Luke 2:4 - Hawa Naga Bible 2001

⁴ Yosep muinz Dawid suiuz vsaz phvnx ningkhvnc nuex Galile mungx Nazaret ghaq maq, Yuda mungx wawc Dawid Hokhvmx jawc juing ghaq Betlehem ghaq nuex kaz wvnc tueq.

ASII LAKDAP Bible (BSI)

⁴ Kiimaq, Joseph ka Gelili wang na Najareth chela maq, Judia wang na Bethlehem chela Dawit rawüchhi chang hiq na kihoto. Joseph ka Dawit saüse phan kha maq, kiijaq kihoto.

Muklom

⁴ Req Joseph Galilee mung na Nazareth samhaq thiwang Judea mung na Bethlehem samhaq náng kata. Chammatakoi Bethlehem tha David chang haq angta etho Joseph tha David phi aa lí angta.

Luke 2:4 Referencias Cruzadas

RAPHA HIQWA LAK 35:19

Rakhel thueyc kaz koq tueq majuiuc Betlehem ghaq ngoz yaq Ephrat ghaq nuex kay juing lvmx kawx nuex luip tueq.

RAPHA HIQWA LAK 48:7

Ngaz rueq mnyuiuz Rakhel ningkhvnc nuex vkhoc tvhungx htaungx vshaungx. Ngaz kuex Mesopotamia mungx ghaqkhux kox maq yek waung tauk nuex, mnyuiuz Rakhel kuex Kanaan mungx Ephrat ghaq hep nuex thueyc kaz vtueq, ngaz kuex pinhtumc yonzyex tauk. Ngaz rueq vmaungx kuex Ephrat ghaq nuex kay juing lvmx phic nuex shuz luip shec tauk,” ngoz tueq jungx tueq. (Ephrat ghaq kuex majuiuc Betlehem ghaq ngoz yaq.)

Mikha 5:2

Yehowa rueq, “Betlehem Ephratha lex, mnoz kuex Yuda mungx wawc miqghaq vruinx pinhtumc vshiz rvtoq, yuq muinz Israel tvkoc guimz lawc jix washiz kuex mnoz kox wawc ngaz rueq tvdung shaungx, piq waruiuz kuex vjix vwaz pat maq phuex vhttax rvtueq,” ngoz tueq jungx tueq.

Matthew 1:20

Kvkhoc tvmaung yaq baunglaung Taungjix kamx waz vshiz rueq maung nuex kvkhic kaz vtueq, “Dawid suiuz vsaz Yosep lex, mtaungx nyuiuz Mary lvmc tvkoc nauk hiz kaz, yvmx khoc lac ngoz ruiux lec piq wvgvnz yaungx yaq kuex Vsawc Siyac maq yaungx wvnc tueq.

Matthew 2:23

Nazaret ngoz yaq ghaq nuex yuimx vwuik maq raz tueq httax tueq. Kvkhoc rvtueq, “Vpiq ngoc Nazaret waz ngoz tueq ngoz shuex,” ngoz tueq shvmmax bix rueq vjungx kvjaz kuex hungx waung tueq.

Luke 2:3

Kvkaq miq pumz tek vtueq miqmac muingc htawc tvkoc miqmac ghaq nuex yek wuez tueq.

Luke 2:5

Piq kuex piq muex vtvkvp taq nyuiuz Mary rulc vdvmz nuex muingc htawc kay kaz tueq. Mary kuex wvgvnz tuimx rvtueq.

Luke 4:16

Kvkaq Yesu kuex vpiq peluz wvnc tueq Nazaret ghaq nuex httuiuc waung tueq, Vguilc Raungnuiyq vpiq kuex htungx httax yaq rulc rv-ngvlc vjux thoz yuimx nuex kaz vtueq, Rumvrc luik wvlc muex jvp koq tueq,

John 1:46

Nathanael rueq piq muex, “Nazaret ghaq wawc vhvlx phvnx phvnx shishiz dung lot yaq haz?” ngoz tueq wiz tueq. Philip rueq, “Lawc kaz loq nauz,” ngoz tueq tvralc tueq.

John 7:42

Mesia kuex Dawid Hokhvmx waruiuz wawc rvtuex ngoz tueq muinz, Dawid httaz juing Betlehem ghaq wawc dung tuex ngoz tueq muinz Rumvrc luik nuex jungx shec tueq,” ngoz tueq.

