Luke 2:4 - ASII LAKDAP Bible (BSI)

⁴ Kiimaq, Joseph ka Gelili wang na Najareth chela maq, Judia wang na Bethlehem chela Dawit rawüchhi chang hiq na kihoto. Joseph ka Dawit saüse phan kha maq, kiijaq kihoto.

Hawa Naga Bible 2001

⁴ Yosep muinz Dawid suiuz vsaz phvnx ningkhvnc nuex Galile mungx Nazaret ghaq maq, Yuda mungx wawc Dawid Hokhvmx jawc juing ghaq Betlehem ghaq nuex kaz wvnc tueq.

Muklom

⁴ Req Joseph Galilee mung na Nazareth samhaq thiwang Judea mung na Bethlehem samhaq náng kata. Chammatakoi Bethlehem tha David chang haq angta etho Joseph tha David phi aa lí angta.

Luke 2:4 Referencias Cruzadas

RAPHA HIQWA LAK 35:19

Riita Rechel ka tsaiki kiita, apaiq maa ka Ephrath hiq na walam lamkii na lapto. Arka ümchaü Bethlehem ngutiishe ngutlo.

RAPHA HIQWA LAK 48:7

Ngi raq ara klo tiikang arka üm-nyung Rechel miitu klotiikang. Ngi ma itsan tsihea bunlaklak, apaiq ka Kanan mung maq tsaikito. Ngi ka Mesapotamia mung maq jang wan akhing na, Ephrath hiqshong tho maq tsaito. Ngi raq amaa ka Ephrath hiqshong na walam na lam kii niili lap kang.” (Ephrath ka ümchaü Bethlehem nguta ngutlo.)

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

Matthew 1:20

Shatmaq, liirong laq, apaiq raq akha tiima raitlaq liipan niili, rawashi apaiq ma ama maq Tatiwe rase ashi ka apaiq phana kiraüta bom ka akha chongkuqto. “Dawit lai Joseph lei, ümniiraq Meriq lam ma naq haikiq. Meriq khum na no sitlaq kriika Asii Wenyi Se.

Matthew 2:23

Raüta Najareth chela na siwato. Krai mren shammibi raq achongthü riisham bom ka riikhaqli she kuwanto. Tsangshiq raq, “Apaiq ka Najareth hiqti we nguta mingu,” nguta chongthüto.

Luke 2:3

Kra aming kuqtaq krai mren, mungnyung mungse tarü raq, maiqmiimii chela na, maiqmii mang tiiwaiqkai kihoto.

Luke 2:5

Apaiq ka tsang-nyung ma nguta awaiwi she Meriq rai, tsangnai mang tiiwaiqkai Bethlehem na kihoto. Kra akhing na Meriq ka wiihan.

Luke 4:16

Kra akhing na, Jesuq ka apaiq jonglu wan chang hiqshong Najareth hiq na wato. Raüta, Asii Niitiitsak ranaiq na, apaiq ka rahin jaq kitlaq kiikha, sinagok na kito. Raüta, apaiq ka Asii bomtsi phat chapto.

John 1:46

“Riita, Najareth hiq wa phanshi ra aliip apha dong chang ka asi sha?” nguta Nathaniel raq waito. “Walaüta liiwakiq na,” nguta Philip raq apaiq bom ka treto.

John 7:42

Asii Bomtsi na Khristo ka Dawit weraü phan wa mipoki. Kiimaq Dawit changkhü Bethlehem hiq na michiiki nguta chongtlo,” nguta riibomto.

RUTHA 1:19

Krai mren, tsangnai ka Bethlehem chela na saüli she wawanto. Tsangnai saü wan kiita, chelati nokmaiqse wiitarü ka chojong chise she riitam wanto. Kiimaq jechakre thun riika, “Riita, notsam arka Naomi irdea sha?” nguta bom wito.

RUTHA 2:4

Heashi sijai niishe, Bethlehem maq aki Boaj ka wak na saükito. Raüta ningchangtibi rai, “Tatiwe ka namshiq rai misi laq!” nguta riibomto. “Tatiwe raq ümniima mishman laq!” nguta tsangshiq raq treto.

RUTHA 4:11

Kiijiishe, mung shiilangbi nai nanok ahinti thun tarü raq, “Tengto. Naishiq tarü ka ara miitu saqsebi. Tatiwe raq ümjamti nyung ka nawi nai Israilnok phan ma wipai Rechel nai Lea raq nati Jakob ma asetiim ka wiqrai rü atang tiipuchi kuq wantaq ikha, mitiipu kuq wan laq. Namsetiim ka tere rü atang ikha Ephrath hiq shong na mipuchi wan laq. Raüta, Bethlehem chela na tsangshiq mangchong ka, ra tsa ikha mijong wan laq.

RUTHA 4:17

Kiiwa chiiti jamthaq jamkiqti jechakre nyungwere raq, kra no ka Obed nguta mangto. Tsangshiq raq nanok tarü ma, “Naomi raq ase ashi humto!” ngutiishe rinwii wanto. Riita, Obed kriishe Jessiwe riito. Kiimaq Jessi ka Dawitwe riito.

1 SAMUEL 16:1

Tatiwe raq Samuel ma nguto, “Riita ümniika, atinkhan atsaq min tsaq maü lailai, Saul miitu ka jamlai nguta jümiisea wa? Ngi raq apaiq ka Israilnok hokham ngachang wa ashleq baiq wishe. Riita, ümchaü min ümniika olip petsi tel phanshi lamho laüta, Bethlehem chela na maiq weshi Jesi ngutlaqwe phana kilaq. Jamkhano ngukla ngi raq asetiim phong wa weshi ka Israilnok khuthaq na hokham ma atsea wan kun she.”

1 SAMUEL 16:4

Krai mren, Samuel riimin Tatiwe raq chongkuqtaq kra phanphan kloto. Raüta apaiq ka Bethlehem na kihoto. Apaiq ka kiijaq saüho kiita, chelati shiilangbi thun ka tsangshiq shreng raüta Samuel taokai kito. Raüta waito, “Shammiwe lei, ümniika hansang miitu khumshiim khata saüki laü?”

1 SAMUEL 17:12

Dawit ka Jesi se. Jesi ka Juda wang na Ephrath binjü na Bethlehem chela na siti. Jesi setiim ka siphu wetiichat. Saul raq hokham jaqsham wan tlaq akhing na apaiq ka tikiishe.

1 SAMUEL 17:58

Saul raq apaiq ma waito, “Jerowe lei, ümniika juse wa?” “Ngi ka ümdise Bethlehem na siti Jesi se,” nguta Dawit raq treto.

1 SAMUEL 20:6

Kiimaq ümwe raq dungsea lam maq ngi ka ahü michhi. Raüla, apaiq ma chonglaq ngi raq ümjaq wa aming jaü lata jam na Bethlehem na taülaükhiq wawanto nguta chonglaq. Jamkhano ngukla kiijaq naishiq wiijamtam raq Tatiwe ma honglu take akhing.