Luke 2:41 - ASII LAKDAP Bible (BSI)

⁴¹ Rawiitek, Jesuq nyungwe ka Jerusalem na Tiichhii Wan Poi lomkai kitlo.

Hawa Naga Bible 2001

⁴¹ Yesu vpiq nyuiuz waz kuex Tvlvy Wvnc Moalx httuiuc wvnc ruiux lec wawc tek Yerusalem nuex kaz ruiux tuex.

Muklom

⁴¹ Pangwet Jesu nu nia wa Jerusalem náng Ulit kut aa kan ma kata.

Luke 2:41 Referencias Cruzadas

DUNGWVNC 12:11

Namshiq raq kra ngam ka taülaü khiq maq phaq chang. Jamkhano ngukla namshiq ka miirii samje maq alaü wan miitu khekham maq hokkop ka hok na para chhaq kiimaq maiqmii nyeakii ka jaq na doraq chhaq maq ngam ka phaq chang. Arka Tiichhii Wan Poi phaqsea, Ngi, Tatiwe shreng miitu.

DUNGWVNC 12:14

Namshiq raq ara ranaiq arka, Ngi Tatiwe raq jamlai wa shamkuq kang kra tsan na tiitsang wan miitu kamtsantsii poi ma seng lanta lang wan ratlo. Arka Ngi Tatiwe raq namshiq miitu jamlai jaqwa shamkuq kang kra nam tsan na tiitsang shat miitu akam alam poi nguta lang wan ratlo. Arka pattup pat-sa langruq ronglaq.”

DUNGWVNC 34:23

“Wiishi na jangtsam namshiq maiqwere kunli raq, Ngi Tatiwe, Israilnok Shiikeawe ka shomnoq wa ratlo.

LEWI 23:5

Tiichhiiwan Poi ka Tatiwe shreng miitu langtlo. Arka apha wan jipi lü wa raroqshi ri rablai ranaiq na rashe nyap wan na klo phahotlo.

WEAWEA 28:16

Tatiwe shreng Tiichhiiwan Poi ka rawii phawan jipi lü na raroqshi ri rablai angu ranaiq na klo chang.

Luke 2:42

Jesuq ka nose, arawii ka wiiroqshi ri wiinai maiq she riito. Kra rawii min, wiihinjaq kitlaq kiikha, tsangshiq ka poi lomkai Jerusalem na kihoto.

John 11:55

Kra akhing na Tiichhii Wan Poi ho miika ajeli she riito. Kriikha maq, nokmaiqse pahea hiqshong rap wa, Jerusalem na Poi ho ma thung hoto. Kra thung hotaq thun kriika, Tiichhii Wan Poi lomdam ma, tsangshiq khum kra tiisii wan miitu, mrochhi wan phumram kham maq tiibatkai ngutiishe thung holito.

John 13:1

Arka Tiichhii Wan Poi ka anap she miraq angu wa bom. Jesuq raq apaiq ka ara mangjong hiq ara baiqthü raüta, Awe phana wawan aningthoi ranaiq akhing ka saü wato she nguta asap. Apaiq raq mangjong hiq na siti asengi thun ka pinthum lungwiito. Tsangshiq ka apaiq rii dongdii. Apaiq raq tsangshiq ka atiisup ranaiq na saüli lungwiito.

John 2:13

Kra bala ka Tiichhii Wan Poi ho nini she riito. Kriikha maq, Jesuq ka Jerusalem na kihoto.

John 6:4

Kra akhing ka Tiichhii Wan Poiho nini she riito.

TRI CHONGKE 12:11

Tatiwe raq apaiq shomnoq chang hiq ka bashi tiitsang dada she mitsea. Raüta mithü wan. Kra hiqba kiijiili apaiq ka namshiq raq shomnoq chang. Kiimaq ngi raq namshiq ma aming kuq kang kra phan phan, wiita namshiq raq lam wan lanta, kiijaq apaiq ma kewa ratlo: Namshiq raq wa na chaqtlii chang honglu kuqtlan kra kiimaq laihin honglu kuqtlan thun kra, namshiq raq aroq khu wa honglu kuqtlan thun kra, kiimaq namshiq raq Tatiwe ma akhek atiitsang kongphiq mikuqha nguta kiqkham kuqlan thun kra mikuq wan han.

TRI CHONGKE 12:18

Namshiq kiimaq namsetiim thun kra, nam jaqshisetiim rai adam maq kiimaq Lewinok namshiq chela thun na sitibi rai, arthun honglu kuqtlan thun arka, Tatiwe namshiq Shiikeawe rai mantut na, namshiq Tatiwe namshiq Shiikeawe raq, apaiq shomnoq miitu hiq bashi tiitsang dada tsea wantaq, kriiba niili phaqsea wan ratlo. Kiimaq namshiq ka kiijaq phanrap ümchuwa sham akai shamlan kra miitu khoqriiq shishiiq si ronglaq.

TRI CHONGKE 16:16

“Nam mungti maiqwere thun tarü ka wiishi na jangtsam noqku chang hiq bashi Tatiwe raq atsea thü kiijaq kilili raüta Tatiwe ka shomnoq kai ratlo. Arka Tiichhiiwan Poi, Tsamwi Poi, kiimaq Jolitiip Jap Poi akhing na kai lili riichang. Maiqwere loweatek raq kongphiq lamho raüta kaichang.

1 SAMUEL 1:21

Elkana nai ajamtitiim raq Shilo na kiraüta Tatiwe ma rawiitek honglu kechang nai apaiq raq kiq akhamkuq honglu kekai chang akhing she hali saü wa nongto.

1 SAMUEL 1:3

Rawiitek Elkana ka Rama chela maq Shilo chela na Tatiwe Ajong Pinthum Shiikeawe shomnoqkai nai honglu kekai kilili riitlo. Kiijaq Eli se nai Hophni nai Phinehas ka Tatiwe ramwe jaqshamti.