvrc gay tueq. Kvruex baunglaung kvkaq Asa rueq miq wvyvmc kuex guirguenz phaungc wvnc tueq.

NEHEMIA 9:26

“Yuq muinz mmiqsaz rueq khawx lvlx vtueq mkvjaz kuex tay muq; tsuingshiq rueq mnoz Tvrac kuex tvdux gay wuez tueq. Tsuingshiq muex honc tvsvmc kuy jix nuiyc, mnoz kox nuex kvyez tvkoc jungc kuy jix, shvmmax bix kuex tsuingshiq rueq thvt gay tueq. Tsuingshiq rueq mnoz muex lauk wvruip ruip yomnamc wuez tueq,

NEHEMIA 9:30

Mnoz rueq tsuingshiq muex wawc shiz maq wawc shiz nanx kuq vtueq honc tvsvmz kuq toq. Msiyac rueq htuiuz shuiuz vtueq mshvmmax bix rueq jungx kuq wvnc tueq, yuq muinz mmiqsaz kuex nac bawx, kvkhoc rvtueq mnoz rueq vganc miqphvnx muex tsuingshiq kuex tvkhvt gay toq.

Tvtsvmc 1:3

Tsuingshiq kuex yuix kawx nuex kemz vtueq piq vkhing nuex vthuey thuey ruiux, vyauk yuiuq muq pulx jungx htenc ikhoc rvtueq. Tsuingshiq rueq shuimx kaz yaq phvnx ruip saz kuex lotlaungc wuez yaq.

JEREMIA 2:30

Ngaz rueq nuimshiq muex murx tvgurc ruiux muinz vbac; nuimshiq muex tvhonc tvtharc kuex nuimshiq rueq roc muit. Pinhtumc khaq yaq hangsic ikhoc nuimshiq rueq nuimshiq shvmmax bix kuex thvt gay wuez tuit.

JEREMIA 20:2

piq rueq ngaz kuex wungthvt ruiux Shomc Yuimx mungx htauk kox wawc Benjamin Palx kaluix hep nuex yanx ruiuz maq khvrc tvy tvkoc nvr tueq.

JEREMIA 35:15

Ngaz rueq nuimshiq kox nuex ngvy nvrc waz hez shvmmax bix lotlaz kuex tvhttoarc vtueq tvkaz vphaungx, tsuingshiq rueq nuimshiq miqmac layx vbac htenc kuex gay iruiux tsuingrux yauk shuimc wvnc tvkoc jungx kv-phuinx. Tsuingshiq rueq nuimshiq muex vganc tishox htenc kuex nawk palx muit tvkoc honc tvsvmz kuq tueq, kvkhoc rvtueq ngaz rueq nuimshiq nuiyc nuimshiq jix vwaz tamx muex vkuq mungtan nuex nuimshiq httax ruq httaz tvkoc tvmaung tauk. Yuq muinz nuimshiq rueq ngvy kvjaz tay muit nuiyc wvlc guez tvyaungc vshuinx.

JEREMIA 5:24

Yux vlawc tv-phvnc yux dungc nuiyc lawc dungc raungx tvyunc kuq vtueq, mkaq muinz vthuey vngoz tvjomx jauz tvhungx kuy jix ngaz kuex nuimshiq rueq tvtsanc nganc muit.

Luke 13:34

“Yerusalem lex, Yerusalem lex! Shvmmax bix kuex thvt gay ruiux, mnoz kox nuex Tishox rueq vtvkaz kamx waz hez kuex lung maq tuip thvt gay toq! Wukuiux rueq vsahez kuex vraungx khung nuex tvkhup wungx yaq ikhoc mmiqsaz htenc lotlaz kuex ngaz rueq lauk wvruip ruip tvtuimx roc tauk, yuq muinz mnoz rueq ngaz muex kvkhoc tvshuimc muq!

Luke 20:11

Kvruex yimaq sunc taungjix waz rueq dax vganc washiz hulawx tvkaz yek tueq, kvruex waz kvmuinz tsuingshiq rueq phel thuit wung ruiux tvyvlc tvsac guirguenz vtueq shauk httuiz hulawx tvyek gay tueq.

Luke 20:9

Kvkaq Yesu rueq nuk miqsaz muex bomc tv-ngvlc maq jungx kuq tueq kuex, “Lauk shiz miq washiz kuex svpiq sunc vshiz khic taq vtueq, sunc shuimc jix muex tvshap shec ruiux, mungx vganc nuex vluz waq httax kaz tueq.

John 15:16

Nuimshiq rueq ngaz thvl wvnc phuinx rvmuq, nuimshiq kaz wvnc vtueq vthuey vngoz paunghvlc thuey ngoz muex nuiyc vthuey kuex phaungx ngaungx tvkoc ngaz rueq nuimshiq kuex thvl wvnc vtueq tvhungx taq vphaungx. Kvkhoc rvtueq ngvy muingc ruingc vtueq nuimshiq rueq Vwaz kox wawc thoz vshuinx phvnx htenc kuex nuimshiq muex kuq kv-phuinx.

Romans 7:4

Phunox bix lex, vruex kuex nuimshiq nuex muinz seng yaq. Nuimshiq muinz Christu shauk vgvnz rulc roc nuex thueyc ningkhvnc nuex Tvrac mungx wawc dung wvnc tuit shex; kvkhoc rvtueq majuiuc kuex Tishox tvkoc vjux vhttax yaungc wvnc tvkoc laung nuex nuimshiq kuex vthueyc wawc Tishox rueq tvyuing tvtenc wvnc tueq Christu miqsaz muex shex yaungx wvnc tuit.