Luke 2:41 - Hawa Naga Bible 2001

⁴¹ Yesu vpiq nyuiuz waz kuex Tvlvy Wvnc Moalx httuiuc wvnc ruiux lec wawc tek Yerusalem nuex kaz ruiux tuex.

ASII LAKDAP Bible (BSI)

⁴¹ Rawiitek, Jesuq nyungwe ka Jerusalem na Tiichhii Wan Poi lomkai kitlo.

Muklom

⁴¹ Pangwet Jesu nu nia wa Jerusalem náng Ulit kut aa kan ma kata.

Luke 2:41 Referencias Cruzadas

DUNGWVNC 12:11

Nuimshiq rueq ngvmx kuex htat htat phauk shuinz, lvmx khuemc tvkoc kheshuit shuit ruiux, yapaungc kuex paungc vtueq yauk nuex ngvlhtulc kuex shuimx shuinz ngaz Yehowa muex tvtsanc nganc kuy Tvlvy Wvnc Moalx rvtueq.

DUNGWVNC 12:14

Ngaz Yehowa rueq shuimx wvnc tauk kuex tharc tvsvmz tvkoc vruex raungnuiyq kuex nawk palx kuiuq vmoalx raungnuiyq muex tvyaungc rax. Moalx vruex kuex httuiuc wvnc yaq ruip rawx nuex muinz moalx wuez shuinz,” ngoz tueq jungx tueq.

DUNGWVNC 34:23

“Nuimshiq miqwaz rulx lotlaz rueq wawc shiz nuex laukthuimx Ngaz, Yehowa Israel Tishox muex nawk palx wuez rax.

LEWI 23:5

Yehowa muex tvtsanc nganc tvkoc Tvlvy Wvnc Moalx kuex vphaungc yapix raungx rokshiz rac raungx bvlic raungyac shalx nyuip yix moalx wuez shuinz.

WEAWEA 28:16

Wawc tek vphaungc yapix raungx rokshiz rac raungx bvlic raungnuiyq Yehowa muex tvtsanc nganc Tvlvy Wvnc Moalx kuex moalx wuez rax.

Luke 2:42

Yesu kuex rullungx wawc 12 httuiuc tueq nuex jix moalx htungx vlayx rulc rv-ngvlc tsuinghez kaz wvnc tueq.

John 11:55

Yuda miqsaz Tvlvy Wvnc Moalx httuiuc wvnc koq tueq, miqmac shauk vgvnz tvsawc nawc tvkoc miq htenc kuex moalx max phaungc shauk nuex dvyx Yerusalem nuex duiz woz wvnc wuez tueq.

John 13:1

Majuiuc kuex Tvlvy Wvnc Moalx max phaungc shauk kungkhux raungnuiyq rvtueq. Yesu kuex vruex mungkawx vwawc dung wvnc vtueq, Vwaz kox nuex waungc wvnc vkhing httuiuc wvnc tueq kuex tuiuz tueq. Vpiq rueq mungkawx nuex httax yaq vpiq miq htenc kuex mkaq muinz lungwawx yaq rvtueq, vtvsuip nuex httuiuc laz tsuingshiq kuex lungwawx tueq.

John 2:13

Yuda miqsaz htenc Tvlvy Wvnc Moalx httuiuc wvnc koq tueq, Yesu kuex Yerusalem ghaq nuex kaz wvnc tueq.

John 6:4

Yuda miqsaz moalx rvtueq Tvlvy Wvnc Moalx httuiuc wvnc nanac shex rvtueq.

TRI CHONGKE 12:11

Yehowa rueq vpiq muex nawk palx juing baungshiz nuex dvyx thvl taq shec tueq; kvruex baung kvyuq ngaz rueq nvr phaungx rulc rv-ngvlc nuimshiq rueq wvr maq jauk shomc nawk kuy juing nuiyc vganc maq shomc nawk kuy juing htenc, nuimshiq mvnz rokshiz wawc mvnshiz nuiyc shomc kuy juing htenc, Yehowa muex vkhvmc kuq yauk noalc htep htenc kuex lvmc lvy rax.

TRI CHONGKE 12:18

Nuimshiq nuiyc nuimshiq sahez, nuimshiq nvrc waz hez nuiyc nuimshiq ghaq htenc nuex httax naungx yaq Lewi miqsaz htenc rulc muinz, Yehowa nuimshiq Tishox rueq vthvl nawk palx juing baung kvmaq Yehowa nuimshiq Tishox khaungkac nuex dvyx phuiuz svy rax. Nuimshiq rueq shuimx kaz shuinx ruip rawx nuex nuimshiq kokez wuez tuinx.

TRI CHONGKE 16:16

“Wawc shiz nuex lauk thuimx moalx tvkoc vthvl taq nawk palx juing baungshiz nuex dvyx kvyuq, Tvlvy Wvnc Moalx, Tsvmz Svy Moalx, Bulax Tap Moalx kuex moalx ruiux yuq, nuimshiq phvnx wawc miqwaz rulx lotlaz Yehowa muex nawk palx kay rax.

1 SAMUEL 1:21

Vkhing httuiuc wvnc yek koq tueq, piq rueq bomkhvmc taq tueq rulc rv-ngvlc Elkana nuiyc vyuimx wuinz htenc kuex Shilo nuex kaz wvnc vtueq, wawc tek shomc nawk kuq yaq phvnx nuiyc htep shomc nawk kuy juing kuex Tishox muex shomc kuq tueq.

1 SAMUEL 1:3

Elkana kuex Tvphaungc Tvsuip Yehowa muex nawk palx kay shomc nawk juing shomc kuy muex ngoz tueq Rama ghaq maq Yehowa shomc waz bix Eli saz miqwaz saz nueyc rvtueq Hophani nuiyc Phineha httax yaq Shilo ghaq nuex wawc tek kaz ruiux tuex.