RUTHA 1:19

Tsuingnueyc waung wvnc vtueq Betlehem nuex httuiuc waung tueq. Tsuingnueyc httuiuc waung koq tueq, wvghaq tuimx ruingraung thuirthux wuez vtueq, yalxjuik rulx htenc rueq, “Vruex kuex vsuing Naomi doc haz?” ngoz tueq rvwiz wuez tueq.

RUTHA 2:4

Vhuq httvmx vtueq Boa kuex Betlehem maq httuiuc kaz vtueq, vyauk shuimc jix hez muex ngoc, “Yehowa kuex nuimhez rulc vroc mhttax kueq!” ngoz tueq rvbomc tueq. Tsuinghez rueq muinz, “Yehowa rueq mnoz muex ruimrix mkuq kv-phux!” ngoz tueq tvralc tueq.

RUTHA 4:11

Ghaqshungc walaungx bix nuiyc vganc jix htenc rueq muinz, “Rvtueq, nuiyhez kuex hakhix muex yaungx vtix. Mtaungx nyuiuz kuex Yaku muex vsaz hez paunghvlc jawc kuy jix Rakhel nuiyc Lea ikhoc yaungc muex Yehowa rueq mtvhungx htaungx kuq kv-phux. Mnoz muinz Ephrat waruiuz wawc luizsuiuz waungsaz yaungx vtueq Betlehem ghaqyungx nuex muingc jungc mdung kueq.

RUTHA 4:17

Yuimx phic yuimx phaungx nyuiuz rulx kuex kaz vtueq nox kv-ngoc Obed ngoz tueq muingc kuq tueq. Tsuinghez rueq lotlaz laz muex ngoc, “Naomi rueq vsaz miqwaz saz vshiz lvp tueq!” ngoz tueq jungx tvtay wuez tueq. Obed kuex Jese waz, Jese kuex Dawid waz rvtueq.

1 SAMUEL 16:1

Yehowa rueq Samuel muex ngoc, “Sholu ningkhvnc nuex mnoz kuex mtanc nuex httuiuc laz lac thuinbac yonzyex tuiux? Ngaz rueq piq kuex Israel hokhvmx wawc tvdux gay tauk shex. Yuq muinz majuiuc olip puiz raungluingx lvmz wvnc vtueq Betlehem nuex vmuingc Jese ngoz yaq miq washiz kox kvyuq kaz kuiuz, ngaz rueq vsaz washiz kuex hokhvmx muex httauk taq tauk,” ngoz tueq jungx tueq.

1 SAMUEL 16:4

Samuel kuex Yehowa rueq jungx kuq tueq rulc rv-ngvlc tvhungx htaungx vtueq Betlehem nuex kaz tueq, kvruex ghaqyungx wawc vyungx vlaungx bix htenc kuex kv-khuirc yaq lvmx maq piq kox nuex rvhumc kaz vtueq, “Muik tsarx waz lex, vruex kuex nomic nuex seng vtueq khuemc shamc kay haz?” ngoz tueq wiz tueq.

1 SAMUEL 17:12

Dawid kuex Yuda mungx Betlehem ghaq wawc Ephrathi hong wuinz Jese saz rvtueq. Jese sahez kuex waz tvjvt httax yaq, Sholu hokhvmx yaungx tueq pat nuex Jese kuex nyuiuz waz likawx shec rvtueq.

1 SAMUEL 17:58

Sholu rueq piq muex ngoc, “Yalx rox waz lex, mnoz kuex ukhaq saz lac?” ngoz tueq wiz tueq. Dawid rueq, “Ngaz kuex Betlehem wawc mnvrc waz Jese saz rvtauk,” ngoz tueq tvralc kuq tueq.

1 SAMUEL 20:6

M-waz rueq humpanx nuex ngaz lomx naungx mauk kuex helc ruiux lec, ngvy yuimx wuinz wvyuimx tuimx tvkoc wawc tek shomc nawk kuq ruiux shuex jauz shex rvkoq tueq, Betlehem wawc yuimx nuex vlox waung phaungx ngoz tueq, m-yauk wawc ngaz rueq vkhangx thoz tauk lvmz piq muex jungx shuiuz.